პოლონეთი არ აპირებს, მობილიზაციის გამო სხვა ქვეყნებში გაქცეული რუსების მიღებას
1664281589
პოლონეთი არ აპირებს, მობილიზაციის გამო სხვა ქვეყნებში გაქცეული რუსების მიღებას, - ამის შესახებ პოლონეთის პრემიერ-მინისტრის აპარატის ხელმძღვანელმა მიხალ დვორჩიკმა განაცხადა.
მან ყურადღება გაამახვილა იმაზე, რომ პოლონეთი არ ხურავს საზღვრებს პოლიტიკური შეხედულებების ან ადამიანის უფლებებისთვის ბრძოლის გამო რეპრესირებული პირებისთვის.
„მეორე მხრივ, ჩვენ არ ვგეგმავთ რუსეთის იმ მოქალაქეების მიღებას, რომლებიც აქამდე მხარს უჭერდნენ ვლადიმირ პუტინის რეჟიმს და ახლა, როდესაც მოულოდნელად გამოჩნდა პერსპექტივა, რომ მათ შეიძლება არა მხოლოდ სიტყვებით დაუჭირონ ამ რეჟიმს მხარი, არამედ ფრონტზეც აღმოჩნდნენ, უცებ დიდი დემოკრატები გახდნენ და რუსეთის დატოვებას გეგმავენ. ეჭვგარეშეა, ჩვენ ასეთ ადამიანებს მხარს არ დავუჭერთ“, - დასძინა პოლონეთის პრემიერ-მინისტრის აპარატის ხელმძღვანელმა.
აგრეთვე წაიკითხეთ:
👉 მობილიზებულ რუსებს მომზადების გარეშე უშვებენ ფრონტზე - რუსი უფლებადამცველები
👉 რუსეთი 1-ელ ოქტომბრამდე ან მის შემდეგ ოკუპირებული ტერიტორიების ანექსიას შეეცდება - ISW
