პოლიტიკა

საგარეო საქმეთა სამინისტრო რუსულ მედიაში გავრცელებულ ინფორმაციასთან დაკავშირებით განცხადებას ავრცელებს

ფასადი
1614094295
დაკოპირებულია

„2021 წლის 20 თებერვალს რუსულენოვან მედიაში (vestikavkaza.ru) გავრცელდა სტატია სათაურით „ზალკალიანი: საქართველო მზადაა 3+3 ფორმატში მონაწილეობისთვის“. მომდევნო დღეებში აღნიშნული სტატია უცვლელი სახით გავრცელდა სხვა რუსულენოვან პლატფორმებზე, რაც რუსული დეზინფორმაციის დამახასიათებელ მეთოდს წარმოადგენს“, - ამის შესახებ საგარეო საქმეთა სამინისტროს განცხადებაშია ნათქვამი. 

უწყების ცნობით, რუსული მედია დავით ზალკალიანის განცხადების მცდარ ინტერპრეტაციას ავრცელებს.

„აღსანიშნავია, რომ საგარეო საქმეთა მინისტრობის კანდიდატმა, დავით ზალკალიანმა ევროპასთან ინტეგრაციის, დიასპორისა და კავკასიის საკითხთა და საგარეო ურთიერთობათა კომიტეტების ერთობლივ სხდომაზე გამოსვლისას დეპუტატის დასმულ კითხვაზე საპასუხოდ განაცხადა, რომ რეგიონში არსებული ვითარება რთულია, სხვადასხვა სახის პლატფორმების შემოთავაზება ხორციელდება, მაგალითად, 3+3 და 3+2 და ა.შ. პირველ რიგში მსგავსი საკითხები სამხრეთ კავკასიის სამი ქვეყნის (იგულისხმება აზერბაიჯანი, საქართველო, სომხეთი) გადასაწყვეტია და საჭიროა დიალოგი ჩვენს პარტნიორებთან, თუმცა მინისტრისვე განცხადებით, ვიდრე არ იქნება გადადგმული ხელშესახები ნაბიჯები დეოკუპაციის მიმართულებით, ნებისმიერ სამშვიდობო პლატფორმაში რუსეთის ფედერაციასთან გაერთიანება რთულად წარმოსადგენია.

„მთავარია რომ ჩვენ ჩვენი როლი, ჩვენი ფუნქცია არ დავკარგოთ აქ და დავინახოთ შესაძლებლობები. რა თქმა უნდა, არა ჩვენი სახელმწიფო ინტერესების ხარჯზე და ქვეყანასთან რომელსაც ოკუპირებული აქვს შენი ტერიტორიები, იმასთან რაღაც საერთო პლატფორმებში რაღაც საკითხების განხილვა რთულად წარმომიდგენია, სანამ არ იქნება მათი მხრიდან გადადგმული ნაბიჯები, თუნდაც რომ განვიხილოთ, რაღაც კონკრეტული დეოკუპაციის მიმართულებით ნაბიჯები უნდა იყოს გადადგმული, რომ განხილვა მაინც მოხდეს ამ შემოთავაზებული პლატფორმების,“ აღნიშნა მინისტრობის კანდიდატმა.

რუსულენოვანი მედია კი ამ დროს ავრცელებს საგარეო საქმეთა მინისტრობის კანდიდატის გამოსვლის მცდარ ინტერპრეტაციას, სადაც თითქოს დავით ზალკალიანი ამბობს, რომ სამხრეთ კავკასიის სამივე სახელმწიფომ უნდა მიიღოს გადაწყვეტილება 3+3, 3+2 პლატფორმების თაობაზე და რომ საქართველომ მზაობა გამოაცხადა განიხილოს ეს საკითხი აზერბაიჯანისა და თურქეთის საგარეო მინისტრებთან.

აღნიშნული ინფორმაცია სრულად აცდენილია კონტექსტს და არ შეესაბამება მინისტრობის კანდიდატის მიერ პარლამენტში საკომიტეტო მოსმენაზე გაჟღერებულ გზავნილებს. მსგავსი სტატიები ემსახურება საზოგადოების შეცდომაში შეყვანას, საქართველოს საგარეო პოლიტიკის შესახებ მცდარი ინფორმაციის გავრცელებასა და საერთაშორისო საზოგადოებაში საქართველოს ნეგატიურ პოზიციონირება“, - აღნიშნულია საგარეო საქმეთა სამინისტროს განცხადებაში.

ჰიდროელექტროსადგური
ენგურჰესი - Pia.ge

ენგურჰესზე ავარიაა - აფხაზური მედია

ენგურჰესზე ავარიაა. ამის შესახებ ინფორმაციას აფხაზური მედია ავრცელებს.

ანალიტიკოსი ზურაბ ქადაგიძე პრემიერ-მინისტრი ირაკლი ღარიბაშვილის შინაგან საქმეთა მინისტრობის და პირველი პრემიერობის პერიოდს იხსენებს და ამბობს, რომ სწორედ მისი უპრეცედენტო ძალისხმევის შედეგი იყო ცხინვალისა და სოხუმის ციხეებიდან ისეთი პატიმრების განთავისუფლება, რომლებსაც უვადო თუ 20 წლამდე უკანონო პატიმრობა ჰქონდათ მისჯილი.

1623671245

„თუ ვინმეს ჰგონია, რომ იმის წამოძახებით, მაშინ რატომ ვერ გააკეთე, რაიმე კომპლექსს გამიჩენენ, ვერ გამიჩენენ“, - ამის შესახებ პარტია „საქართველოსთვის“ დამფუძნებელმა გიორგი გახარიამ ჟურნალისტებთან განაცხადა.

1623671092

დღეს, 14 ივნისს, 14:15 საათზე ჯორჯიან უოთერ ენდ ფაუერის წყალმომარაგების სისტემის მთავარ სატუმბო სადგურებს ავარიულად შეუწყდა ელექტრო ენერგიის მიწოდება, რის გამოც ვაკე-საბურთალოს, მთაწმინდა-კრწანისის და გლდანი-ნაძალადევის რაიონების აბონენტების ნაწილს წყალი შეფერხებით მიეწოდება.

1623670263

ელექტროენერგიის შეზღუდვის გამო, 14:00 საათიდან თბილისის მეტროს საბურთალოს ხაზი მგზავრებს დროებით ვერ ემსახურებოდა.

1623669165
ავარიულად გამოირთო 500
კვ-იანი ელექტროგადამცემი
ხაზი - ელექტროსისტემა

ავარიულად გამოირთო 500 კვ-იანი ელექტროგადამცე...

საქართველოს სახელმწიფო ელექტროსისტემა საქართველოში ელექტროენერგიის შეზღუდვის მიზეზს განმარტავს.

საქართველოს მთავრობამ ქარსაფარი ზოლების...

გარემოს დაცვისა და სოფლის მეურნეობის სამინისტროს მიერ მომზადებული „ქარსაფარი (მინდორდაცვითი) ზოლების ინვენტარიზაციის სახელმწიფო პროგრამა“ ითვალისწინებს, საქართველოში არსებული ქარსაფარი ზოლების იდენტიფიცირება-ინვენტარიზაციასა და საჯარო რეესტრში რეგისტრაციას, - ამის შესახებ ინფორმაციას გარემოს დაცვისა და სოფლის მეურნეობის სამინისტრო ავრცელებს.

ზალკალიანი აზერბაიჯანსა და სომხეთს შორის...

ჩვენი მედიაცია, რაც ბოლო დღეების განმავლობაში ასე აქტუალური იყო სამხრეთ კავკასიაში და ჩვენი როლის აქტუალიზაცია, ის, რაც პრემიერ-მინისტრმა ბოლო ერთი თვის განმავლობაში გააკეთა, მიმართულია ზუსტად იქით, რომ საქართველოს როლი და ფუნქცია იყოს რაც შეიძლება პრიორიტეტულ თემებს შორის წამოწეული საერთაშორისო, გლობალური უსაფრთხოების და ამ ახალი გეოპოლიტიკური სიტუაციის ფონზე, - ამის შესახებ საქართველოს საგარეო საქმეთა მინისტრმა, დავით ზალკალიანმა, მთავრობის ადმინისტრაციაში გამართულ ბრიფინგზე განაცხადა.

წვიმა, ელჭექი და სეტყვა - უახლოესი დღეებ...

გარემოს ეროვნული სააგენტოს ცნობით, 20 ივნისამდე საქართველოს ცალკეულ რაიონში მოსალოდნელია ხანმოკლე წვიმა და ელჭექი, ზოგან შესაძლებელია სეტყვა.