ბადრა გუნბამ ჯარში გაწვევის „ბრძანებულებას“ ხელი მოაწერა
1759404164
სოხუმის დე ფაქტო ლიდერმა ბადრა გუნბამ ხელი მოაწერა ე.წ. შეიარაღებულ ძალებში 2025 წლის ოქტომბერ-დეკემბრის გაწვევის „ბრძანებულებას“. ამის შესახებ Apsadgl.info იუწყება.
პარალელურად სამხედრო სამსახურიდან იმ პირთა გათავისუფლება მოხდება, რომლებიც გაწვევით ჯარში მსახურობდნენ.
1 ოქტომბრიდან 31 დეკემბრის ჩათვლით ოკუპირებული აფხაზეთის ე.წ. შეიარაღებულ ძალებში 18-27 წლის ახალგაზრდების გაწვევა იგეგმება, რომლებიც ამჟამად თადარიგში იმყოფებიან.
გუნბამ დაავალა ე.წ. მინისტრთა კაბინეტს, ასევე რაიონების დე ფაქტო ადმინისტრაციებს, რომ ჯარში გაწვევის და ჯარიდან თადარიგში გადაყვანის ღონისძიებების გატარებას ხელი შეუწყონ.
