„მომგები კანდიდატი დაიდოს და მე ვიქნები პირველი, ვინც მხარს დაუჭერს“ - ნიკა მელია
1621013576
„ნაციონალური მოძრაობის“ თავმჯდომარის ნიკა მელიას განცხადებით, ადგილობრივი თვითმმართველობის არჩევნებზე ოპოზიციას თბილისის მერობის ერთი და ისეთი კანდიდატი უნდა ჰყავდეს, რომელიც „ქართული ოცნებას“ აუცილებლად მოუგებს.
„გამარჯვების კამპანია უნდა ვაწარმოოთ. ხალხმა უნდა იწამოს, რომ გამარჯვების კამპანიაში შედის. კამპანიაში გვჭირდება მომგები კანდიდატი. მომგები კანდიდატი დაიდოს და ნიკა მელია იქნება პირველი, ვინც მხარს დაუჭერს და შტაბის უფროსადაც დავუდგები. ასეთ კანდიდატს ვეძებ მეც კი, რომ ოპოზიციას შევთავაზო.
მისი თქმით, სურს ეროვნული კამპანია აწარმოოს, რაშიც თბილისის მერობის კანდიდატობა ხელს შეუშლის.
„გეტყვით, რაც მაფერხებს. მე რომ ვიყო თბილისის მერობის კანდიდატი, როგორ ჩავიდე ზუგდიდში ან ქუთაისში? ეროვნული კამპანია როგორ ვაწარმოო?“, - განაცხადა ნიკა მელიამ.
შეგახსენებთ, რომ ენმ-ის თავმჯდომარემ ნიკა მელიამ საპატიმრო 10 მაისს დატოვა.
მას შემდეგ რაც ევროკავშირმა ნიკა მელიას გირაოს თანხა 40 000 ლარი გადაიხადა, სასამართლომ მისი აღკვეთის ღონისძიება-პატიმრობა, გირაოთი შეცვალა.
