ჯო ბაიდენი ბორის ჯონსონის გადადგომას გამოეხმაურა
1657221266
დიდი ბრიტანეთის პრემიერ-მინისტრის ბორის ჯონსონის გადადგომას შეერთებული შტატების პრეზიდენტი ჯო ბაიდენი ეხმაურება. როგორც ბაიდენმა აღნიშნა, „განსაკუთრებული ურთიერთობა“ აშშ-სა და დიდ ბრიტანეთს შორის „რჩება ძლიერი და მტკიცე“.
ბაიდენმა ხაზგასმით აღნიშნა, რომ აშშ გააგრძელებს მუშაობას დიდი ბრიტანეთის მთავრობასთან კრიტიკულ საკითხებზე, მათ შორის უკრაინის ომზე - საკითხი, რომელზედაც ბაიდენი და ჯონსონი მჭიდროდ მუშაობდნენ.
„გაერთიანებული სამეფო და შეერთებული შტატები არიან უახლოესი მეგობრები და მოკავშირეები და განსაკუთრებული ურთიერთობა ჩვენს ხალხს შორის რჩება ძლიერი და მტკიცე. მოუთმენლად ველი, რომ გავაგრძელებთ ჩვენს მჭიდრო თანამშრომლობას დიდი ბრიტანეთის მთავრობასთან, ისევე როგორც ჩვენს მოკავშირეებთან და პარტნიორებთან მთელ მსოფლიოში, მთელ რიგ მნიშვნელოვან პრიორიტეტებთან დაკავშირებით. ეს მოიცავს ძლიერი და ერთიანი მიდგომის შენარჩუნებას უკრაინელი ხალხის მხარდაჭერაში მაშინ, როცა ისინი თავს იცავენ პუტინის სასტიკი ომისგან“, - განაცხადა ბაიდენმა.
ასევე დაგაინტერესებთ:
👉 „კოლექტიური დასავლეთი შეერთებული შტატების მეთაურობით, უკიდურესად აგრესიულია“ - ვლადიმერ პუტინი
👉 „რუსეთი უკრაინის წინააღმდეგ ომში ოპერატიულ „პაუზას“ იღებს“ - რუსეთის თავდაცვის სამინისტროს სპიკერი
👉 „სულელი კლოუნის სამწუხარო დასასრული“ - კრემლში ბორის ჯონსონის გადადგომას მხიარულება მოჰყვა
