Sinovac-ის და AstraZeneca-ს ვაქცინების კვლევებმა მათი 97%-იანი ეფექტიანობა აჩვენა
1621326812
ვაქცინების ეფექტიანობის კვლევებმა აჩვენა, რომ Sinovac-ის და AstraZeneca-ს პრეპარატებმა 97 ეფექტიანობა აჩვენა. ამის შესახებ thethaiger.com იუწყება.
როგორც ტაილანდის ჩულალონგკორნის უნივერსიტეტის კვლევებმა აჩვენა, AstraZeneca ერთი დოზის მიღების შემდეგ იმუნური რეაქცია კვლევებში მონაწილეთა 97%-ს დაუფიქსირდა.
რაც შეეხება, Sinovac-ს, მისი ერთი დოზის მიღების შემდეგ სამ კვირაში იმუნიტეტი 66%-ის შემთხვევაში ამოქმედდა, ხოლო ოთხი კვირის შემდეგ მეორე ინექციის შემდეგ ამ მაჩვენებელმა 99,49% შეადგინა.
კვლევების შედეგად დადგინდა, რომ AstraZeneca-ს ვაქცინის მიღების შემდეგ ანტისხეულები ქალების 100%-ს და კაცების 93%-ს დაუდგინდა. საბოლოო ჯამში კვლევებმა დაადასტურა, რომ Sinovac და AstraZeneca Covid 19-თან ბრძოლის ეფექტიან საშუალებას წარმოადგენს.
