რუსეთმა დაიწყო თავისი ბომბდამშენების დამალვა - დანილოვი
1672204278
რუსეთის სარდლობა მალავს ბომბდამშენებს, რადგან ესმის, რომ უკრაინას შეუძლია მათი განადგურება, - ამის შესახებ უკრაინის ეროვნული უსაფრთხოებისა და თავდაცვის საბჭოს მდივანმა, ოლექსი დანილოვმა განაცხადა.
მისი თქმით, რუსეთს არ ჰყავს ბევრი თვითმფრინავი, რომელსაც შეუძლია უკრაინის ტერიტორიის საჰაერო დაბომბვა.
„დღეს ოკუპანტმა დაიწყო ბომბდამშენების დამალვა. მას ესმის, რომ ჩვენ შეგვიძლია წარმატებით დავარტყათ ისეთ ტერიტორიებს, სადაც ამას არ ელოდებიან“, - აღნიშნა დანილოვმა.
ეროვნული უშიშროების საბჭოს მდივანმა დასძინა, რომ ამჟამად არ არსებობს გარანტიები, რომ რუსეთი ახალ წლამდე მასობრივ დაბომბვას არ განახორციელებს.
„ჩვენ ზუსტად ვიცით, რომ მას ბევრი რაკეტა არ აქვს დარჩენილი მასობრივი თავდასხმისთვის - ორი ან სამი, ოკუპანტმაც კი იცის ამის შესახებ“, - დასძენს დანილოვი.
აგრეთვე წაიკითხეთ:
✔️ ენგელსის აეროდრომზე მომხდარმა აფეთქებებმა რუსეთის ომის მომხრე საზოგადოება შეაშფოთა - ISW
✔️ წლის ბოლომდე რუსებს დონეცკის ოლქის ადმინისტრაციულ საზღვარზე შესვლა სურთ - ანა მალიარი
