კრემლი ემზადება გადამწყვეტი სტრატეგიული მოქმედებისთვის, სავარაუდოდ, ლუგანსკის ოლქში - ISW
1674889858
რუსეთის პრეზიდენტი, ვლადიმერ პუტინი მზად არის, უკრაინის წინააღმდეგ სრულმასშტაბიანი ომი კიდევ ექვსი თვით გააგრძელოს. ამის შესახებ ომის შემსწავლელი ამერიკული ინსტიტუტი (ISW) წერს.
ISW Bloomberg-ზე დაყრდნობით წერს, რომ პუტინი ახალ შეტევას ამზადებს, ცდილობს ინიციატივის ხელში ჩაგდებას, რადგან უკმაყოფილოა უკრაინის შეიარაღებული ძალების წარმატებებით და რუსი სამხედროების წარუმატებლობით. პუტინი შიშობს, რომ თებერვალში ან მარტში უკრაინის დამცველები უფრო მეტი ძალით დაიწყებენ შეტევას. რუსეთის ფედერაციის პრეზიდენტმა გადაწყვიტა, ფსონი დადოს იმ ფაქტზე, რომ თუ დროს გააჭიანურებს, ეს მას ომის მოგების საშუალებას მისცემს.
„ეს ანგარიში შეესაბამება ISW-ის ამჟამინდელ შეფასებას და პროგნოზს, რომ კრემლი, სავარაუდოდ, ემზადება გადამწყვეტი სტრატეგიული მოქმედებისთვის - სავარაუდოდ, ლუგანსკის ოლქში - მომდევნო ექვს თვეში, რათა დაიბრუნოს ლიდერობა და დაასრულოს უკრაინის ოპერაციული წარმატებების ამჟამინდელი სერია“, - აღნიშნავს ინსტიტუტი.
ასევე დაგაინტერესებთ:
👉 „ნაციონალურ მოძრაობაში“ პარტიის თავმჯდომარის არჩევნები დაიწყო
