რუსულმა ძალებმა ზაპოროჟიეზე მასშტაბური იერიში მიიტანეს - არის მსხვერპლი
1756533574
რუსულმა ძალებმა ზაპოროჟიეზე მასშტაბური საჰაერო იერიში მიიტანეს, რის შედეგადაც ერთი ადამიანი დაიღუპა და 22 დაშავდა. აღნიშნულ ინფორმაციას ზაპოროჟიეს საოლქო სამხედრო ადმინისტრაციის ხელმძღვანელი ივან ფიოდოროვი ავრცელებს.
უკრაინული მხარის ცნობით, დაბომბვის შედეგად დაზიანდა 14 მრავალსართულიანი შენობა და 40-ზე მეტი კერძო სახლი, გაჩნდა ხანძარი და ელექტროენერგია გაითიშა.
„რუსებმა ოლქის ცენტრს სხვადასხვა ტიპის იარაღით დაარტყეს. მასიური იერიშის დროს რუსებმა ზაპოროჟიეზე სულ მცირე 12 დარტყმა განახორციელეს“, - აცხადებს ფიოდოროვი.
მისივე ინფორმაციით, დაშავებულს შორის 3 ბავშვია.
