ე.წ. აგენტების შესახებ კანონპროექტი პირველი მოსმენით მიიღეს
1678205566
ე.წ. უცხო ქვეყნის გავლენის აგენტების შესახებ კანონპროექტს საქართველოს პარლამენტმა კენჭისყრაზე პირველი მოსმენით მიიღო.
კანონპროექტს მხარი 76-მა დეპუტატმა დაუჭირა, ხოლო 13 წინააღმდეგი იყო.
კანონპროექტები წარდგენილია „ხალხის ძალიდან“ დეპუტატების - სოზარ სუბარის, დიმიტრი ხუნდაძის, მიხეილ ყაველაშვილის, გურამ მაჭარაშვილის, დაჩი ბერაიას, ვიქტორ ჯაფარიძის, ეკა სეფაშვილის, დავით კაჭარავას და ზაალ მიქელაძის მიერ.
აღსანიშნავია, რომ ე.წ. აგენტების შესახებ კანონპროექტების განხილვა პარლამენტსა და პარლამენტს გარეთ მწვავე პროტესტის ფონზე მიმდინარეობდა.
ცნობისთვის, 7 მარტს პარლამენტმა ე.წ. აგენტების კანონპროექტის განხილვა დაჩქარებული წესით დაიწყო.
აღნიშნული კანონპროექტის განხილვას საზოგადოება პარლამენტის წინ აპროტესტებს. საკანონმდებლო ორგანოს მიმდებარე ტერიტორიაზე შეკრებილები არიან რიგითი მოქალაქეები, სამოქალაქო აქტივისტები, პოლიტიკოსები, მედიის წარმომადგენლები და საზოგადოების სხვა წევრები.
ასევე დაგაინტერესებთ:
👉 დღეს საქართველოს დემოკრატიისთვის შავი დღეა - აშშ-ის საელჩო
👉 ახლა ვინც სახლში ხართ, გარეთ გამობრძანდით, გადამწყვეტი ბრძოლა უნდა დავიწყოთ - ლევან ხაბეიშვილი
👉 ცნობილია, ვინ დაუჭირა მხარი ლევან იოსელიანს სახალხო დამცველად - სია
