Bild: გერმანია უკრაინაში ჯარების გაგზავნას აღარ განიხილავს
1756643373
გერმანიის მთავრობა ეჭვქვეშ აყენებს უკრაინაში გერმანული ჯარების უსაფრთხოების გარანტიების ფარგლებში გაგზავნის აუცილებლობას. ამის ნაცვლად, ბერლინი უკრაინის არმიის დაფინანსებაზე ფოკუსირებას ცდილობს, - იტყობინება Bild წყაროებზე დაყრდნობით.
გავრცელებულ ინფორმაციაში აღნიშნულია, რომ აშშ-ის პრეზიდენტის დონალდ ტრამპისა და უკრაინის ლიდერის ვოლოდიმირ ზელენსკის მონაწილეობით ვაშინგტონში გამართული სამიტის შემდეგ, გერმანიამ აქტიურად დაიწყო უკრაინაში გერმანელი ჯარისკაცების გაგზავნის შესაძლებლობის განხილვა ქვეყნის ახალი თავდასხმისგან დასაცავად. ახლა კანცლერი ფრიდრიხ მერცი და ვიცე-კანცლერი ლარს კლინგბეილი მიიჩნევენ, რომ უკრაინაში დასავლური ჯარების განლაგება აღარ წარმოადგენს პრობლემას.
წყაროებმა ჟურნალისტებს განუცხადეს, რომ ბერლინი თავის როლს, პირველ რიგში, უკრაინის ფინანსურ და სამხედრო მხარდაჭერაში ხედავს. მათი თქმით, გერმანიის ჯარების გაგზავნის განხილვა ამ ეტაპზე გადაიდო.
გამოცემას თანამოსაუბრეებმა განუცხადეს, რომ გერმანია მზადაა, შესაძლო ცეცხლის შეწყვეტის შემდეგ, გააგრძელოს უკრაინელი სამხედრო პერსონალის წვრთნა. გერმანია, ასევე, გეგმავს უკრაინის სამხედრო-სამრეწველო კომპლექსის განვითარებაში დახმარებას.
