„ბოიკოტს ალტერნატივა არ აქვს“ - „ლელოს“ ოფისში ოპოზიციური პარტიების შეხვედრა დასრულდა
1607530687
„ლელოს“ ოფისში ოპოზიციური პარტიების ლიდერების შეხვედრა დასრულდა. მათ საკანონმდებლო ორგანოში შესვლასთან დაკავშირებით პოზიციები კიდევ ერთხელ შეაჯერეს.
როგორც შეხვედრის დასრულების შემდეგ „ევროპული საქართველოს“ ერთ-ერთმა ლიდერმა გიგი უგულავამ ჟურნალისტებთან განაცხადა, პარტია ბოიკოტის რეჟიმში რჩება.
„ერთადერთი ლეგიტიმური გზა სამწუხაროდ, დარჩა ბოიკოტი, რადგან ბოიკოტის მიღმა ალტერნატივას „ქართული ოცნება“ არ ტოვებს“, - აღნიშნა გიგი უგულავამ.
👉 ინფორმაციისთვის, „ქართული ოცნების“ საარჩევნო სიის წევრმა ირაკლი კობახიძემ ბრიფინგზე განაცხადა, რომ თუ დროებითი საგამოძიებო კომისია საპარლამენტო არჩევნების შედეგებში „ქართული ოცნების“ სასარგებლოდ 1%-იან გადახრას მაინც დააფიქსირებს, პარტია რიგგარეშე არჩევნებს გამოაცხადებს.
👉 ოპოზიციისა და „ქართული ოცნების“ წარმომადგენლებს შორის მოლაპარაკების მეხუთე რაუნდი 10 დეკემბერს გაიმართება.
👉 მხარეები ოპოზიციური პარტიების პარლამენტში შესვლის სანაცვლოდ მმართველი გუნდისგან კომპრომისებზე მსჯელობენ.
აგრეთვე წაიკითხეთ:
👉 გიგი უგულავა: ირაკლი კობახიძე ოპოზიციას გაგვებუტა
👉 გიგი უგულავამ გამოსავალი იპოვა, მას მელია ჩაენაცვლება - კახა კალაძე
