უკრაინის ძალებმა ქალაქ კუპიანსკის აღმოსავლეთ ნაპირიც აიღეს
1663396280
უკრაინის შეიარაღებულმა ძალებმა ხარკოვის ოლქის ქალაქ კუპიანსკის აღმოსავლეთ ნაწილიც გაათავისუფლეს, რომელიც მდინარე ოსკოლის მარცხენა ნაპირზე მდებარეობს. ამის შესახებ „ეხო კავკაზა“ იუწყება.
შესაბამისი ინფორმაცია სოც. მედიაში გავრცელდა. ეს ინფორმაცია „რადიო თავისუფლებას“ ინფორმირებულმა წყარომაც დაუდასტურა. ოფიციალურ კიევს ამ თემაზე ჯერჯერობით კომენტარი არ გაუკეთებია.
იმ შემთხვევაში, თუ ეს ინფორმაცია დადასტურდა, გამოდის, რომ უკრაინის არმიას შეუძლია შეტევის გაგრძელება აღმოსავლეთის მიმართულებით ლუგანსკის ოლქისკენ.
ცნობისთვის, სექტემბრის დასაწყისში კონტრშეტევის შედეგად უკრაინის ძალებმა ქალაქი ბალაკლეა, იზიუმი და ათობით სხვა, უფრო მცირე ზომის დასახლებული პუნქტი გაათავისუფლეს. ასევე, რუსეთის ძალებმა ხარკოვის ოლქის ჩრდილოეთ ნაწილიც დატოვეს.
აგრეთვე წაიკითხეთ: 👇
👉 საქართველოსთან ომის ალბათობა საკმაოდ მაღალია - არძინბა
👉 ცეცხლის შეწყვეტის შეთანხმების მიუხედავად, ყირგიზეთი და ტაჯიკეთი ერთმანეთს დაბომბვაში ადანაშაულებენ
