„არ უნდა იყოს გასაკვირი, რომ ადამიანი, რომელიც ამ ჯანმრთელობის მდგომარეობის ქვეშაა, არ ფიქრობდეს და ვერ ფიქრობდეს პოლიტიკაზე“ - ნიკა მელია სააკაშვილზე
1659445641
„ნაციონალური მოძრაობის“ თავმჯდომარის ნიკა მელიას განცხადებით, გასაკვირი არ არის, რომ მიხეილ სააკაშვილი არ ფიქრობდეს პოლიტიკაზე, რადგან მას ჯანმრთელობის პრობლემები აქვს.
„ვინაიდან მიხეილ სააკაშვილის ჯანმრთელობის მდგომარეობა არის კრიტიკულად მძიმე, არც ის უნდა იყოს გასაკვირი, რომ ადამიანი, რომელიც ამ ჯანმრთელობის მდგომარეობის ქვეშ არის, არ ფიქრობდეს და ვერ ფიქრობდეს პოლიტიკაზე; ეს არ არის გასაკვირი. გასაკვირი ის უფრო არის, თუ ჩვენ გვიკვირს, რატომ შეიძლება მის ადვოკატებს, მას პირადად სურდეთ საკუთარი სიცოცხლისა და ჯანმრთელობის გადარჩენა. ამიტომ, თავიდან ბოლომდე მივესალმები, ბუნებრივია, მიხეილ სააკაშვილის სიცოცხლისა და ჯანმრთელობის გადარჩენას, რისთვისაც ყველაფერი კეთდება მისი ადვოკატების მხრიდან. სხვა საკითხია, ეს ვერაგი ხელისუფლება, რომელმაც მისი ჯანმრთელობის მდგომარეობა ამ კონდიციამდე მიიყვანა, არის მზად, რომ გამოიჩინოს ჰუმანურობა?“ - განაცხადა მელიამ.
ასევე დაგაინტერესებთ:
👉 „მისი სიცოცხლე საფრთხეშია და ამიტომ მას არ ეპოლიტიკება“ - ვალერი გელბახიანი მიხეილ სააკაშვილზე
