რუსეთი უკვე ერთი კვირაა, ცდილობს აგრესიულად შეტევას უკრაინის შეიარაღებული ძალების პოზიციებზე და მას „სპეციალური ოპერაციის მეორე ეტაპი“ უწოდა. თუმცა დამპყრობლებს წარმატებები და მნიშვნელოვანი შედეგები არ მიუღიათ. ამის შესახებ სენტ-ენდრიუსის უნივერსიტეტის სტრატეგიული კვლევების პროფესორმა ფილიპს ო'ბრაიენმა განაცხადა.
ანალიტიკოსმა აღნიშნა, რომ უკრაინის წინააღმდეგ სრულმასშტაბიანი ომის დროს რუსეთის სარდლობამ სისულელისა და სასოწარკვეთის ნიშნები გამოავლინა. ოკუპანტების კოლოსალური დანაკარგები პრაქტიკულად შეუძლებელს ხდის ფრონტის ხაზის ცენტრიდან გადატანას. „რუსული არმია დემორალიზებულია მთელი რიგი დანაკარგების შემდეგ, ამიტომ ჯარისკაცები არ არიან ეფექტური ბრძოლებში“.
„ფაქტობრივად, მათ ძალიან მცირე პროგრესს მიაღწიეს. იმდენი ზარალი განიცადეს კიევის კამპანიაში, შეგვიძლია ვთქვათ, რომ ისინი არც თუ ისე ჭკვიანურად იბრძვიან“ - განაცხადა ო'ბრაიენმა.
ექსპერტმა აღნიშნა, რომ დამარცხებული სამხედროები ჩრდილოეთიდან დონბასში გადაიყვანეს. „ჯარი დამარცხებული, გამოფიტული და არაეფექტური იყო“.
„ეს ჯარისკაცები, რომლებიც კიევიდან გამოიყვანეს, დამარცხებული ჯარისკაცები იყვნენ - დაინახეს და ჩაიდინეს ომის დანაშაულები, დაინახეს, რომ დაიღუპნენ ადამიანები, დაიღალნენ, დაკარგეს ტექნიკა. ის, რომ რუსები არ აძლევენ უკრაინას მშვიდობას, სისულელის ან სასოწარკვეთის ნიშანია“, - დაასკვნა ანალიტიკოსმა.
აგრეთვე წაიკითხეთ:
✔️ სოლოვიოვის მკვლელობაში ბრალდებულებმა სიმონიანისა და კისელიოვის მკვლელობაც დაგეგმეს
✔️ „რუსეთს შავ ზღვაში 58 საკრუიზო რაკეტა აქვს კონცენტრირებული“ - ალექსანდრე მოტუზიანიკი