„მსოფლიო ნორმალურ ცხოვრებას 1 წელიწადში დაუბრუნდება“ - ალბერტ ბურლა
1632737003
„მსოფლიო ნორმალურ ცხოვრებას 1 წელიწადში დაუბრუნდება“ - აღნიშნული განცხადება „ფაიზერის“ ხელმძღვანელმა ალბერტ ბურლამ ABC-ს ტელეეთერში გააკეთა.
მისი თქმით, ეპიდემიოლოგიური პროგრესი დამოკიდებულია ვაქცინების ათვისებაზე და ჯოგური იმუნიტეტის გამომუშავებაზე.
„ფაიზერის“ ხელმძღვანელის განცხადებით, ყოველწლიური იმუნიზაცია ნორმა იქნება და შეიქმნება ვაქცინა, რომლის მოქმედებაც სულ მცირე 1 წლიანი უნდა იყოს.
„ვფიქრობ, რომ 1 წელიწადში ნორმალურ ცხოვრებას დავუბრუნდებით. თუმცა, ეს იმას არ ნიშნავს, რომ ახალი ვარიანტები არ გაჩნდება ან ვაქცინაციის გარეშე შეგვეძლება ცხოვრება.
ჩემი სავარაუდო სცენარი ასეთია - იქიდან გამომდინარე, როგორ ვრცელდება ვირუსი მთელ მსოფლიოში, წელიწადში ერთხელ საჭირო გახდება ვაქცინაცია. თუმცა, ზუსტად არაფრის თქმა შეგვიძლია. უნდა დაველოდოთ მოვლენების განვითარებას“, - განაცხადა ალბერტ ბურლამ.
იხილეთ აგრეთვე:
✅„აცრების რაოდენობა მნიშვნელოვნად თუ გაიზრდება, მე-5 ტალღა კიდევ უფრო გადავადდება“ - გამყრელიძე
✅მსოფლიოში კორონავირუსით ინფიცირებულთა რაოდენობა 232 მლნ-ს აჭარბებს
