„სამარცხვინო ადამიანი ხარ, ბოდიში უნდა მოუხადო საკუთარ ოჯახსა და შვილებს, რადგან ამ ქვეყნის ინტერესების წინააღმდეგ წახვედი“ - სამადაშვილი ღარიბაშვილს
1679648701
„როგორც გაფუჭებული საათი აჩვენებს ხანდახან სწორ დროს, ისე ამ სამარცხვინო კაცმა, რომელსაც, სამწუხაროდ, ქვეყნის პრემიერ-მინისტრი ჰქვია, ერთი სწორი რამე თქვა - რომ ქვეყნის მტრობაა ქვეყნის ევროპული დღის წესრიგისთვის ხელის შეშლა“, - ამ სიტყვებით „ლელოს“ ერთ-ერთმა ლიდერმა სალომე სამადაშვილმა პარლამენტში ინტერპელაციის წესით მისულ პრემიერ-მინისტრ ირაკლი ღარიბაშვილს მიმართა.
„ეს თუ ასეა, თქვენ რატომ გქვიათ ქვეყნის პრემიერ-მინისტრი, უმრავლესობაში რატომ სხედხართ? თქვენი დამსახურებით და ქვეყნის მტრობით დღეს ამ ქვეყანას არ აქვს კანდიდატის სტატუსი. Mea Culpa-თი რატომ არ დაიწყეთ თქვენი გამოსვლა? „დამნაშავე ვარ“-ს ნიშნავს ეს სიტყვა ლათინურად და დამნაშავე ხართ თქვენ, ბატონო პრემიერო. სამარცხვინო ადამიანი ხარ, უნდა დაიწყო ყველა გამოსვლა იმით, რომ დამნაშავე ხარ, ბოდიში უნდა მოუხადო საკუთარ ოჯახსა და შვილებს, რადგან ამ ქვეყნის ინტერესების წინააღმდეგ წახვედი. თქვენი ტყუილების არავის აღარ სჯერა ამ ქვეყანაში ბატონო ღარიბაშვილო“, - უთხრა სალომე სამადაშვილმა ირაკლი ღარიბაშვილს.
აგრეთვე დაგაინტერესებთ:
