„ეფესბემ“ უკრაინული დივერსიული ჯგუფი გაანადგურა - რუსული მედია
1672060278
რუსეთის FSB-მ გაანადგურა უკრაინელი დივერსანტების ჯგუფი, რომლებიც უკრაინის ტერიტორიიდან ბრიანსკის რეგიონში შესვლას ცდილობდნენ. ამის შესახებ სამთავრობო მედია TASS-ს რუსეთის FSB-ს საზოგადოებასთან ურთიერთობის ცენტრში განუცხადეს.
„რუსეთის FSB-მ რუსეთის ფედერაციის სახელმწიფო საზღვარზე გაანადგურა უკრაინული დივერსიული და სადაზვერვო ჯგუფი. 2022 წლის 25 დეკემბერს მომხდარი შეტაკების შედეგად განადგურდა ოთხი დივერსანტი, რომლებიც ცდილობდნენ უკრაინიდან ბრიანსკის ოლქის ტერიტორიაზე შეღწევას“, - განაცხადა „ეფესბემ“.
როგორც FSB-შია აღნიშნული, დივერსანტებს თან ჰქონდათ უცხოური იარაღი.
უკრაინულ მხარეს ამ დრომდე კომენტარი არ გაუკეთებია.
ასევე დაგაინტერესებთ:
👉 რუსეთში დედამ სამი შვილი მოკლა - მისი თქმით, ბავშვებს სულში ეშმაკი ჰყავდათ ჩასახლებული
