მთავარი

ძიება

ვიდეო

ქვიზები

კონტაქტი

რუსეთი ბელორუსში ტაქტიკურ ბირთვულ იარაღს განათავსებს - პუტინი

რუსეთის და ბელორუსის პრეზიდენტები

მოსკოვი და მინსკი ბელორუსის ტერიტორიაზე ტაქტიკური ბირთვული იარაღის განთავსებაზე შეთანხმდნენ. ამის შესახებ კრემლის ლიდერმა ვლადიმერ პუტინმა Rossiya 24-ის ეთერში ჟურნალისტ პაველ ზარუბინთან ინტერვიუში განაცხადა. 

„3 აპრილიდან ვიწყებთ ეკიპაჟების წვრთნას. 1-ელ ივლისს კი ვასრულებთ ტაქტიკური ბირთვული იარაღის სპეციალური საწყობის მშენებლობას ბელორუსის ტერიტორიაზე“, - განაცხადა პუტინმა. 

პუტინმა ხაზგასმით აღნიშნა, რომ რუსეთი უკვე დაეხმარა ბელორუსს თვითმფრინავების ხელახალ აღჭურვაში. გარდა ამისა, მინსკს გადაეცა სარაკეტო სისტემა ისკანდერი.

ვლადიმერ პუტინი ირწმუნება, რომ ბირთვული იარაღი განთავსდება START-ით ნაკისრი ვალდებულებების დაურღვევლად.

პუტინის თქმით, ამ ნაბიჯის მიზეზი გახდა დიდი ბრიტანეთის განცხადება, რომ უკრაინას ტანკებისთვის გაღარიბებული ურანის შემცველ ჯავშანგამჭოლ ჭურვებს გადასცემდნენ.

ამავე დროს, პუტინმა აღნიშნა, რომ ბელორუსი დიდი ხანია ითხოვდა რუსული ბირთვული იარაღის განთავსებას თავის ტერიტორიაზე. 

პუტინის განცხადებით, მოსკოვი იმავეს აკეთებს, რასაც ვაშინგტონი ათწლეულების განმავლობაში.

ასევე დაგაინტერესებთ: 

✔️  ამ პრემიამ უნდა დააფიქროს ზოგიერთი ჩვენი თანამოქალაქე, რომელიც ჩემი გაშავების კამპანიას წამოეგო - სააკაშვილი მისთვის გადაცემულ ჯილდოზე

✔️ „მისდიე შენს სხეულს“ - შალვა რამიშვილს სექსუალურ შევიწროებაში ანანია გაჩეჩილაძეც ადანაშაულებს

✔️ „ისინი გვძარცვავდნენ, ჩვენი აქტივები მოიპარეს“ - პესკოვი პირატული ასლების გავრცელებასთან დაკავშირებით მედვედევის პოზიციას იზიარებს

✔️ ოკუპანტებმა ხერსონში ჰუმანიტარული დახმარების გამანაწილებელ პუნქტს ცეცხლი გაუხსნეს, არიან დაჭრილები - უკრაინული მხარე