„რუსეთმა ამოწურა ადამიანური რესურსი და უკიდურეს ზომას მიმართავს“ - უკრაინის გენშტაბი
1647583114
რუსეთმა მნიშვნელოვნად ამოწურა არმიის ადამიანური რესურსი და მიმართავს უკიდურეს ზომებს. ამის შესახებ უკრაინის შეიარაღებული ძალების გენერალური შტაბი წერს. ინფორმაციას უკრაინული მედია UNIAN ავრცელებს.
„იმის გამო, რომ ოკუპანტებმა მნიშვნელოვნად ამოწურეს ადამიანური რესურსები, რუსეთის ფედერაცია იძულებულია, მიმართოს უკიდურეს ზომებს რეკრუტირების საკითხებში. ისინი ახორციელებენ ფარულ მობილიზაციას, იზიდავენ ე.წ. მოხალისეებს, წვევამდელებს და იუნკერებს, ასევე, დაქირავებულებს სირიისა და არაბთა რესპუბლიკიდან“, - ვკითხულობთ შტაბის განცხადებაში.
შტაბი, ასევე, წერს, რომ ბოლო 24 საათის განმავლობაში უკრაინის შეიარაღებულ ძალებს რაიმე მნიშვნელოვანი ცვლილება არ განუცდია.
„18 მარტის დილის მდგომარეობით, თავდაცვის ძალების მდგომარეობას და პოზიციასა 24 საათის განმავლობაში მნიშვნელოვანი ცვლილებები არ განუცდია. უკრაინის შეიარაღებული ძალები განაგრძობდნენ გამანადგურებელი დარტყმების მიყენებას მტრის ჯარზე, რომლებიც ცდილობდნენ დაკავებული თავდაცვითი ხაზების შეკავებას“, - უკრაინის გენერალური შტაბი.
როგორც განცხადებაში ვკითხულობთ, დღის განმავლობაში უკრაინელმა დამცველებმა შეაჩერეს უკრაინის ტერიტორიაზე რუსეთის ფედერაციის შეიარაღებული ძალების წინსვლა.
ასევე, წინა დღის განმავლობაში უკრაინის შეიარაღებული ძალების საჰაერო ძალების ბომბდამშენმა და თავდასხმის თვითმფრინავმა ძლიერი დარტყმა მიაყენა მტრის სამხედრო ტექნიკის კოლონებს. საზენიტო-სარაკეტო ძალებმა და გამანადგურებელმა თვითმფრინავებმა დაარტყეს მტრის 14 საჰაერო სამიზნეს (7 თვითმფრინავი, ვერტმფრენი, 3 უპილოტო საფრენი აპარატი და 3 საკრუიზო რაკეტა).
აგრეთვე დაგაინტერესებთ:
⭕ პუტინმა რუსეთის წინაშე აშშ-ის და ევროკავშირის დეფოლტი გამოაცხადა
⭕ „ორით ნაკლები ქართველი“ - ირაკლი ოქრუაშვილი
⭕ „პუტინის შეჩერების ნიშნებს აშშ ვერ ხედავს“ - ენტონი ბლინკენი
⭕ რა სურს პუტინს და დაასრულებს თუ არა რუსეთი ომს?
⭕ საფრანგეთი უნდა მოემზადოს ევროპაში ომისთვის - ემანუელ მაკრონი
⭕ ჩინეთი „მშვიდად“ შორდება იზოლირებულ რუსეთს - CNN
⭕ რამდენად ხარ გარკვეული რუსეთ-უკრაინის ომის პროცესებში - ქვიზი
