თურქეთი ფინეთისა და შვედეთის ნატოში მიწვევას დათანხმდა
1656442505
თურქეთი თანახმაა, ნატოში გასაწევრიანებლად ფინეთისა და შვედეთის განაცხადებს მხარი დაუჭიროს. აღნიშნულ ინფორმაციას BBC ავრცელებს.
ფინეთის პრეზიდენტის საული ნიინისტეს განცხადებით, გარღვევა მას შემდეგ მოხდა, რაც სამმა ქვეყანამ ერთობლივ მემორანდუმს - „ერთმანეთის უსაფრთხოების საფრთხის წინააღმდეგ სრული მხარდაჭერის გასამყარებლად“ ხელი მოაწერეს.
აღსანიშნავია, რომ სკანდინავიურმა ტანდემმა ფინეთ-შვედეთმა ჩრდილოატლანტიკურ ალიანსში გაწევრიანების შესახებ გადაწყვეტილება მას შემდეგ მიიღეს, რაც რუსეთი უკრაინაში შეიჭრა.
შვედეთმა და ფინეთმა ნატოში გაწევრიანების განაცხადი ერთობლივად მაისში შეიტანეს.
შეგახსენებთ, რომ მადრიდში 28-30 ივნისს ნატოს სამიტი იმართება, მადრიდში იმყოფება თეთრი სახლის ლიდერი ჯო ბაიდენიც.
