უკრაინისთვის შეტევითი იარაღის მიწოდება „გლობალურ კატასტროფას“ გამოიწვევს - ვიაჩესლავ ვოლოდინი
1674375836
უკრაინისთვის შეტევითი იარაღის მიწოდება „გლობალურ კატასტროფას“ გამოიწვევს. აშშ-ის და ევროკავშირის გადაწყვეტილებას უკრაინის შეიარაღებული ძალებისთვის სამხედრო დახმარების შესახებ, მსოფლიო მიჰყავს საშინელ ომამდე და სრულიად განსხვავებულ საომარ მოქმედებებამდე, - ამის შესახებ რუსეთის ფედერაციის სახელმწიფო სათათბიროს სპიკერმა, ვიაჩესლავ ვოლოდინმა განაცხადა.
„თუ ვაშინგტონი და ნატოს ქვეყნები მიაწოდებენ უკრაინას იარაღს, რომელიც გამოყენებული იქნება მშვიდობიან ქალაქებზე თავდასხმებისთვის და ჩვენი ტერიტორიების ხელში ჩაგდების მცდელობებისთვის, როგორც ისინი იმუქრებიან, ეს გამოიწვევს საპასუხო ზომებს უფრო ძლიერი იარაღის გამოყენებით“, - აღნიშნა ვოლოდინმა.
მისი აზრით, ვაშინგტონისა და ბრიუსელის გადაწყვეტილებებს მსოფლიო საშინელ ომამდე მიჰყავს.
„რუსული იარაღის ტექნოლოგიური უპირატესობის გათვალისწინებით, უცხოელმა პოლიტიკოსებმა, რომლებიც იღებენ ასეთ გადაწყვეტილებებს, უნდა გაიგონ, რომ ეს შეიძლება დასრულდეს გლობალური ტრაგედიით, რომელიც გაანადგურებს მათ ქვეყნებს“, - დასძენს ვოლოდინი.
აგრეთვე წაიკითხეთ:
✔️ უკრაინა მნიშვნელოვან ფასს გადაიხდის, თუ რუსული ჯარები იოლად მოახერხებენ ბახმუტის აღებას - ISW
✔️ რუსული არმია უკრაინაში კატასტროფულ დანაკარგებს განიცდის - ამერიკელი ანალიტიკოსები
✔️ გთხოვთ, განმარტოთ, რა დანაშაული ჩაიდინა ვაგნერის ჯგუფმა? - პრიგოჟინი კირბის
