ნატომ „რამშტაინის“ შეხვედრის მორიგი თარიღი დაასახელა
1674738747
ჩრდილოატლანტიკური ალიანსის საბჭოს მორიგი შეხვედრა თავდაცვის მინისტრების დონეზე 14-15 თებერვალს გაიმართება. ამასთან, 14 თებერვალს უკრაინის თავდაცვის საკითხებზე საკონტაქტო ჯგუფის შეხვედრაა დაგეგმილი. ამის შესახებ ჩრდილოატლანტიკური ალიანსის პრესმდივანმა ოანა ლუნგესკუმ განაცხადა.
მისი თქმით, „რამშტაინის“ ფორმატის შეხვედრა ნატოს შტაბ-ბინაში გაიმართება.
ნატოს თავდაცვის მინისტრების შეხვედრას გენერალური მდივანი იენს სტოლტენბერგი უხელმძღვანელებს. 13 თებერვალს ის მედიისთვის პრესკონფერენციას გამართავს.
„რამშტაინის“ ფორმატი: შეხვედრის თემა 👇
„რამშტაინის“ შეხვედრა 19 იანვარს შედგა. შეხვედრაზე კიევისთვის ტანკების გადაცემის საკითხი განიხილეს. მიუხედავად იმისა, რომ შეხვედრაზე გადაწყვეტილება არ მიუღიათ, რამდენიმე დღის შემდეგ არაერთმა ქვეყანამ განაცხადა უკრაინისთვის ტანკების მიწოდების შესახებ.
20 იანვარს უკრაინის პრეზიდენტმა ვოლოდიმირ ზელენსკიმ „რამშტაინის“ ფორმატში შეხვედრის მონაწილეებს მოუწოდა, არ დაკარგონ დრო და უკრაინას თვითმფრინავები და შორი მოქმედების რაკეტები მიაწოდონ.
ასევე დაგაინტერესებთ:
➖ „სპეციალური სამხედრო ოპერაციისთვის“ სტატუსის შეცვლის საკითხი დღის წესრიგში არ დგას - კრემლი
➖ ისრაელის რეიდები: რატომ მოკლეს ამდენი პალესტინელი? - Aljazeera
➖ ისრაელის არმიამ 5 პალესტინელი მოკლა, დაჭრილია სულ მცირე 10-ზე მეტი ადამიანი - პალესტინური მხარე
➖ გავრილოვის განცხადებით, დასავლური ტანკების უკრაინაში გაგზავნა ფრონტზე ვითარებას არ შეცვლის
