სამეგრელოში, ქალაქ სენაკში 38 წლის კაცმა 60 წლამდე ასაკის კაცი ნაჯახით დაჭრა.
„გურია ნიუსის“ ინფორმაციით, დაშავებული სამედიცინო დაწესებულებაში გადაიყვანეს, რის შემდეგ მას ოპერაცია გაუკეთეს.
დაჭრილი კაცის მდგომარეობა მძიმეა.
როგორც შსს-ში PIA.GE-ის განუცხადეს, საქმეზე გამოძიება სისხლის სამართლის კოდექსის 117-ე მუხლით დაიწყო, რაც ჯანმრთელობის განზრახ დაზიანებას გულისხმობს. დაკავებულია ერთი პირი.