1714731092

კინორეჟისორი გოგა ხაინდრავა აშშ-ის წარმომადგენლების მხრიდან თბილისში მიმდინარე პროცესებთან დაკავშირებით გამოთქმულ შეშფოთებას ეხმაურება და საზოგადოებას ახსენებს, რომ ამის პარალელურად, შტატებში სამართალდამცველებმა სტუდენტების საპროტესტო გამოსვლები დაშალეს.„გუშინ სახელმწიფო დეპარტამენტის პრესსპიკერმა მეთიუ მილერმა, თეთრი სახლის ეროვნული უშიშროების საბჭოს სტრატეგიული კომუნიკაციების კოორდინატორმა ჯონ კირბიმ და ამერიკის ელჩმა საქართველოში, ქალბატონმა დენიგანმა, ერთი მეორის მიყოლებით შეშფოთება და აღშფოთება გამოთქვეს თბილისში მიმდინარე პროცესებთან დაკავშირებით. პირველ რიგში „მშვიდობიანი მომიტინგეების“ მიმართ პოლიციის მხრიდან თითქოსდა გადამეტებული ძალის გამოყენების გამო. ანუ, ის რომ ქართველი პოლიციელები, შიდა პერიმეტრზე გამაგრებულები, იცავდნენ იმ მომენტისთვის საქართველოს პარლამენტის ცარიელ შენობას, ვანდალებისგან, რომლებიც ცეცხლით და მახვილით, მთელი ღამის განმავლობაში უტევდნენ, ძალადობდნენ, აგინებდნენ, შეურაცხყოფდნენ, ქვებს და ბოთლებს ესროდნენ სამართალდამცველებს, რაც მთელმა საქართველომ და მსოფლიომ პირდაპირ ეთერში იხილა, ნუ იტყვი და ეს ამერიკელი ჩინოვნიკებისთვის მშვიდობიანი აქციის მონაწილეების წინააღმდეგ შემაშფოთებელი ძალადობა ყოფილა. და ეს მაშინ, როდესაც იმავე დღეს, ნიუ-იორკში, კოლუმბიის უნივერსიტეტის სივრცეში მიმდინარე სტუდენტების მშვიდობიან საპროტესტო აქციის მონაწილეებზე ამერიკული პოლიციის მიერ შტურმი იყო განხორციელებული. რობოკოპები სცემდნენ, არბევდნენ, სასტიკად უსწორდებოდნენ ახალგაზრდებს. შეანგრიეს კამპუსის ფანჯრები და კარები. დააპატიმრეს 300 სტუდენტი.პრეზიდენტი ჯო ბაიდენი, ნიუ-იორკის მერი ადამსი, სხვადასხვა დონის ჩინოვნიკები აღფრთოვანებით შეხვდნენ პოლიციის მხრიდან ამერიკული დემოკრატიის დაცვის ამ სამაგალითო გამოვლინების ფაქტს! ერთხმად დაგმეს სტუდენტების საქციელი! ცხადია მსგავსი განცდა ამ ფაქტზე ექნებოდათ თეთრი სახლის პრესსპიკერს მეთიუ მილერს, თეთრი სახლის ეროვნული უშიშროების საბჭოს სტრატეგიული კომუნიკაციების კოორდინატორ კირბის და ელჩ დენიგანს. რადგან იქ ამერიკაში, დემოკრატიის მექაში! სტუდენტების მხრიდან გამოხატვის უფლების, რობოკოპების მიერ აღკვეთა და ბარბაროსული დარბევა, წესრიგის აღდგენა და ლიბერალური დემოკრატიის ზეიმია! აქ კი, მათთვის ვასალურ ჯორჯიაში! ქართული პოლიციის მიერ, უმაღლესი ევროპული, პროფესიონალური სტანდარტით მოქმედება, ფარისეველი ამერიკელი ჩინოვნიკების და მათ მიერ იღლიის ქვეშ ამოდებული, ევროკავშირის მექრთამე დეპუტატების მიერ, ქართული პოლიციის წინააღმდეგ წარმოებული ბინძური კამპანიის საბაბია!პროტესტის პირობებში სტუდენტების ბრუტალურად ცემა და გარეთ გამოყრა მეორე ხარისხოვანი ხდება იმ უმძიმესი, დამაშანტაჟებელი და მასტიგმატიზირებელი განცხადებების ფონზე, რომელიც ამერიკის უმაღლესი თანამდებობის პირებმა გააკეთეს! მათი პრინციპული განცხადებით, ფანჯრების ჩამტვრევის და გარკვეული საგნების დაზიანების გამო, აღარ უნდა დაფინანსდნენ პროტესტში ჩართული სტუდენტების უმივერსიტეტები, მეორე მხრივ კი, თავად ისინი მომავალში სამსახურში არავინ უნდა მიიღოს! აი ეს მივიღეთ ერთ დროს ყველასთვის მისაბაძი ამერიკული დემოკრატიისგან - ახალი ტიპის ფსევდოდემოკრატია, სიტყვის და გამოხატვის თავისუფლების განულებული ღირებულებებით. ჩვენთვის დემოკრატიის სწავლების ამბიციის მქონე ამერიკელებმა, ნაციონალური მოძრაობის სახით, 2003 წელს ერთხელ უკვე შემოგვიტანეთ “დემოკრატია” და ქვეყანაში სადისტური რეჟიმის დამყარებას შეუწყვეთ ხელი. დღეს, ამერიკაშიც იმავე ტიპის “დემოკრატიული” წესები მოქმედებს და კიდევ ერთხელ გსურთ ჩვენს ქვეყანასაც მოახვიოთ თავს, მაგრამ ეს მეორედ ვეღარ მოხდება! ამას აღარავინ დაუშვებს!სწორედ ამის სურვილის გამოვლინებაა, რომ ყოველდღიურად შფოთავთ, დღეში 2-3 განცხადებას აკეთებთ, აკერმანის რეკრუტირებულ 300-400 ბავშვს აგულიანებთ, დარბიან ეს ჭინკებიც და ანგრევენ მთელ თბილისს. გირჩევნიათ საკუთარ პროტესტებს მიხედოთ, ყველანაირი დემოკრატიული სტანდარტის გარეშე ბრუტალურად რომ არბევთ სტუდენტებს!ყარს დანიის სამეფო, ჯერ კიდევ როდის გვაფრთხილებდა შექსპირი! მთელს მსოფლიოს მოედო შმორის სურნელი! გადატრიალებები, „მეიდანები“, ავღანური გაზაფხულები, ვენესუელაში თეთრი სახლიდან დანიშნული „პრეზიდენტები“, „დემოკრატიის შუქურები“ მორჩა! ჩაბარდა ისტორიას კოლონიალიზმი! XXI საუკუნეა! გამოფხიზლდით! დღევანდელ მსოფლიოს სჭირდება პარტნიორობა და არა ბატონყმობა! ყურადიღეთ საფრანგეთის აფრიკული გამოცდილება! ეს პროცესის მხოლოდ დასაწყისია! სხვათა შორის მისტერ მილერ, მისტერ კირბი და მისს დენიგან, ხომ არ გინახავთ გუშინ როგორ პირუტყვებივით ექცეოდა საფრანგეთის პოლიცია დემონსტრანტებს, რა სისასტიკით სცემდნენ, ძაღლებს უქსევდნენ ადამიანებს, ხელკეტებით ცხვირ-პირს უმტვრევდნენ!? არ გაშფოთებთ და არ აღგაშფოთებთ საფრანგეთში ევროპულ და დემოკრატიულ ფასეულობებთან მსგავსი შეუსაბამო ქმედებები, იქნებ მოგვახსენოთ თქვენი აზრი უახლოეს ბრიფინგზე თეთრ სახლში ან თუნდაც განცხადებების სახით. როგორც თქვენ გაღელვებთ საქართველოში, ესე ჩვენ გვაღელვებს დემოკრატიის ხარისხი ევროპაში და ამერიკაში, რადგან კონსტიტუციით გვაქვს გაცხადებული ევროპული კურსი და ნატოს წევრობა. ხომ უნდა იცოდეს ჩვენმა საზოგადოებამ და პირველ რიგში, ამჟამად თბილისის ქუჩებიდან „შიგ ევროპაში“, ნაციონალური მოძრაობის თაოსნობით დაძრულმა, თქვენი ფინანსური მოწყალების შედეგად აკერმანულად დატრენინგებულმა Gen Z-ი სადო-საძმომ, რა ელოდება იქ, ლიბერალურ, ლგბტ, უსარწმუნოებო, ამჟამინდელი დასავლური ფსევდო ღირებულებებით გაცისკროვნებულ სამყაროში.და ბოლოს, უცხოური გავლენის გამჭირვალობის შესახებ კანონს ჩვენ აუცილებლად მივიღებთ, რადგან, როგორც თქვენმა სტრატეგიულმა პარტნიორობამ, რუსულ-ამერიკულმა FARA-ს კანონმა და ევროკომისიის დირექტივამ დაგვარწმუნა, ის აუცილებლად სჭირდება ჩვენ ქვეყანას, რომ სამომავლოდ თავიდან ავიცილოთ უცხოური აგენტურის სიჭარბე და თქვენ მიერ დაგეგმილი და მათ მიერ განხორციელებული შემოტევის მცდელობები ჩვენ სახელმწიფოებრიობაზე და სუვერენიტეტზე! ლგბტ პროპაგანდისგანაც ავარიდებთ ჩვენ შვილებს და შვილიშვილებს! და ყველა თაობა ერთად დავიცავთ ჩვენს მამულს, ენას და სარწმუნოებას!საქართველო დღეს შემდგარი, სუვერენული და დემოკრატიული სახელმწიფოა. თქვენგან განსხვავებით არა ყალბ და დეგრადირებულ, არამედ ტრადიციულ ევროპულ, ანუ ქრისტიანულ ღირებულებებზე დაფუძნებული ქვეყანა. ევროპული ოჯახის, საუკუნოვანი, ერთგული და თავგანწირული გუშაგი და დამცველი! ჩვენ აუცილებლად გავწევრიანდებით ღირსეული ევროპელი ხალხების და ქვეყნების, თანამედროვე კავშირში! რადგან ქართველმა ხალხმა ეს დაიმსახურა თავისი წარსულით, აწმყოთი და მომავალზე ზრუნვით!", - წერს გიორგი ხაინდრავა.

1714730685

„არაერთი მაგალითი ვნახეთ და ალბათ, კიდევ ბევრი იქნება, სადაც კონკრეტული, სახე დაფარული პირები მომზადებული რეპლიკებითა და შეძახილებით ფსიქოლოგიურ ზეწოლას ახდენდნენ მძღოლებსა და გამვლელებზე, რომ „აუცილებლად მათ გვერდით უნდა დადგნენ“ - ამით ცდილობდნენ გადაეფარათ სრულიად სამართლიანი და ადამიანური თხოვნები გზის გახსნაზე და მძღოლების გატარებაზე“, - ამის შესახებ „ხალხი ძალის“ წევრი, იოანე შაიშმელაშვილი სოციალურ ქსელში წერს. მისი თქმით, როგორც აშშ-ში, ასევე ბევრ ევროპულ ქვეყანაში გვინახავს, საპროტესტო აქციების დაშლა, სადაც პოლიცია ძალიან მკაცრ ფორმებს იყენებდა მომიტინგეების წინააღმდეგ.როგორც შაიშმელაშვილი აღნიშნავს, ასევე ხაზი უნდა გაესვას ორგანიზებული შევიწროებას, რასაც ადგილი აქვს პოსტვ-ს ჟურნალისტების მიმართ და ამ ყველაფერს დუმილი ახლავს „სიტყვისა და გამოხატვის უფლების“ დამცველებისგან.„ბევრი აქცია გვინახავს როგორც ევროპის ქვეყნებში, ისე შტატებში, ისიც გვინახავს სად როგორ შლიან აქციას, რომელი ქვეყნის პოლიცია როგორ იყენებს ძალას, რის და რამდენის უფლებას აძლევენ მომიტინგეებს, რომლებიც ქალაქებში მეტი დაძაბულობის გამოწვევის მიზნით გზებსაც კეტავენ, ხან ხელს ან სხეულის სხვა ნაწილებს იწებებენ ასფალტზე, რომ მათი დაშლა კიდევ უფრო გართულდეს. 2023 წლის ბოლოსა და 2024 წლის პირველ თვეებში აქტიურად იმართებოდა პოლონეთში, უნგრეთში, რუმინეთში, გერმანიაში, საფრანგეთსა და სხვა ქვეყნებში ხაზგასმით ეკონომიკური და ფინანსური სირთულეების გამო ფერმერების აქციები, რომელსაც სტრასბურგისა და ბრიუსელის პოლიცია ძალიან მკაცრად შლიდა. მიზეზი მარტივი იყო - გზების გადაკეტვა, სატრანსპორტო კოლაფსის მცდელობა, მოსახლეობისთვის დისკომფორტის შექმნის მცდელობით ზეწოლისა და წნეხის გაძლიერება ხელისუფლებაზე და ა.შ. წუხანდელი აქცია ამ მცდელობებსაც გასცდა. არაერთი მაგალითი ვნახეთ და ალბათ კიდევ ბევრი იქნება, სადაც კონკრეტული, სახე დაფარული პირები მომზადებული რეპლიკებითა და შეძახილებით ფსიქოლოგიურ ზეწოლას ახდენდნენ მძღოლებსა და გამვლელებზე, რომ „აუცილებლად მათ გვერდით უნდა დადგნენ“, „ყველაფერი გადადონ და შეუერთდნენ“, „საერთო საქმეს აკეთებენ“ და ა.შ. ამით ცდილობდნენ გადაეფარათ სრულიად სამართლიანი და ადამიანური თხოვნები გზის გახსნაზე და მძღოლების გატარებაზე. ცალკე დასაგმობია ის ზეწოლა, რომელსაც იგივე პირები იჩენდნენ ქალების მიმართ, მიმართავდნენ ღრიალით, მანქანაზე მუშტების ბრახუნით, მუქარით, დაცინვით. ამ აქციების ორგანიზატორები არიან ნინო ლომჯარია, ბაია პატარაია, ელენე ხოშტარია და კიდევ ბევრი ე.წ. „ქალი პოლიტიკოსი“, რომელიც ცოტა ხნის წინ გენდერული კვოტების გაუქმებას იმიტომ აპროტესტებდნენ, რომ ქალები იჩაგრებოდნენ. არც გუშინ და არც დღეს მათგან არაფერი გვსმენია. ხაზგასასმელია ორგანიზებული შევიწროება პოსტვ-ს ჟურნალისტების მიმართ, უკვე მერამდენედ, რასაც აბსოლუტური დუმილი ახლავს „სიტყვისა და გამოხატვის უფლების“ დამცველებისგან, ასეთ დროს დუმილი კი წახალისებაა. პრემიერი ირაკლი კობახიძე ბრიფინგისას საუბრობდა, რომ 2021-2023 წლებში „რომ არა რევოლუციური მცდელობები, საქართველოს ეკონომიკა დამატებით 5 მილიარდი დოლარით მაინც გაიზრდებოდა“. გაუმჭვირვალობის მიზანიც ეს არის. მნიშვნელობა არ აქვს რა ბერკეტით მოახდენ ზეწოლას ხელისუფლებაზე, მთავარია ჩააყენო ისეთ მდგომარეობაში, რომ ვეღარ მართოს, ვერ მიიღოს სუვერენულად გადაწყვეტილება და შემდეგ, სასურველ დროს, კანვასისა და სხვების ტრენინგებზე გავლილი გაკვეთილებით მაქსიმალური პრობლემები შეიქმნას. თუ ეს ხელისუფლების ცვლილებას მოიტანს, ეს იქნება პროგრამა მაქსიმუმი, თუ არადა ხელისუფლება მუდმივად „კოჭლი იხვის“ პოზიციაში უნდა იყოს. 2024 წელი ანუ საარჩევნო წელი რადიკალურმა ოპოზიციამ დაიწყო სამების ტაძარში ხატის შეურაცხყოფით, მაგრამ მალევე მიხვდნენ, რომ რელიგიურ ნიადაგზე დაპირისპირების გამოწვევა ურთულესია, თორემ, სახელებს აღარ ჩამოვთვლი, ერთი არ დარჩენილია რადიკალურ ოპოზიციაში, სოლიდარობა და მხარდაჭერა არ გამოეხატა ე.წ. სამოქალაქო აქტივისტისთვის. რატომ მოხდა, რომ არც რელიგიური გრძნობების შეურაცხყოფაზე კანონპროექტის გაჟღერებამ, არც გენდერული კვოტების გაუქმებამ, ლგბტ პროპაგანდის საწინააღმდეგო საკონსტიტუციო ინიციატივამაც კი არ იმუშავა რადიკალური ოპოზიციის განწყობაზე, მათ მფარველებზეც კი და ერთი თვის წინ ლგბტ თემაზე შეკითხვის დასმისას მხოლოდ ფასები ეწერათ პირზე? იმიტომ, რომ ნებისმიერი კანონისთვის გვერდის ავლა იქნება შესაძლებელი, თუკი არ იქნება გამჭვირვალობის კანონი, თუკი არ იქნება გამჭვირვალე ის ფული, რომელიც ე.წ. სამოქალაქო საზოგადოების დასაფინანსებლად შემოდის, რომელიც თურმე მოსახლეობის უკეთესი ცხოვრებისთვის ზრუნავს. როგორც ადარდებთ ამ ორგანიზაციების ხელმძღვანელებს მოსახლეობის უკეთესი ცხოვრება კი ვნახეთ გუშინ აქციაზე... და ბოლოს, ამერიკის პრეზიდენტის სიტყვებს ბუნებრივად ვიღებთ ამერიკული პოლიტიკური „ისტებლიშმენტის“ პოზიციად. როდესაც გვესმის, რომ „ძალადობრივი პროტესტი არ არის დაცული, მშვიდობიანი პროტესტია დაცული“ ისევ დისტოპიური ნაწარმოებები გვახსენდება, სადაც შავი თეთრია მაშინ, როცა ეს სჭირდება მხარეს მოწინააღმდეგის წინააღმდეგ, მაგრამ შავი თეთრი ვერ გახდება, თუკი მისი ინტერესები ზიანდება. თუ ამერიკაში არ შეიძლება სატრანსპორტო კოლაფსის გამოწვევა, მაგრამ სატრანსპორტო კოლაფსი, მძღოლების შეურაცხყოფა, მათზე ფსიქოლოგიური ზეწოლა და სიტყვიერი და ფიზიკური დაპირისპირება „მშვიდობიანი შეკრების ფარგლებში ჯდება, და მთავრობამ ყველაფერი უნდა გააკეთოს ასეთი აქციების უზრუნველსაყოფად, არც დამნაშავეებს არ უნდა ახლოს ხელი“, რა გამოდის? ომი მშვიდობაა, მონობა თავისუფლებაა და უმეცრება ძალაა? ისევ და ისევ, ტოტალიტარული აზროვნების ეს მეთოდი, ორი აზრის პრინციპი მუშაობს იქ, სადაც საღ აზრს „აზრის პოლიცია“ ებრძვის. „აზრის პოლიციის“ კლასიკური მაგალითია ის ფსიქოლოგიური ზეწოლა, რომელსაც გმირთა მოედანზე აქციის კონკრეტული მონაწილეები ახდენდნენ მძღოლებზე და ე.წ. ნამუსზე აგდების პრინციპით მათ გადმობირებას ცდილობდნენ. დუმილი პრემიერის შეთავაზებაზე ღია დისკუსიასთან დაკავშირებით, სადაც ყველა დაინახავს რომელ მხარეს რა არგუმენტი აქვს, გამჭვირვალობის კანონის მოწინააღმდეგეები უბრალოდ დუმან, რაც ნიშნავს, რომ საღ აზრთან დაპირისპირება არ შეუძლიათ. საღი აზრი კი შემდეგია - საქართველო სუვერენული ქვეყანაა და ყველამ უნდა სცეს პატივი სუვერენული ქვეყნის გადაწყვეტილებას!“, - წერს შაიშმელაშვილი.

1714730483

თბილისის მერი კახა კალაძე აცხადებს, რომ ყოველგვარი ძალადობა კატეგორიულად მიუღებელია და აქციების დროს თავი ყველამ უნდა შეიკავოს.როგორც მან შესაბამისი კითხვის საპასუხოდ აღნიშნა, გუშინდელი აქციის გამო დედაქალაქის ქუჩების ჩაკეტვამ მოქალაქეების გარკვეული ნაწილის უკმაყოფილება გამოიწვია. „ძალიან ბევრი ფაქტი ვიხილეთ გაბრაზებული მოსახლეობის, რომელიც ქალაქის ქუჩებში გადაადგილებას ცდილობდა. ცხადია, ვიღაცას რაღაც პრობლემა, საჭიროება აქვს, სადღაც მიიჩქარის. გვესმის, ადამიანების გაბრაზების, თუმცა ყველა უნდა ვეცადოთ, რომ თავი შევიკავოთ და აქციები მშვიდობიანად ჩატარდეს. არანაირი ძალადობა არასდროს არ არის მისაღები - არც ფიზიკური, არც ფსიქოლოგიური. კატეგორიულად მიუღებელია ეს ყველაფერი. კიდევ ერთხელ ვიმეორებ: დაპირისპირების ძალიან ბევრი ფაქტი იყო. როდესაც სადღაც ბავშვი მიგყავს, გეჩქარება, ასევე, მოვისმინე, რომ ერთი სიმსივნით დაავადებული ადამიანი წამლის გასაკეთებლად მიდიოდა, არ უშვებდნენ - მძიმეა ეს ყველაფერი, რა თქმა უნდა, და მესმის იმ მოქალაქეების პროტესტი, რომლებიც ამ ყველაფერთან დაკავშირებით უკმაყოფილებას გამოხატავენ“, - განაცხადა კახა კალაძემ.მისივე თქმით, ქვეყანაში სიტყვის გამოხატვის უფლება ყველას აქვს, თუმცა ეს ყველაფერი კანონის ფარგლებში უნდა მოხდეს.

1714730338

„მეც ვუერთდები მოწოდებას „არა რუსულ კანონს“ - ასე ეხმაურება დედაქალაქის მერი კახა კალაძე სპორტსმენების მიმართ მოწოდებებს კანონპროექტის დაგმობასთან დაკავშირებით.როგორც კახა კალაძემ მედიას განუცხადა, „უცხოური გავლენის გამჭვირვალობის შესახებ“ კანონპროექტი ქართულია და ქვეყნის ინტერესებს იცავს.„მეც ვუერთდები მოწოდებას „არა რუსულ კანონს“. რა თქმა უნდა, რუსული კანონები საქართველოში არასდროს მიღებულა და არც არასდროს მიიღება. აღნიშნული გამჭვირვალობის კანონი კი, არის სუფთა ქართული კანონი, რომელიც ჩვენი ქვეყნის ინტერესებსა და ხვალინდელ დღეს იცავს. ეს კანონი აუცილებლად იქნება მიღებული“, - განაცხადა კახა კალაძემ.

1714728894

„ხალხის ძალის” წევრი დავით ქართველიშვილი სოციალურ ქსელში აზიარებს ამერიკის შეერთებულ შტატებში ახალგაზრდების დარბევის ამსახველ ვიდეოს. მისი თქმით, ამ კადრების შემდეგ ჩვენი პროტესტანტების დამოკიდებულება ქართველი სამართალდამცველების მიმართ - გაუგებარია, ხოლო ამერიკელი თუ ევროპელი „უფლებადამცველი" ჩინოვნიკების მხრიდან ჩვენი კრიტიკა - ცინიკური.„გუშინ დავდე ავთენტური კადრები, როგორ უსწორდება ხელკეტებით ოთხი ფრანგი პოლიციელი ერთ მჯდომარე სათვალებიან გოგონას პარიზში - მომენტალურად დამიბლოკეს ის ვიდეო. დღეს გამოვაქვეყნებ, რას ნიშნავს დარბევა და როგორ არბევენ ახალგაზრდებს ამერიკაში. ამ კადრების შემდეგ ჩვენი პროტესტანტების დამოკიდებულება ქართველი სამართალდამცველების მიმართ - გაუგებარია, ხოლო ამერიკელი თუ ევროპელი „უფლებადამცველი" ჩინოვნიკების მხრიდან ჩვენი კრიტიკა - ცინიკური“, - წერს დავით ქართველიშვილი.

1714727060

„ახალგაზრდების დიდი ნაწილი, რომელიც დღეს ქუჩაში დგას, არის პოლიტიკური დავალებით მოქმედი ძალა, რომელიც ევროპულობის სახელით არბევს ქალაქ თბილისს, რომელიც საფრთხეს უქმნის ადამიანების სიცოცხლეს (სასწრაფო დახმარების მანქანებს არ აძლევს გადაადგილების უფლებას), აბულინგებს მოქალაქეებს, რომლებიც მათ პოზიციებს არ იზიარებენ და აზიანებს და არბევს დედაქალაქის ქუჩებს“, - წერს „ხალხის ძალის“ წევრი თამთა მეგრელიშვილი.მისი შეფასებით, აქციის მონაწილე ახალგაზრდებს სურთ „ნაციონალური მოძრაობის" საქართველო, რადგან მათ დიდ ნაწილს სისხლიანი რეჟიმის ცხრა წლიანი მმართველობა ნანახი არ აქვს. მეგრელიშვილი ითხოვს, დედაქალაქში დამონტაჟდეს ეკრანები და აჩვენონ 7 ნოემბრისა და 26 მაისის დარბევის კადრები, რათა ახალგაზრდებმა იცოდნენ ვის მხარეს დგანან.„ახალგაზრდების დიდი ნაწილი, რომელიც დღეს ქუჩაში დგას, არის პოლიტიკური დავალებით მოქმედი ძალა, რომელიც ევროპულობის სახელით არბევს ქალაქ თბილისს, რომელიც საფრთხეს უქმნის ადამიანების სიცოცხლეს (სასწრაფო დახმარების მანქანებს არ აძლევს გადაადგილების უფლებას), აბულინგებს მოქალაქეებს, რომლებიც მათ პოზიციებს არ იზიარებენ და აზიანებს და არბევს დედაქალაქის ქუჩებს. ამ ახალგაზრდებს სურთ "ნაციონალური მოძრაობის" საქართველო, რადგან მათ დიდ ნაწილს სისხლიანი რეჟიმის ცხრა წლიანი მმართველობა ნანახი არ აქვთ. მაქვს თხოვნა, დედაქალაქში დამონტაჟდეს ეკრანები და გავუშვათ 7 ნოემბრისა და 26 მაისის დარბევის კადრები. ამ ახალგაზრდებმა უნდა იცოდნენ ვის მხარეს დგანან!!!“, - წერს მეგრელიშვილი.

1714726617

ექსპერტი ედიშერ გვენეტაძე „გამჭვირვალობის კანონის” საწინააღმდეგო აქციაზე განვითარებულ მოვლენებს სოციალურ ქსელში ეხმიანება.მისი თქმით, პროტესტის ის მონაწილეები ვინც მსგავს საქციელს სჩადის, როგორც ფოტოებზეა ასახული, ისტორიაში იუდას სახელით დარჩებიან. „აი ეს არის მოევროპელო, მომიტინგე-მოპროტესტთა რეალური სახე! ასეთ სიმყრალეს აფრქვევენ ისინი ქუჩებში, სახლებში, უბნებში, დარბაზებში! ასეთად უნდათ აქციონ მათ ჩვენი მამული, ენა, სარწმუნოება! ასეთად სურთ უსამშობლოებს აქციონ საქართველო ! ასეთებად აქცია ისინი 30 ვერცხლმა! დიახ, ასეთი კოლექტიური იუდები არიან ამის ჩამდენნი! დარწმუნებული ვარ, როდესაც გააცნობიერებენ თუ რას სჩადიან თითოეულ მათგანი დროში იგივეს ჩაიდენს, რაც იუდამ ჩაიდინა საკუთარი თავის მიმართ! თუმცა იუდების სახელებით დარჩებიან საქართველოს ისტორიაში! შემთხვევითი არაა, რომ ყოველივე ეს ხდება ვნების კვირაში!”, - წერს ედიშერ გვენეტაძე Facebook-ზე.

1714726459

ანალიტიკოსი გია აბაშიძე სოციალურ ქსელში აქციის შედეგად დანაგვიანებულ ქუჩის კადრებს აქვეყნებს და აღნიშნავს, რომ ნაცრადიკალების მიერ ინსპირირებული აქციები ყარს.„ნაცრადიკალების მიერ ინსპირირებული აქციები ყარს და მათ გამოავლინეს აქამდე ვითომ აკადემიური თუ დიპლომატიური წრეების რევანშისტი წარმომადგენლები, რომლებიც ოხლოკრატიის სამარცხვინო მხარდამჭერებად იქცნენ. გამჭვირვალობის შესახებ კანონპროექტი დამტკიცებამდეც უკვე ეფექტურად მუშაობს”,- წერს გია აბაშიძე.

1714726361

„რაც არ უნდა კეთილ მიზანს ემსახურებოდეს აქცია, რაც არ უნდა იძახონ "მშვიდობიანმა" მომიტინგეებმა ფოთოლიც არ ჩამოვარდნილა აქციაზე და თუ ჩამოვარდა ჩვენი აქტივისტები ალაგებდნენო, ტყუილია! ფაქტი სახეზეა, დალეწილი, დანაგვიანებული თბილისი”,- წერს ექსპერტი ნინო ფოჩხუა და სოციალურ ქსელში აქვეყნებს აქციის შედეგად დანაგვიანებულ ქუჩის კადრებს.როგორც ექსპერტი აღნიშნავს, ბოლო აქციაზე გამოჩნდა მათი და მათი ორგანიზატორების მიზნები, დაპირისპირება ქართველ ხალხთან, ჩვეულებრივ მოქალაქეებთან, ქალაქის პარალიზება, აგრესია და დესტუქცია.მისივე თქმით, მღვრიე წყალში თევზი ადვილად დასაჭერია, აი ეს უნდათ გაყიდულ ორგანიზატორებს, ხელისუფლებაში მოსვლა არა არჩევნების გზით, იციან აგებენ, არამედ რევოლუციით.„რაც არ უნდა კეთილ მიზანს ემსახურებოდეს აქცია, რაც არ უნდა იძახონ "მშვიდობიანმა" მომიტინგეებმა ფოთოლიც არ ჩამოვარდნილა აქციაზე და თუ ჩამოვარდა ჩვენი აქტივისტები ალაგებდნენო, ტყუილია! ფაქტი სახეზეა, დალეწილი, დანაგვიანებული თბილისი. ტყუილია მათი სიტყვები საქართველოს მომავლისთვის ბრძოლის შესახებ! ბოლო აქციაზე გამოჩნდა მათი და მათი ორგანიზატორების მიზნები, დაპირისპირება ქართველ ხალხთან, ჩვეულებრივ მოქალაქეებთან, ქალაქის პარალიზება, აგრესია და დესტუქცია. მღვრიე წყალში თევზი ადვილად დასაჭერია, აი ეს უნდათ გაყიდულ ორგანიზატორებს, ხელისუფლებაში მოსვლა არა არჩევნების გზით, იციან აგებენ, არამედ რევოლუციით. აი ამისთვის წირავენ ჩვენს ახალგაზრდებს. მათ გვერდში დგომასაც არ კადრულობენ, წვიმას როგორ შეაწუხებინებენ თავს, კაფეებში სხედან და ტელეფონით ადევნებენ თვალს წვიმაში გაწუწულ ახალგაზრდებს, ტელეფონითვე მოუწოდებენ არ გაჩერდნენ და ალბათ გულში იცინიან ამდენი ახალგაზრდის გაცუცურაკებისთვის”, - წერს ნინო ფოჩხუა.

1714726230

„ვესაუბრე დერეკ შოლეს და გამოვხატე ჩემი გულწრფელი იმედგაცრუება 2020-23 წლების ორი რევოლუციური მცდელობის გამო, რომელიც ამერიკის ყოფილი ელჩის მხარდაჭერით და გარედან დაფინანსებული ენჯეოების მეშვეობით განხორციელდა“, - ამის შესახებ საქართველოს პრემიერ-მინისტრი ირაკლი კობახიძე სოციალურ ქსელ X-ში წერს.როგორც მთავრობის მეთაური აღნიშნავს, მაშინდელი მცდელობები წარმატებული რომ ყოფილიყო, დღეს საქართველოში მეორე ფრონტი იქნებოდა გახსნილი.„გარდა ამისა, ბატონ შოლეს განვუმარტე, რომ სახელმწიფო დეპარტამენტის წარმომადგენლების მიერ გავრცელებული ცრუ განცხადებები გამჭვირვალობის შესახებ კანონთან და აქციებთან დაკავშირებით გვახსენებს ამერიკის ყოფილი ელჩის 2020-23 წლების მსგავს ცრუ განცხადებებს, რომლებიც მაშინაც უცხოური დაფინანსებით მოქმედი სუბიექტების მხრიდან ძალადობის წახალისებას და რევოლუციური პროცესების მხარდაჭერას ემსახურებოდა.ასევე, ბატონ შოლეს განვუმარტე, რომ ამ ფონზე ურთიერთობების გადატვირთვა განსაკუთრებულ ძალისხმევას საჭიროებს, რაც სამართლიანი და კეთილსინდისიერი მიდგომის გარეშე შეუძლებელია.ბატონ შოლესთან არ გამომიხატავს შეშფოთება ნიუ იორკში სტუდენტების პროტესტის ბრუტალური დარბევის გამო”,- წერს ირაკლი კობახიძე.

1714725878

საქართველოს საგარეო საქმეთა სამინისტრო ეხმაურება საფრანგეთის საგარეო საქმეთა სამინისტროს განცხადებას იმასთან დაკავშირებით, რომ „საფრანგეთი შეშფოთებით ადევნებს თვალს საქართველოში ვითარებას, გმობს ძალადობას და მოუწოდებს ხელისუფლებას, დაიცვას მშვიდობიანი პროტესტის უფლება“.როგორც საქართველოს საგარეო უწყების განცხადებაში ვკითხულობთ, აღნიშნული შეფასებები მოკლებულია ობიექტურობას, რაც იწვევს ძალადობის წახალისებას.„მივესალმებით, რომ საქართველოში განვითარებულ მოვლენებს ყურადღებით აკვირდებით. თუმცა ვწუხვართ, რომ თქვენი განცხადება მოკლებულია ობიექტურობას.შეგახსენებთ, რომ საქართველოს ხელისუფლებამ თავი შეიკავა საფრანგეთის მიმართ კრიტიკული განცხადებისგან მაშინაც კი, როდესაც პარიზში სამართალდამცავები მომიტინგეებს ბრუტალური, ადამიანის უფლებების საყოველთაო სტანდარტებთან სრულიად შეუსაბამო მეთოდებით დაუპირისპირდნენ.არაობიექტური შეფასებები ახალისებს ძალადობას, რომელიც, როგორც უკვე აღინიშნა, პოლიტიკურ ოპოზიციასთან დაკავშირებული და საზღვარგარეთიდან დაფინანსებული ძალადობრივი ჯგუფების მიერ ხორციელდება“, - ნათქვამია განცხადებაში.

1714725416

ამ აქციებს, რომლებიც ასეთი "დემოკრატიული" და "მშვიდობიანი ფორმებით" მიმდინარეობს, საერთო არა აქვს არც „გამჭვირვალობის კანონთან,“ არც სიტყვის გამოხატვის თავისუფლებასთან და ცხადია არც რუსეთის, ან რაიმე რუსულის წინააღმდეგ, - წერს ექსპერტი ლევან ნიკოლეიშვილი სოციალურ ქსელში. მისი განცხადებით, აქციებზე არსებული სურათის მნახველი უცხოელები, რომლებიც ამ აქციებს და მათ ლიდერებს კვლავ ამართლებენ და მხარს უჭერენ, ახლო მომავალში, პროტესტის მხარდაჭერისა მიზნით სავარაუდოდ თითო ნაგვის ურნას პირადადაც შემოაგორებენ„ამ აქციებს, რომლებიც ასეთი „დემოკრატიული" და „მშვიდობიანი ფორმებით" მიმდინარეობს, საერთო არა აქვს არც „გამჭვირვალობის კანონთან,“ არც სიტყვის გამოხატვის თავისუფლებასთან და ცხადია არც რუსეთის, ან რაიმე რუსულის წინააღმდეგ. მით უმეტეს, როდესაც მათ ლიდერობს, გიორგი ვაშაძე, რუსებზე ბინის გამქირავებელი და 25 მაისის აქციის დარბევის შემდეგ, სააკაშვილის მიერ მედლით დაჯილდოებული, МГИМО-ს კურსდამთავრებული, კრემლიდან რუბლებით დაფინანსებული, ელენე ხოშტარია, სხვა ქვეყანაში სამსახურისა და თანამდებობის მიღების გამო, საქართველოს მოქალაქეობის უარმყოფელი ხატია დეკანოიძე, სააკაშვილის მუდმივად გამმართლებელი და პირადი დამცველი ნინო ლომჯარია, 2008 წლის ომის ომის დაწყების საქართველოსთვის დამბრალებელი სალომე ზურაბიშვილი...სია გრძელია! ამ სურათის შემხედველი უცხოელები, რომლებიც ამ აქციებს, მათ ლიდერებს კვლავ ამართლებენ და მხარს უჭერენ, ხვალ ან ზეგ აქციის მხარდაჭერისა და აყროლების მიზნით სავარაუდოდ თითო ნაგვის ურნას პირადადაც შემოაგორებენ! ჯერ მხოლოდ მერე მოსმენით მიღებულმა კანონმა თუ ასეთი ცხადი და გამჭვირვალე გახადა შინაურიც და გარეულიც, დამტკიცების შემდეგ რა მოხდება!?”, - წერს ნიკოლეიშვილი Facebook-ზე.