„ფაქტობრივად სახურავიდან გადმომაძვრინეს, რომ ეს აურზაური მომხდარიყო“ - ნიკა მელია
1620657381
„ნაციონალური მოძრაობის“ თავმჯდომარე ნიკა მელია რუსთავის მე-12 სასჯელაღსრულების დაწესებულების დატოვების შემდეგ მედიასთან პირველ განცხადებას აკეთებს.
ნიკა მელიამ ლიეტუვის სეიმის წევრს ჟიგიმანტს პავილიონისსა და საქართველოში ევროკავშირს ელჩს კარლ ჰარცელს განსაკუთრებული მადლობა გადაუხადა.
„დასანანია, რომ ეს აურზაური მოხდა. ელემენტარული საკითხი იყო, თუმცა იმ პრობლემებთან შედარებით რაც მოსახლეობას აწუხებს რა მოსატანია ის წუხილი, რასაც ახლა ვამბობ, მაგრამ ეშმაკი დეტალებშია. ფაქტობრივად სახურავიდან გადმომაძვრინეს, რომ ეს აურზაური მომხდარიყო.
პირველ რიგში მინდა გათავისუფლება ვუსურვო ყველა პოლიტპატიმარს, ყველა პატიმარს განურჩევლად იმისა რა სასჯელს იხდიან ისინი ციხეში. ცხოვრებაში შეცდომა ყველას მოსდის. ალბათ ახლა ბევრი პატიმარი მიყურებს ადრე თუ გვიან, ვუსურვებ მათ გათავისუფლებას.
იმ ციხეში, რომელშიც მე გახლდით ძალიან ბევრი პოლიტიკური პატიმარია. დიდი მადლობა მინდა გადავუხადო ყველა გულშემატკივარს. მადლობას გადავუხდი და რა თქმა უნდა ხაზგასასმელია ევროკავშირის ელჩის ღვაწლი და მონდომება ამ პროცესში, მადლობას ვუხდი მას როგორც დიპლომატს, როგორც ადამიანს. ამას აქვს მიზეზები თუ რატომ ვუსვამ ამას ასე ხაზს. ამიტომ ხაზგასმით მინდა კარლ ჰარცელს მადლობა გადავუხადო.
ბუნებრივია მადლობა ეკუთვნის პრეზიდენტ მიშელსაც იმ კონტრიბუციისთვის, რომელიც მას შეაქვს ამ პროცესში. ასევე მადლობას ვუხდი აშშ-ის ელჩს. აქვე განსაკუთრებული მადლობა მინდა გადავუხადო ჟიგიმანტას პავილიონისს“, - აცხადებს ნიკა მელია.
ინფორმაციისთვის, ევროკავშირმა ნიკა მელიას გირაოს თანხა ჩარიცხა.
„ერთიანი ნაციონალური მოძრაობის“ თავმჯდომარეს ნიკა მელიას ბრალი 20 ივნისის საქმეზე ჯგუფური ძალადობის ორგანიზებისა და მისი ხელმძღვანელობისთვის საქართველოს სისხლის სამართლის კოდექსის 225-ე მუხლის 1-ელი და მე-2 ნაწილებით აქვს წარდგენილი. მას აღკვეთის ღონისძიების სახით პატიმრობა 17 თებერვალს შეეფარდა.
ამავე თემაზე:
✔️ „ევროკავშირის უპრეცედენტო გადაწყვეტილება, ჩვენს ქვეყანაზე კარგად არ აისახება“ - ლევან ხაბეიშვილი
✔️ „მშობელი ვარ და ყოველთვის მინდოდა, ჩემი შვილი თავაწეული გამოსულიყო“ - ანზორ მელია
✔️ „ქართულ პოლიტიკაში დინამიკა დაბრუნდება, ნიკა მელია წელგამართულია“ - გია ხუხაშვილი
