რუსეთმა კონსტანტინოვკაზე ავიაბომბი ჩამოაგდო - დაიღუპა ხუთი ადამიანი
1758202400
დონეცკის რეგიონული პოლიციის ცნობით, 18 სექტემბრის დილით რუსებმა დონეცკის ოლქის ქალაქ კონსტანტინოვკაზე საჰაერო იერიში მიიტანეს, რის შედეგადაც ხუთი მშვიდობიანი მოქალაქე დაიღუპა.
„დღეს, დაახლოებით დილის 10:00 საათზე, რუსეთის არმიამ ქალაქის საცხოვრებელ უბანზე 250 კილოგრამიანი ავიაბომბი ჩამოაგდო. რუსებმა ორი ქალი, 62 და 65 წლისები, და სამი მამაკაცი, 65, 67 და 74 წლისები, მოკლეს“, - ნათქვამია განცხადებაში.
აღნიშნულია, რომ თავდასხმის შედეგად ოთხი საცხოვრებელი კორპუსი დაზიანდა.
დონეცკის სპეციალური ოპერაციების მეთაურმა ვადიმ ფილაშკინმა მოსახლეობას ევაკუაციისკენ მოუწოდა და აღნიშნა, რომ დონეცკის ოლქში მცხოვრები ყველა მშვიდობიანი მოქალაქე რუსული დაბომბვის პოტენციური მსხვერპლია.
