„თუ ომი წლები გაგრძელდება“ - პენტაგონი უკრაინის დასახმარებლად იარაღის მწარმოებლებს უმასპინძლებს
1649830497
13 აპრილს პენტაგონი უმასპინძლებს აშშ-ში იარაღის რვა საუკეთესო მწარმოებელს, რათა განიხილონ ინდუსტრიის უნარი, დააკმაყოფილოს უკრაინის იარაღის საჭიროებები, თუ რუსეთთან ომი წლების განმავლობაში გაგრძელდება. ამის შესახებ reuters წერს.
იარაღზე მოთხოვნა გაიზარდა მას შემდეგ, რაც 24 თებერვალს რუსეთის შეჭრამ აიძულა აშშ და მოკავშირეები უკრაინისთვის იარაღი გადაეცათ.
reuters-ის წყაროებზე დაყრდნობით, მოსალოდნელია, რომ შეხვედრაზე განიხილება იარაღის მარაგებისა და ასევე, უფრო ხანგრძლივი ომის დაგეგმვა. პენტაგონის შესყიდვებისა და მხარდაჭერის ოფისი 90-წუთიან შეხვედრას უმასპინძლებს. შეხვედრას, სავარაუდოდ, დაესწრება თავდაცვის მდივნის მოადგილე კეტლინ ჰიქსი.
პენტაგონმა განაცხადა, რომ ყველაზე სასარგებლო იარაღი არის ისეთი სისტემები, როგორიცაა Javelin ტანკსაწინააღმდეგო რაკეტები და Stinger საზენიტო რაკეტები, რომლებსაც ვაშინგტონი და მისი მოკავშირეები უკრაინას „თითქმის ყოველდღიურად“ აწვდიან.
Raytheon Technologies და Lockheed Martin Corp ერთობლივად აწარმოებენ Javelins-ს, ხოლო Raytheon აწარმოებს Stingers-ს. იარაღის სხვა წამყვანი მწარმოებლები არიან Boeing Co, Northrop Grumman, General Dynamics და L3Harris Technologies.
აგრეთვე წაიკითხეთ:👇
👉 ჯო ბაიდენმა უკრაინაში მიმდინარე ომს გენოციდი უწოდა
👉 აგრესორებმა მარიუპოლსა და ხარკოვში სამოქალაქო ინფრასტრუქტურა დაბომბეს - უკრაინის გენშტაბი
👉 CIA-ს ყოფილმა დირექტორმა თქვა თუ რა იქნება რუსეთის მიერ უკრაინაზე შეტევის შემდეგი ეტაპი
