ომის დასრულების სამი სცენარი - The New York Times
1646634890
The New York Times- ის ამერიკელმა ჟურნალისტმა თომას ფრიდმანმა უკრაინაში ომის დასრულების სამ სცენარზე ისაუბრა. პროგნოზის მიხედვით, პირველი სცენარი ყველაზე მძიმეა. დანარჩენი ორი უფრო რბილია, მაგრამ ნაკლებად სავარაუდოა.
პირველი სცენარი:
ექსპერტი მიიჩნევს, რომ თუ დასავლეთი ვერ შეაჩერებს პუტინს, ის უკრაინას გაანადგურებს. ამ სცენარს შეიძლება მოჰყვეს ომის დანაშაულების ისეთი მასშტაბი, როგორიც ევროპას ნაცისტური ეპოქის შემდეგ არ უნახავს.
„თანამედროვე გლობალიზებულ სამყაროს არასოდეს ჰქონია საქმე ამ დონის სამხედრო დანაშაულებში ბრალდებულ ლიდერთან, რომლის ქვეყანაც 11 დროის სარტყელშია, არის მსოფლიოში ნავთობისა და გაზის ერთ-ერთი უმსხვილესი მიმწოდებელი და ფლობს ბირთვული ქობინების უდიდეს არსენალს მსოფლიოში“, - წერს ფრიდმანი.
მეორე სცენარი:
რუსეთის წინააღმდეგ ეკონომიკური სანქციები ძალაში შევა და ორივე მხარე იძულებული იქნება კომპრომისზე წავიდეს.
„ცეცხლის შეწყვეტისა და რუსული ჯარების გაყვანის სანაცვლოდ, უკრაინის აღმოსავლეთი, რომლებიც ახლა დე ფაქტო რუსეთის კონტროლს ექვემდებარება, ოფიციალურად გადაეცემა რუსეთს და უკრაინა ღიად დაპირდება, რომ არასოდეს შეუერთდება ნატოს. აშშ და მისი მოკავშირეები შეთანხმდებიან რუსეთის წინააღმდეგ ახლახან დაწესებული ეკონომიკური სანქციების გაუქმებაზე“, - წერს ექსპერტი.
ექსპერტის აზრით, ეს სცენარი ნაკლებად სავარაუდოა, რადგან პუტინს, ფაქტობრივად, დასჭირდება იმის აღიარება, რომ მან ვერ შეძლო უკრაინის რეინტეგრაციის ხედვის რეალიზება.
მესამე სცენარი:
ყველაზე ნაკლებად სავარაუდო სცენარი ისაა, რომ რუსები აჯანყდებიან და პუტინს ჩამოაგდებენ.
„ათასობით ადამიანი უკვე გამოდის ქუჩებში პუტინის გიჟური ომის გასაპროტესტებლად. ისინი ამას აკეთებენ საკუთარი უსაფრთხოებისთვის. ვნახოთ, მასობრივი მოძრაობა შეძლებს თუ არა, საბოლოოდ დაასრულოს პუტინის მმართველობა“, - აღნიშნა ექსპერტმა.
აგრეთვე წაიკითხეთ:
🔴 დიდი ბრიტანეთი უკრაინას დამატებით 100 მილიონ დოლარს გამოუყოფს
🔴 უკრაინა გაიმარჯვებს - საფრანგეთის საგარეო საქმეთა მინისტრი
🔴 რუსეთმა ომისთვის მობილიზებული ჯარის 95% უკვე გამოიყენა - პენტაგონი
🔴 ზელენსკის მკვლელობის შემთხვევაში, უკრაინის ხელისუფლებას უწყვეტობის გეგმა აქვს - ბლინკენი
🔴 რუსეთის სითამამე აჩვენებს, რომ სანქციები საკმარისი არ არის - ზელენსკი
