„ინფორმაცია მათთვის, ვინც ფიქრობს, რომ შეზღუდვები და ვაქცინაცია ვერ მუშაობს“ - ზაზა წერეთელი
1627502456
ნორვეგიის სამეფოს ჯანდაცვის სამინისტროს უფროსმა მრჩეველმა ზაზა წერეთელმა საკუთარ Facebook-ის გვერდზე პოსტი გამოაქვეყნა, რომელშიც ის Bloomberg -ზე დაყრდნობით აღნიშნავს, რომ მსოფლიოში ყველაზე კარგი ქვეყანა პანდემიის დროს საცხოვრებლად არის ნორვეგია.
აღნიშნული გამოცემის მიერ ჩატარებული კვლევის მიხედვით 5,4 მილიონი ქვეყანაში სიკვდილიანობის ერთ - ერთი ყველაზე დაბალი მაჩვენებელია ევროპაში.
ნორვეგიაში ამჟამადაც საკმაოდ მკაცრი რეგულაციები მოქმედებს კორონავირუსის პრევენციის მიზნით.
„ბლუმბერგმა დღეს გამოაქვეყნა თავისი კვლევის შედეგები რომლის მიხედვითაც ყველაზე კარგი ქვეყანა ამ მომენტში პანდემიის დროს საცხოვრებლად არის ნორვეგია! ეჭვიც არ მეპარებოდა...
სხვათა შორის დღეს ნორვეგიის მთავრობამ განაცხადა, რომ მეორედ გადადო დაგეგმილი საბოლოო შეზღუდვების მოხსნა, დელტას ვარიანტის გავრცელების გამო.
როგორც ჯანდაცვის მინისტრმა განაცხადა, აგვისტოს შუა რიცხვებში გაკეთდება ახალი შეფასება სიტუაციის და იმის მიხედვით მოხდება გადაწყვეტილების მიღება.
ამ დროისთვის ღონისძიებები, რომლებიც შენარჩუნებული იქნება კოვიდ 19–ის გავრცელების შესაჩერებლად, მოიცავს ბარებსა და რესტორნებში მომსახურება 9 საათამდე და კერძო სახლებში შეკრებისთვის მხოლოდ 20 ადამიანის შეკრების ნებართვას.
მთავრობამ აპრილში დაიწყო ოთხ -ეტაპიანი გეგმა პანდემიის შეზღუდვების უმეტესობის თანდათანობით მოხსნის შესახებ და ამ ნაბიჯებიდან პირველი სამი დაასრულა ივნისის შუა რიცხვებში.
5 ივლისს, პრემიერ მინისტრმა ერნა სოლბერგმა თქვა, რომ მეოთხე ნაბიჯი შეიძლება დადგეს ივლისის ბოლოს ან აგვისტოს დასაწყისში, დელტა შტამის გამო.
ნორვეგიის მოზრდილთა დაახლოებით 80% -მა მიიღო პირველი დოზა კოვიდ 19-ის ვაქცინა და მოზრდილთა 41% სრულად არის ვაქცინირებული.
5,4 მილიონი ქვეყანაში სიკვდილიანობის ერთ - ერთი ყველაზე დაბალი მაჩვენებელი ევროპაში. დაახლოებით 800 ნორვეგიელი დაიღუპა Covid 19–ით. ინფორმაცია მათთვის, ვინც ფიქრობს, რომ შეზღუდვები და ვაქცინაცია ვერ მუშაობს“, - წერს ზაზა წერეთელი.
იხილეთ აგრეთვე:
👉ვაქცინირებული ხართ, მაგრამ მაინც ინფიცირდით - როგორ ხდება ეს? - The Washington Post
👉რა სიმპტომებით ვლინდება ინდური შტამი? - BBC
👉ბოლო 24 საათში საქართველოში კოვიდვაქცინით ადამიანი 14 210 აიცრა
