ჯანმომ „მაიმუნის ყვავილი“ საერთაშორისო მნიშვნელობის საგანგებო სიტუაციად არ აღიარა
1656259745
ჯანდაცვის მსოფლიო ორგანიზაცია ამჟამად არ ადგენს, რომ „მაიმუნის ყვავილი“ წარმოადგენს საერთაშორისო შეშფოთების საზოგადოებრივი ჯანმრთელობის გადაუდებელ შემთხვევას და საერთაშორისო მნიშვნელობის საგანგებო სიტუაციად არ აღიარა. აღნიშნული გადაწყვეტილება ჯანმომ საგანგებო კომიტეტის შეხვედრაზე მიიღო.
ამასთან, კომიტეტის წევრები აღიარებენ, რომ ამ აფეთქებას ბევრი უჩვეულო დეტალი ახასიათებს, მათ შორის ვირუსის იმ ქვეყნებში გავრცელება, სადაც ის ადრე არ დაფიქსირებულა.
„მაიმუნის ყვავილის დადასტურებული შემთხვევების უმეტესობა არის მამრობითი სქესის და ამ შემთხვევების უმეტესობა გვხვდება გეი, ბისექსუალ და სხვა მამაკაცებში, რომლებსაც აქვთ სექსუალური კავშირი კაცებთან“, - ვკითხულობთ ანგარიშში.
