„უკრაინის ხელისუფლებაში მყოფებს ომი უნდათ“ - რუსეთის ელჩი თურქეთში
1673595388
რუსეთის ელჩი თურქეთში ალექსეი იერხოვი აცხადებს, რომ უკრაინას მშვიდობის დამყარება არ სურს.
მისივე თქმით, კიევი ცდილობს, რომ მოსკოვთან მოლაპარაკებების შესაძლებლობა იურიდიულად აკრძალოს.
„შეიარაღებული კონფლიქტის გაგრძელება რუსი და უკრაინელი ხალხების საერთო უბედურებაა. კიევი ახლა არ არის მზად მშვიდობისთვის, ის მოლაპარაკებების დასაწყებად სხვადასხვა პირობების წამოყენებას ცდილობს და სურს, რომ იურიდიულ დონეზე მოლაპარაკებების გამართვის შესაძლებლობა აკრძალოს.
რუსეთმა შობის დღეს კეთილგანწყობის ნიშნად ცეცხლის შეწყვეტა გამოაცხადა, მაგრამ ამას უკრაინამ დაბომბვით უპასუხა. ჩვენ კიდევ ერთხელ დავრწმუნდით, რომ მათ, ვინც კიევში ხელისუფლებაში არიან, ომი უნდათ“, - განაცხადა იერხოვმა.
აგრეთვე წაიკითხეთ:
✔️ რუსული ჯარების მიერ სოლედარის აღების შესახებ ინფორმაციას ვერ დავადასტურებთ - პენტაგონი
✔️ რუსული ძალები, სავარაუდოდ, მთელ სოლედარს აკონტროლებენ - ISW
✔️ რუსეთი დაშავებულ სამხედროებს, ექიმების ნებართვის გარეშე, ფრონტზე აბრუნებს
✔️ საქართველოს ხელისუფლებასთან შეთანხმება შეუძლებელია, ისინი სხვა რეალობაში არიან - პოდოლიაკი
