ესპანეთში ხანძარი მადრიდს მიუახლოვდა, არის მსხვერპლი
1754993187
ესპანეთში ტყის ხანძარი ქვეყნის დედაქალაქს, მადრიდს მიუახლოვდა. ცეცხლი მადრიდის შემოგარენში მდებარე სახლებს უკიდია. ინფორმაციას telegraph ავრცელებს.
მადრიდის მახლობლად ხანძარს ერთი ადამიანი შეეწირა. მან სხეულის 98%-ის დამწვრობა მიიღო და მედიკოსებმა მისი გადარჩენა ვერ შეძლეს.
მეხანძრეები ტრეს-კანტოსის დასახლებაში ცეცხლთან მთელი ღამის განმავლობაში იბრძოდნენ. ეს დასახლება მადრიდის ჩრდილოეთით მდებარეობს.
ხანძრის გავრცელებას მაღალი ტემპერატურა უწყობს ხელს. 13 აგვისტომდე ესპანეთსა და პორტუგალიაში +44 სიცხე იქნება შენარჩუნებული,
ხანძრის გამო ასობით ადამიანმა საცხოვრებელი სახლები დატოვა.
ცეცხლმა უკვე გაანადგურა ლას-მედულასის ნაკრძალი, რომელიც იუნესკოს კულტურული მემკვიდრეობის სიაში იყო შეტანილი. აქ ძველი რომის პერიოდიდან ოქროს მოპოვება ხდებოდა.
ხანძარი პორტუგალიის ჩრდილოეთ ნაწილშიც მძვინვარებს. ტრამკოზიში, რომელიც ლისაბონიდან 350 კმ-ში მდებარეობს, ხანძრის ქრობის პროცესში 700 მეხანძრე მონაწილეობდა.
