ბოლოს და ბოლოს მმართველმა პარტიამ ქართველ ხალხს, განსაკუთრებით ახალგაზრდებს მოუსმინა - კელი დეგნანი
1678435216
„ახლა ყველას გვსურს დავინახოთ, რომ პარლამენტის თითოეულმა წევრმა დააჭიროს წითელ ღილაკს და ოფიციალურად უარყოს ის კანონები, რომელიც კრემლის მიერ არის შთაგონებული“, - ამის შესახებ აშშ-ის ელჩმა საქართველოში კელი დეგნანმა განაცხადა.
ამერიკელი დიპლომატის თქმით, უკვე არსებობს საკმაო დაცვა და გამჭვირვალობა იმ ფინანსური დახმარებისა, რაც საქართველოში ქართველი ხალხის საუკეთესო ინტერესებს ემსახურება და ეხმარება იმ ქართველებს, რომლებიც მთელ ქვეყანაში საკუთარი საზოგადოების გაუმჯობესებისთვის დაუღალავად მუშაობენ.
ელჩი ამბობს, რომ სწორედ ამას აკეთებს საერთაშორისო დახმარება საქართველოში უკვე 30 წელია.
„ქართველმა ხალხმა, განსაკუთრებით სტუდენტებმა და ახალგაზრდებმა, ხმამაღლა და გარკვევით თქვა თავისი სათქმელი და ბოლოს და ბოლოს, მმართველმა პარტიამ მოუსმინა მათ. ახლა ყველას გვსურს დავინახოთ, რომ პარლამენტის თითოეულმა წევრმა დააჭიროს წითელ ღილაკს და ოფიციალურად უარყოს ის კანონები, რომელიც კრემლის მიერ არის შთაგონებული და არ არის საჭირო საქართველოში. საქართველოს ეს კანონები არ სჭირდება.
უკვე არსებობს საკმაო დაცვა და გამჭვირვალობა იმ ფინანსური დახმარებისა, რაც საქართველოში ქართველი ხალხის საუკეთესო ინტერესებს ემსახურება და ეხმარება იმ ქართველებს, რომლებიც მთელ ქვეყანაში საკუთარი საზოგადოების გაუმჯობესებისთვის დაუღალავად მუშაობენ.
სწორედ ამას აკეთებს საერთაშორისო დახმარება საქართველოში უკვე 30 წელია. ამის დასანახად საკმარისია, მიმოიხედოთ ამ ქვეყნის თითქმის ყველა თემში და დაინახოთ, რომ ძალიან კარგი საქმე კეთდება. საქართველოს მოსახლეობას ახლა სურს დაინახოს, რომ ევროკავშირის კანდიდატის სტატუსის მისაღწევად მათი მთავრობა დაპირებას შეასრულებს.
იმედი მაქვს, რომ ახლა მთელი ენერგია და ყურადღება ამისკენ იქნება მიმართული. ეს არის უზარმაზარი შესაძლებლობა თითოეული ქართველის ცხოვრების გასაუმჯობესებლად და სწორედ ქართველი ხალხი აკისრებს მთავრობას პასუხისმგებლობას კანდიდატის სტატუსის მინიჭების დაპირებაზე“, - აცხადებს ელჩი დეგნანი.
ასევე დაგაინტერესებთ:
🔴 2008 წლის აგვისტოს გამეორების შემთხვევაში, ლოლიაობის გარეშე, პირდაპირ თბილისს დაარტყამენ - სიმონიანი
