„გვაქვს ინფორმაცია, რომ რუსეთი გეგმავს ხანგრძლივ შეტევას ირანული წარმოების დრონებით“ - ვოლოდიმირ ზელენსკი
1672731145
უკრაინის პრეზიდენტმა, ვლადიმირ ზელენსკიმ განაცხადა, რომ რუსეთი გეგმავს უკრაინაზე თავდასხმების ხანგრძლივ კამპანიას ირანული წარმოების „შაჰედის“ დრონებით.
„ჩვენ გვაქვს ინფორმაცია, რომ რუსეთი „შაჰედებით“ ხანგრძლივ შეტევას გეგმავს. მისი ფსონი შეიძლება იყოს გამოფიტვაზე - ჩვენი ხალხის, ჩვენი საჰაერო თავდაცვის, ჩვენი ენერგეტიკული სექტორის გამოფიტვაზე“, - აღნიშნა ზელენსკიმ.
მისი თქმით, უკრაინის მთავარი ამოცანაა, უზრუნველყოს რუსეთის გეგმების ჩავარდნა. როგორც ზელენსკიმ აღნიშნა, 2023 წლის დასაწყისიდან უკრაინის თავზე 80-ზე მეტი დრონი ჩამოაგდეს.
„ეს რიცხვი შეიძლება გაიზარდოს უახლოეს მომავალში. რადგან ამ კვირებში ღამეები შეიძლება საკმაოდ მოუსვენარი იყოს. ახლა ის დროა, როდესაც ცის დაცვაში ჩართული ყველა ადამიანი განსაკუთრებით ყურადღებიანი უნდა იყოს“, - დასძინა მან.
ასევე დაგაინტერესებთ:
👉 ოკუპირებულ მაკეევკაში რუსეთის ბაზაზე უკრაინის დარტყმა ძირს უთხრის პუტინის ავტორიტეტს - ISW
