ქეროლაინ ლევიტი: რუსეთის მხრიდან უკრაინაზე მიტანილი ბოლო იერიშით დონალდ ტრამპი არ იყო კმაყოფილი, თუმცა არც გაკვირვებული ყოფილა
1756412143
„რუსეთის მხრიდან უკრაინაზე მიტანილი ბოლო იერიშით დონალდ ტრამპი არ იყო კმაყოფილი, თუმცა არც გაკვირვებული ყოფილა“, – ამის შესახებ თეთრი სახლის პრესსპიკერმა კეროლაინ ლევიტმა განაცხადა.
„ჩვენ ვსაუბრობთ ორ ქვეყანაზე, რომლებიც ძალიან დიდი ხნის განმავლობაში ომში არიან. რუსეთმა ეს თავდასხმა კიევზე განახორციელა. უკრაინა კი ცოტა ხნის წინ, თავს დაესხა რუსეთის ნავთობგადასამუშავებელ ქარხნებს. ფაქტობრივად, მათ აგვისტოში რუსული ნავთობგადასამუშავებელი ქარხნების სიმძლავრის 20% გაანადგურეს“, – აღნიშნა ლევიტმა.
ამასთან, ლევიტის თქმით, ტრამპი „აგრძელებს სიტუაციის მჭიდრო მონიტორინგს“ და სურს ომის დასრულება, რათა შეწყდეს ადამიანების მკვლელობა.
„შესაძლებელია, რომ ამ ომის ორივე მხარე თავად არ იყოს მზად მის დასასრულებლად. პრეზიდენტს სურს მისი დასრულება, მაგრამ ამ ორი ქვეყნის ლიდერებსაც უნდა სურდეთ მისი დასრულება. ვფიქრობ, რომ პრეზიდენტი ამის შესახებ მოგვიანებით გაავრცელებს განცხადებას“, – განაცხადა თეთრი სახლის პრესსპიკერმა ბრიფინგზე.
