N95 - საუკეთესო პირბადე კორონავირუსისგან დასაცავად
1633716660
კორონავირუსის საწინააღმდეგო პირბადე N95 - ინფექციისგან დაცვის ერთ-ერთი ყველაზე ეფექტიანი საშუალებაა - აცხადებენ სპეციალისტები. ამის შესახებ aljazeera.com იუწყება.
ვირუსისგან დაცვის ეფექტიანობა სწორედ პირბადის ხარისხზეა დამოკიდებული.
ვინაიდან კორონავირუსით ყოველ მესამე ინფიცირებულს სიმპტომები არა აქვს, პირბადეების ფართო გამოყენება ძალზე მნიშვნელოვანია. პირბადე ვისაც უკეთია, გარშემომყოფებს სწორედ მისგან ინფიცირებისგან იცავს. პირბადის მასიური გამოყენება ვირუსის გავრცელებისგან ეფექტიანად იცავს.
პანდემიის დასაწყისში ინდივიდუალური დაცვის საშუალებების უკმარისობა შეინიშნებოდა. სახელი N95 წარმოიშვა იმის გამო, რომ ეს პირბადე მიკრონაწილაკების 95%-ს იკავებს. დღეს ეს ბაქტერიების და ვირუსების გავრცელებისგან თავის დაცვის ყველაზე ეფექტიანი საშუალებაა.
კორონავირუსის დელტა შტამის გავრცელების შემდეგ საზოგადოებრივ ადგილებში პირბადეების ტარება უფრო აუცილებელი გახდა. ვაქცინა, ბუნებრივია, დაავადების მძიმე ფორმისგან გვიცავს და ვირუსის გადაცემას ანელებს, მაგრამ სხვა პროფილაქტიკური ზომების განხორციელება კვლავ აუცილებელია. ნებისმიერ შემთხვევაში, თუ თქვენ მაინც და მაინც N95-ის ტიპის პირბადეს ვერ იშოვით, სჯობს ჩვეულებრივი ნაჭრის ან სამედიცინო პირბადე გამოიყენოთ, ვიდრე საერთოდ მის გარეშე იყოთ.
ძალზე მნიშვნელოვანია პირბადე თქვენი სახის ზომას მოერგოს, ანუ, მარტივად რომ ავხსნათ, თუ პირბადე ზომით დიდია და გვერდიდან ჰაერი ხვდება, მაშინ ის ორგანიზმს არ იცავს. ასევე, პირბადე თქვენთვის მოხერხებული უნდა იყოს, რათა რამდენიმე საათის განმავლობაში ტარება შეძლოთ და მან სახის გაღიზიანება არ გამოიწვიოს. არსებობდა ეჭვი, რომ პირბადის ხელმეორედ გამოყენება საშიშია, მაგრამ ახლა დადასტურდა, რომ ნიღბის ნაჭრის ზედაპირზე ვირუსი დიდხანს ვერ ცოცხლობს, შესაბამისად N95-ის პირბადის რამდენჯერმე გამოყენება უსაფრთხოა.
N95 და FFP2 პირბადის შოვნა არც თუ ისე ადვილია. იყიდება ბევრი არაორიგინალი და დაბალი ხარისხის პირბადე. ნამდვილი და ყალბი პირბადეების გარჩევა ძალზე რთულია. რაც შეეხება ჩვეულებრივ, ნაჭრის პირბადეს, ის ეფექტიანი დაცვისთვის მინიმუმ სამი შრისგან უნდა შედგებოდეს.
ვერსიები იმის შესახებ, რომ კორონავირუსი ზედაპირიდან გადაეცემა, არ დასტურდება. შესაბამისად, ყველაზე ხშირად ის წვეთოვანი და ჰაერწვეთოვანი გზით ერთი ადამიანისგან უშუალოდ მეორე ადამიანს ან ადამიანთა ჯგუფს გადაეცემა.
შესაბამისად მნიშვნელოვანია სკოლებში, ოფისებში, სავაჭრო ცენტრებში, საავადმყოფოებში ჰაერის ვენტილაცია და მისი გაფილტვრა, რათა ვირუსი გადამტანი ნაწილაკების ჰაერიდან გაქრეს. ვიდრე მთავრობები და მარეგულირებელი ორგანოები ამ პრობლემას სერიოზულად არ მიაქცევენ ყურადღებას, ინფექციის გადატანა და ხელახალი ინფიცირება შეიძლება გაგრძელდეს - წერს aljazeera.com.
