ბრიტანეთმა რუსული გემების მის პორტებში შესვლა აკრძალა
1646078167
დიდი ბრიტანეთი ხურავს თავის საზღვაო პორტებს რუსული გემებისთვის. ამის შესახებ Twitter-ზე დიდი ბრიტანეთის ტრანსპორტის მინისტრმა გრანტ შეპსმა დაწერა.
„საზღვაო სექტორი ფუნდამენტურია საერთაშორისო ვაჭრობისთვის და ჩვენ უნდა ვითამაშოთ ჩვენი როლი რუსეთის ეკონომიკურ შეზღუდვაში. ასეთ ვითარებაში ტრანსპორტის დეპარტამენტი მიზანშეწონილად მიიჩნევს, რუსული გემების გაერთიანებული სამეფოს პორტებში შესვლა აიკრძალოს“, - ნათქვამია დოკუმენტში.
ამიერიდან, გაერთიანებული სამეფოს პორტებზე წვდომა არ მიენიჭება არცერთ გემს, რომელიც რუსული დროშის ქვეშ ცურავს, აკონტროლებს ან დაქირავებულია რუსეთის ფედერაციასთან დაკავშირებული ნებისმიერი პირის მიერ.
„ჩვენ ვეცდებით, მხარი დავუჭიროთ გაერთიანებული სამეფოს პორტებს რუსული გემების იდენტიფიცირებაში ამ პროგრამის ფარგლებში“ - განაცხადა გრანტ შეპსმა.
ამავე თემაზე:
👉 არსებობს მტკიცებულება, რომ პუტინი ურალის ბუნკერში იმალება - უკრაინის შს სამინისტრო
👉 ფიფამ და უეფამ რუსეთის კლუბებსა და ეროვნულ გუნდებს ყველა ტურნირზე თამაშის უფლება შეუჩერეს
👉 კუპიანსკის მერი ქალაქის რუსებისთვის გადაცემის ბრალდებით დააკავეს
