დმიტრო კულებამ მოუწოდა გერმანიას, არ წაახალისოს პუტინის უკრაინაზე ახალი თავდასხმა
1642866757
საგარეო საქმეთა მინისტრმა დმიტრო კულებამ მოუწოდა გერმანიას, თავისი განცხადებებითა და ქმედებებით არ წაახალისოს ვლადიმერ პუტინის ახალი თავდასხმა უკრაინაზე. ამის შესახებ უკრაინული გამოცემა ავრცელებს ინფორმაციას.
როგორც მან Twitter-ის საკუთარ გვერდზე დაწერა, უკრაინა-გერმანიის ურთიერთობების დონე და უსაფრთხოების არსებულ მდგომარეობას არ შეესაბამება:
👉 გერმანიის ბოლო განცხადებები უკრაინისთვის იარაღის გადაცემის შესაძლებლობის თაობაზე, კერძოდ, მესამე ქვეყნებისთვის ამ ნებართვის არ მიცემის გამო
👉 უკრაინაში შეჭრის შემთხვევაში რუსეთის ფედერაციის Swift-ის საერთაშორისო გადახდის სისტემიდან გათიშვის თაობაზე არსებული რყევები
👉 განცხადებები ყირიმის დაბრუნების მცდელობების უშედეგობაზე
მისი თქმით, დასავლეთის ერთიანობა რუსეთთან მიმართებით ახლა უფრო მნიშვნელოვანია, ვიდრე ოდესმე და დიდი ძალისხმევა იხარჯება რუსეთის ფედერაციის შესაკავებლად.
„გერმანელმა პარტნიორებმა უნდა შეწყვიტონ ასეთი სიტყვებითა და ქმედებებით ერთიანობის შელახვა და არ უნდა წაახალისონ ვლადიმერ პუტინის უკრაინაზე ახალი თავდასხმა“, - განაცხადა საგარეო საქმეთა მინისტრმა.
კულებამ ხაზგასმით აღნიშნა, რომ უკრაინა მადლიერია გერმანიის მიერ 2014 წლიდან გაწეული მხარდაჭერისთვის და დიპლომატიური ძალისხმევისთვის რუსეთ-უკრაინის კონფლიქტის მოსაგვარებლად, მაგრამ გერმანიის ამჟამინდელი განცხადებები იმედგაცრუებულია და ამ მხარდაჭერას და ძალისხმევას ეწინააღმდეგება.
ინფორმაციისთვის, რუსეთმა 2021 წლის ნოემბრიდან უკრაინის საზღვართან ათიათასობით სამხედროს მობილიზება მოახდინა.
დასავლეთის ქვეყნების დაზვერვა არ გამორიცხავს, რომ მოსკოვი უკრაინის წინააღმდეგ ფართომასშტაბიან აგრესიას ამზადებს.
2022 წლის 21 იანვარს ჟენევაში აშშ-ის სახელმწიფო მდივნის ენტონი ბლინკენის და რუსეთის საგარეო საქმეთა მინისტრის სერგეი ლავროვის შეხვედრა გაიმართა. რუსეთი კვლავ მოითხოვს დასავლეთისგან ე.წ. „უსაფრთხოების გარანტიებს“, რომლის ძირითადი პუნქტი ნატოში ახალი წევრების მიღებაზე უარია.
იხილეთ აგრეთვე:
🔴 „ერთიანი ნაციონალური მოძრაობა“ უკრაინას თანადგომას უცხადებს
🔴 უკრაინა რუსეთისთვის მეორე ავღანეთი გახდება - ბრიტანეთის საგარეო საქმეთა მინისტრი
