„სინოფარმის“ მეორე დოზაზე რეგისტრაცია ხვალიდან დაიწყება
1620734194
საქართველოს ჯანდაცვის მინისტრის მოადგილის თამარ გაბუნიას განცხადებით, ხვალ, დღის ბოლოდან „სინოფარმის“ მეორე დოზაზე რეგისტრაცია დაიწყება.
„სინოფარმის“ მეორე დოზებით ვაქცინაცია მოსახლეობას 25 მაისის შემდეგ უწევს და ხვალ, დღის ბოლოს, 20:00 საათიდან დაავადებათა კონტროლის ეროვნული ცენტრი უკვე გახსნის რეგისტრაციის ბაზას, მათ შესაძლებლობა ექნებათ დარეგისტრირდენ „სინოფარმის“ მეორე დოზებზე“, - განაცხადა გაბუნიამ.
მისი თქმით, „სინოფარმის“ ახალ დოზას მივიღებთ ივნისის დასაწყისიდან შუა რიცხვებამდე და ამასთან დაკავშირებით მოლაპარაკებები მიმდინარეობს.
ინფორმაციისათვის, საქართველოში ბოლო 24 საათის განმავლობაში კოვიდინფიცირების 1 788 ახალი შემთხვევა დადასტურდა, ხოლო 1 251 ადამიანი გამოჯანმრთელდა.
კორონავირუსის დადასტურებული შემთხვევების საერთო რაოდენობა 324 256-ს შეადგენს, ხოლო სულ გამოჯანმრთელებულია 303 679 პირი.
რაც შეეხება დადებითობის მაჩვენებელს, დღიური - 5,76%, ბოლო 14 დღის - 6,07%, ბოლო 7 დღის - 6,35%-ია.
ჯანდაცვის მსოფლიო ორგანიზაციამ „სინოფარმის“ ვაქცინას ავტორიზაცია 7 მაისს მიანიჭა.
საქართველომ „სინოფარმის“ ვაქცინით იმუნიზაციის პროცესი 4 მაისს დაიწყო და ვაქცინაციაზე რეგისტრაცია 18 წელს ზემოთ ასაკის ადამიანებისთვის არის შესაძლებელი.
მსურველებს რეგისტრაცია სპეციალურად შექმნილ პორტალზე შეუძლიათ booking.moh.gov.ge
აგრეთვე წაიკითხეთ:👇
✅„არ გვაქვს იმის შესაძლებლობა, რომ კომენდანტის საათის გადაწევაზე ვიფიქროთ“
✅„თუ არ გავლაღდებით, 2 კვირაში ვირუსმა უკუსვლა უნდა დაიწყოს“
