Pfizer და BioNTech-ის კომპანიები ევროკავშირს ვაქცინის გამოყენების დაშვებისკენ მოუწოდებენ
1606829869
გერმანიის BioNTech და აშშ-ის Pfizer-ის ფარმაცევტული კომპანიები ევროკავშირს ნებართვა მოსთხოვეს ვაქცინის გამოყენების დაწყება ევროპის ქვეყნებში. ინფორმაციას უცხოური მედია ავრცელებს.
გამოცემის ცნობით, მათ უკვე მოითხოვეს ნებართვა აშშ-ის სურსათისა და წამლის ადმინისტრაციასა და დიდი ბრიტანეთის მარეგულირებელ სააგენტოსთან. აგრეთვე საკითხის მიმოხილვა დაიწყეს სხვადასხვა ქვეყანაში.
„Pfizer-ის ვაქცინა შესაძლოა ხელმისაწვდომი გახდეს ევროკავშირში მოწყვლადი ჯგუფებისთვის წლის ბოლომდე იმ შემთვევაში, თუ EMA დაასკვნის, რომ ვაქცინის კანდიდატის სარგებელი აღემატება მის რისკებს“, - აღნიშნულია გავრცელებულ ინფორმაციაში.
ზემოთ აღნიშნული ვაქცინების შემოწმება დაიწყო 2020 წლის 6 ოქტომბერს.
ცნობისთვის, BioNTech ვაქცინა 95%-ით ეფექტურია.
ევროკავშირმა ცოტა ხნის წინ ხელი მოაწერა შეთანხმებას 300 მილიონამდე დოზის Pfizer და BioNTech ვაქცინის უზრუნველსაყოფად.
🛑 COVID 19 პანდემიად მიმდინარე წლიოს 11 მარტს გამოცხადდა.
აგრეთვე, დაგაინტერესებთ:
⭕ გადაეცემა თუ არა ჩვილს კორონავირუსის ანტისხეულები ძუძუთი კვების დროს? - ექსპერტის დასკვნა
