1-ლი ოქტომბრის მდგომარეობით, კორონავირუსმა 17 ორსული იმსხვერპლა და მათ შორის არცერთი არ იყო ვაქცინირებული - NCDC
1636098602
დაავადებათა კონტროლისა და საზოგადოებრივი ჯანმრთელობის ეროვნული ცენტრმა კორონავირუსის გავრცელებით გამოწვეული ეპიდსიტუაციის ანალიზის მეშვიდე გადახედვის ანგარიში გამოაქვეყნა. ანგარიში 2020 წლის 23 იანვრიდან 2021 წლის 1-ელ ოქტომბრამდე პერიოდს მოიცავს.
2021 წლის პირველი ოქტომბრის მდგომარეობით, ორსულებში კორონავირუსის დადასტურებული შემთხვევების ჯამური რაოდენობა 7 338-ს შეადგენდა, რაც 8.6% არის.
⚫ 2020 წელს - 3 304 (7.3% 2020 წელს რეგისტრირებულ ორსულთა რაოდენობიდან)
⚫ 2021 წელს - 4 034 (10.1% 2021 წელს რეგისტრირებულ ორსულთა რაოდენობიდან)
ორსულებში დადასტურებულ შემთხვევათა შორის ყველაზე მაღალი წილი 35-39 ასაკობრივ ჯგუფზე მოდის 13.8%
როგორც ანგარიშშია ნათქვამი, ორსულის საცხოვრებელი რეგიონის მიხედვით დადასტურებულ შემთხვევების წილი მაღალია ქვემო ქართლის, შიდა ქართლის და სამცხე-ჯავახეთის რეგიონებში. ამასთან, 2020 წელს 3 304 ინფიცირებული ორსული იყო აღრიცხული, 2021 წელს - 4 034.
COVID 19-ით ინფიცირებული ორსულების საერთო რაოდენობიდან ლეტალური გამოსავალი აღირიცხა 17 შემთხვევაში, მათ შორის არც ერთი არ იყო ვაქცინირებული, ლეტალობის მაჩვენებელი - 0.23%
⚫ 2020 წელს - 1 შემთხვევა, ლეტალობის მაჩვენებელი - 0.03%
⚫ 2021 წელს - 16 შემთხვევა, ლეტალობის მაჩვენებელი - 0.4%
სრულად ვაქცინირებულ ორსულებში კორონავირუსით ინფიცირება ძალიან დაბალია. ამასთან, ასაკის მატებასთან ერთად ორსულებში იზრდება ვაქცინაციის პროცენტული მაჩვენებელი, როგორც მინიმუმ 1 დოზით აცრილების, ისე სრულად ვაქცინირებულების.
