1755723748

მუსიკოსი, ავტორ-შემსრულებელი მამუკა ჩარკვიანი 69 წლის ასაკში ხანგრძლივი ავადმყოფობის შემდეგ გარდაიცვალა. ინფორმაციას სოციალურ ქსელში მამუკა ჩარკვიანის და თაკო ჩარკვიანი ავრცელებს. „მორჩა“ - წერს თაკო ჩარკვიანი. მამუკა ჩარკვიანი ქართველი თვითნასწავლი მუსიკოსი იყო, რომლის სიმღერები ქართულმა საზოგადოებამ მალევე შეიყვარა. 1995 წლიდან ინტენსიურად გამოდიოდა ქართულ ესტრადაზე. ასრულებდა საკუთარ სიმღერებს ძირითადად მამის – ჯ. ჩარკვიანის ლექსებზე. გამოცემული აქვს ალბომები. მიღებული აქვს სიმღერის ფესტივალ „ლიგას“ პირველი პრემია - ნომინაცია ქართული ტრადიციული სიმღერა - სიმღერისთვის „მწვანე რტოები|“(1996), XX საუკუნის საუკეთესო სიმღერის პრიზი სიმღერისთვის „მაღლა და მაღლა“(1999), ოქროს დისკი ნომინაცია - წლის საუკეთესო სიმღერა - სიმღერებისთვის: „ჩემი აღარა ხარ“, „გაზაფხული“, „აპრილი“ და „დედის ჯერი“. 2014 წლის 10 მაისს, ფილარმონიის დიდი საკონცერტო დარბაზის წინ გაიხსნა მამუკა ჩარკვიანის ვარსკვლავი.  

1755722909

ისრაელის თავდაცვის ძალებმა ღაზაში სამხედრო ოპერაციის პირველი ეტაპი დაიწყეს, რომელიც ღაზას დაკავებას მოიცავს, - აცხადებს ისრაელის თავდაცვის ძალების პრესსპიკერი, ბრიგადის გენერალი ეფი დეფრინი. „ჩვენი ძალები უკვე აკონტროლებენ ქალაქის გარეუბნებს“, - აღნიშნა დეფრინმა. მისივე თქმით, ისრაელის თავდაცვის ძალები მუშაობენ ღაზის მოსახლეობისთვის საკმარისი სივრცეების უზრუნველსაყოფად უსაფრთხო ევაკუაციისთვის, ასევე დახმარებისა და სამედიცინო მომსახურების მისაღებად. ამასთან, დეფრინმა განაცხადა, რომ ქალაქზე კონტროლის შესანარჩუნებლად ოპერაციის მხარდამჭერი დანაყოფების რაოდენობა გაიზრდება - მხოლოდ ამ კვირაში რეზერვისტებისთვის 60 000 უწყება გაიგზავნება, ხოლო აგვისტოს ბოლომდე კიდევ 20 000.

1755720943

სხვადასხვა სამუშაოების ჩატარების გამო, 21 აგვისტოს თბილისის ქუჩების ნაწილს ელექტრომომარაგება დროებით შეეზღუდება.ვაკის რაიონი ქსელში გადართვების გამო 01:00 საათიდან 04:00 საათამდე შეზღუდვა შეეხება: ილია ჭავჭავაძის გამზირის (ნაწილობრივ), ფალიაშვილის, მოსაშვილის, კავსაძის, დარიალის და ბერძენიშვილის ქუჩების მოსახლეობას. გადაუდებელი სამუშაოების ჩატარების გამო 10:00 საათიდან 18:00 საათამდე შეზღუდვა შეეხება: ილია ჭავჭავაძის გამზირის (ნაწილობრივ), ნინო რამიშვილის, ნუგზარ საჯაიას, ზურაბ ავალიშვილის, ყიფშიძის, ირაკლი აბაშიძის, კოკა კლდიაშვილის, მირცხულავას, ბაზალეთის, ფალიაშვილის და არაყიშვილის ქუჩების მოსახლეობას. ისნის რაიონი ქსელში გადართვების გამო 01:00 საათიდან 04:00 საათამდე შეზღუდვა შეეხება: ვარკეთილი-3 I, II, III მიკრო რაონების (ნაწილობრივ), ვარკეთილი-2 I მიკრორაიონის (ნაწილობრივ), ბარბარე მაჭავარიანი-წერეთლის, ჯავახეთის, ვიქტორ კუპრაძის, ლადო კოტეტიშვილის, ვიქტორ დოლიძის, ილია სუხიშვილის და საქართველოს ერთიანობისთვის მებრძოლთა ქუჩების მოსახლეობას.საბურთალოს რაიონი ქსელში გადართვების გამო 01:00 საათიდან 04:00 საათამდე შეზღუდვა შეეხება: ფარნავაზ მეფის გამზირის (ნაწილობრივ), აღმაშენებლის ხეივნის (ნაწილობრივ), სოფელი დიღმის (ნაწილობრივ), დიდი დიღმის I მიკრორაიონის (ნაწილობრივ), პეტრე იბერის, მირიან მეფის, გიორგი ბრწყინვალის და პეტრიწის ქუჩების მოსახლეობას. 

1755720331

დიდი ბრიტანეთის თავდაცვის სამინისტროს ინფორმაციით, რუსეთის ხელისუფლება საგანმანათლებლო სისტემაში აქტიურად ნერგავს ბავშვებისა და ახალგაზრდებისთვის უპილოტო საფრენი აპარატების მართვის ტრენინგებს.ბრიტანული დაზვერვის მონაცემებით, ასეთი გაკვეთილები უკვე ტარდება რუსეთში 500-ზე მეტ სკოლასა და 30 კოლეჯში, სადაც შექმნილია სპეციალიზებული პრაქტიკული მომზადების ცენტრები.პროგრამის განსახორციელებლად 2500-ზე მეტი მასწავლებელი გადამზადდა. ეს ღონისძიებები რუსეთის განათლებისა და მეცნიერების მინისტრის ვალერი ფალკოვის მიერ 2024 წლის მაისში გამოცხადებული ინიციატივის ნაწილია. გეგმის თანახმად, 2030 წლისთვის ქვეყანა ერთი მილიონი უპილოტო საფრენი აპარატის სპეციალისტის გადამზადებას გეგმავს.2025 წლის 12 ივნისს რუსეთის პრეზიდენტმა ვლადიმერ პუტინმა რუსეთის შეიარაღებულ ძალებში უპილოტო ძალების დანაყოფის შექმნის შესახებ განცხადება გააკეთა. 

1755717752

Newshub.ge გთავაზობთ მსოფლიოს მასშტაბით 20 აგვისტოს გადაღებულ ფოტოებს.კაცი ძლიერი მუსონური წვიმების შემდეგ მოტოციკლით დატბორილ ქუჩაში დგას პაკისტანი📸Shahzaib Akberკამბოჯასთან სასაზღვრო კონფლიქტის შემდეგ სადავო ტერიტორიებიდან ამოღებული ნაღმებისურინი, ტაილანდი📸Lillian Suwanrumphaამსტერდამის 50-ე იალქნების ფესტივალიამსტერდამი, ნიდერლანდები📸Sem van der Walგვალვით დაზარალებულ ჩიბაიშის ჭაობებში ჩარჩენილი ნავიერაყი📸Asaad Niaziსაცხოვრებელი უბანი გადაღებულია აღმოსავლეთ გუთაში ქიმიური იარაღით თავდასხმის 12 წლისთავის წინა დღეს, რომლის დროსაც ასადის რეჟიმმა ტოქსიკური გაზით 1400-ზე მეტი მშვიდობიანი მოქალაქე იმსხვერპლა დამასკო, სირია📸Bakr Al Kasemმაშველები ცდილობენ ისრაელის საჰაერო დარტყმების შედეგად დაზიანებული სახლის ნანგრევებში მოყოლილი პალესტინელი ქალის გადარჩენასნუსეირტი, ღაზას სექტორი📸Reutersავღანელი ლტოლვილები პაკისტანიდან დაბრუნების შემდეგ ტახტა პულის რეგისტრაციის ცენტრში ჩადიან ყანდაარი, ავღანეთი📸 Sanaullah Seiam

1755714863

ზესტაფონის მუნიციპალიტეტის საკრებულოს თავმჯდომარე და მერობის კანდიდატი „ქართული ოცნებიდან“ ვახტანგ ღამბაშიძე მერად არჩევის შემთხვევაში გეგმავს, რომ დაასრულოს „ქართული ოცნების“ მიერ დაწყებული მნიშვნელოვანი პროექტები.მისი თქმით, მთელ ცოდნას და გამოცდილებას ზესტაფონის განვითარებას და კეთილდღეობას მოახმარს.„ზესტაფონი არის ქალაქი, სადაც დავიბადე და გავიზარდე. ჩემი ქალაქის და მოქალაქეების სიყვარულში ათეული წლებია მონაწილეობას ვიღებ მის კეთილდღეობასა და განვითარებაში. ორი მოწვევის საკრებულოს თავმჯდომარეობის პერიოდში მე მჯერა იმის, რომ დამიგროვდა ის გამოცდილება და ცოდნა, რომელსაც მოვახმარ ჩემს მუნიციპალიტეტს, მის განვითარებასა და კეთილდღეობას. ჩემი პირველი ამოცანა და სურვილი იქნება, ზესტაფონის მუნიციპალიტეტს ჰყავდეს ნაკლები სოციალურად დაუცველი და უსახლკარო ბენეფიციარი. ჯერ კიდევ გამგებლის მოადგილის რანგში ყოფნის დროს შევქმენი პროგრამა, რომელიც მიზნად ისახავდა უსახლკარო ბენეფიციარების საცხოვრისით უზრუნველყოფას. დღესდღეობით ეს პროგრამა ისევ ფუნქციონირებს და ჩემი მიზანია გავაგრძელო მისი განხორციელება. მაქვს სურვილი და ამბიცია იმის, რომ ჩემი მთლიანი რესურსი მოვახმარო ზესტაფონის მოსახლეობის კეთილდღეობას და განვითარებას“, - განაცხადა ვახტანგ ღამბაშიძემ.

1755714643

მოსკოვი თავდაცვის ხარჯების რეკორდული დონის შესანარჩუნებლად გადასახადების გაზრდისა და ხარჯების შემცირებისთვის ემზადება. ამის შესახებ Epravda Reuters-ზე დაყრდნობით წერს. როგორც მედიასაშუალება წერს, უკრაინაში ომის, ნავთობისა და გაზის შემოსავლების შემცირების გამო რუსეთი მზარდი ბიუჯეტის დეფიციტის წინაშე დგას.  „კრემლი სამხედროების დასაფინანსებლად გადასახადების გაზრდას და სოციალური პროგრამების შემცირებას გეგმავს“, - აცხადებენ ოფიციალური პირები და ეკონომისტები. 2025 წელს თავდაცვისა და უსაფრთხოებისთვის დაახლოებით 17 ტრილიონი რუბლია გამოყოფილი - სახელმწიფო ხარჯების 41%, რაც ცივი ომის შემდეგ ყველაზე მაღალი მაჩვენებელია. ამან უკვე გამოიწვია ინფლაციის ზრდა, რეკორდული საპროცენტო განაკვეთები და რეცესიის საფრთხე. ფედერაციის საბჭოს საბიუჯეტო კომიტეტის თავმჯდომარემ ანატოლი არტამონოვმა თქვა: „ჩვენ ნაკლებად კომფორტულად მოგვიწევს ცხოვრება“, რადგან განათლებასა და მედიცინაზე ხარჯები მცირდება.

1755714218

„ჩემი სამუშაო გამოცდილება მთლიანად დაკავშირებულია სამტრედიის მუნიციპალიტეტთან. კარგად ვიცნობ იმ გამოწვევებს, რომლებთანაც ყოველდღიურად გვიწევს გამკლავება. ასევე, კარგად ვიცნობ იმ საქმეს რომელსაც ვემსახურებით“, - ამის შესახებ პარტია „ქართული ოცნება - დემოკრატიული საქართველოს“ სამტრედიის მერობის კანდიდატმა დავით ბახტაძემ განაცხადა, რომელიც 2021 წლიდან სამტრედიის მერია.დავით ბახტაძის თქმით, სამტრედიის მუნიციპალიტეტში მრავალი პროექტი განხორციელდა მისი მერობის პერიოდში, მათ შორის მოეწყო სპორტული ინფრასტრუქტურა და განხორციელდა მრავალბინიანი კორპუსების ფასადის რეაბილიტაცია.„განვლილი პერიოდის განმავლობაში, დაახლოებით ადგილობრივი მნიშვნელობის გზების რეაბილიტაციის მიმართულებით 160 კმ. გზის რეაბილიტაცია განხორციელდა. მრავალბინიანი კორპუსების ფასადების, სახურავების რეაბილიტაცია განხორციელდა. ჩატარდა მასშტაბური სამუშაოები. ასევე, სპორტული ინფრასტრუქტურის მოწყობის მრავალი პროექტი განხორციელდა მუნიციპალიტეტის სხვადასხვა დასახლებაში, 34 სპორტული ინფრასტრუქტურის სპორტული ობიექტი მოეწყო. მათ შორისაა, საცურაო აუზი, ჩოგბურთის კორტები, ღია საკალათბურთო კაუჩუკის საფარიანი მოედნები, მინი საფეხბურთო მოედნები და ა.შ.“ - აცხადებს დავით ბახტაძე.დავით ბახტაძის განცხადებით, სანიაღვრე სისტემის გაუმართაობა ერთ-ერთი მტკივნეული საკითხია მუნიციპალიტეტისთვის, რომლის აღმოსაფხვრელადაც მიმდინარეობს სანიაღვრე სისტემის რეაბილიტაციის სამუშაოები. „სამტრედიის მუნიციპალიტეტში ერთ-ერთ მტკივნეულ საკითხს წარმოადგენს სანიაღვრე სისტემის გაუმართავი მდგომარეობა. რომელთან დაკავშირებითაც მრავალი პროექტი განხორციელდა, ამჟამადაც მიმდინარეობს სანიაღვრე სისტემების სარეაბილიტაციო სამუშაოები და განსაკუთრებული აღნიშვნის ღირსია საქართველოს მთავრობის მხარდაჭერით მიმდინარე სასმელი წყლისა და წყალარინების რეაბილიტაციის მასშტაბური პროექტი, რომელიც, ფაქტობრივად, საუკუნის პროექტია ჩვენი მუნიციპალიტეტისთვის“, - განაცხადა დავით ბახტაძემ.

1755713466

„მეორე ვადით საჩხერის მუნიციპალიტეტის მერობა არის დიდი ნდობაც და რა თქმა უნდა, დიდი პასუხისმგებლობაც. ამას ემატება ისიც, რომ მერობამდე საკრებულოს თავმჯდომარე ვიყავი და კიდევ უფრო ადრე, საკრებულოს ერთ-ერთი კომისიის თავმჯდომარე. ეს მაძლევს საშუალებას ვთქვა, რომ საჩხერეს ვიცნობ ზედმიწევნით, ყველა კუთხეს, ყველა სოფელს, ვიცი ყველა პრობლემა - ბევრი მათგანი გადავწყვიტეთ და ბევრი პროექტი განვახორციელეთ ჩემს გუნდთან, საკრებულოსთან, ჩვენი მაჟორიტარი დეპუტატის, ბატონი პაატას [კვიჟინაძე] მხარდაჭერით“, - ამის შესახებ საჩხერის მუნიციპალიტეტის მერობის კანდიდატმა „ქართული ოცნებიდან“ ლევან ივანაშვილმა განაცხადა.მოქმედი მერის თქმით, ნათელია განსხვავება რამდენიმე წლის წინანდელ და ახლანდელ საჩხერეს შორის. მისი თქმით, გუნდთან ერთად შეძლო, რომ ყველა სოფელში ცენტრალური გზა მოწესრიგებულია, ხოლო მუნიციპალიტეტის 90 პროცენტში უწყვეტი წყალმომარაგებაა. მომდევნო ოთხი წლის მანძილზე, სხვა პროექტებთან ერთად, ივანაშვილი აპირებს, სწორედ დარჩენილი სოფლები უზრუნველყოს 24-საათიანი წყალმომარაგებით და შიდა საუბნო გზების დაგებაზე აქტიურად იზრუნოს. „თვალნათლივ ვნახავთ განსხვავებას, თუ რა იყო საჩხერე რამდენიმე წლის წინ და რა არის დღეს, მაგალითად, თავისუფლების ქუჩა სრულად იქნა რეაბილიტირებული. თამამად შემიძლია ვთქვა, რომ ბევრი პრობლემა გადავწყვიტეთ, მათ შორის, საგზაო ინფრასტრუქტურა. ამ ოთხი წლის განმავლობაში, ჩვენ შევძელით, რომ ყველა სოფელში ცენტრალური გზა მოასფალტებული ან მობეტონებულია და უკვე საუბნო გზებზე გადავედით. ასევე, შემიძლია ვთქვა, რომ საჩხერის მუნიციპალიტეტის 90% წყალმომარაგებით უზრუნველყოფილია და გვრჩება 10 %, რომელსაც ვპირდებით, რომ მომავალ წლებში სრულად უზრუნველვყოფთ წყლით. ასე რომ, არ იქნება საკითხი, რომელიც უცხო იქნება ჩემთვის და ჩემი გუნდისთვის და ვფიქრობ, ჩვენ, ყველანი ერთად, კიდევ ბევრ კარგ საქმეს გავაკეთებთ ჩვენი საჩხერისათვის. ამა თუ იმ სოფელში, ბევრი გზა დავაგეთ, მაგრამ, თუ უშუალოდ მოქალაქესთან სახლამდე არ არის მისული, ეს მაინც პრობლემაა მისთვის, ასე რომ ეს ოთხი წელი იქნება სწორედ საუბნო გზებზე აქტიური მუშაობა და ასევე, როგორც ვთქვი, ის 10 პროცენტი სოფლებისა, რომლებიც დარჩენილია, უნდა უზრუნველვყოთ 24-საათიანი წყალმომარაგებით“, - აღნიშნა ივანაშვილმა.მან ასევე ისაუბრა საჩხერის თანამედროვე სტანდარტების სპორტის სასახლეზე, რომლის მშენებლობა მალე დასრულდება. „საჩხერეში ვიცით, რომ სპორტი ყოველთვის აქტუალური იყო, ამ პატარა მუნიციპალიტეტს ორი ოლიმპიური ჩემპიონი ჰყავს და მათ შორის, ერთი სამგზის ოლიმპიური ჩემპიონია, ვგულისხმობ ჩვენს საამაყო ლაშა ტალახაძეს და არ შეიძლებოდა, რომ საჩხერეში სპორტის სასახლე არ გვქონოდა. დღეს დასრულების ფაზაშია თანამედროვე სტანდარტების სპორტის სასახლე, რომელიც მოიცავს ერთ დიდ და ერთ პატარა სპორტულ მოედანს, იქნება ჭიდაობის სექცია, კალათბურთი, თითქმის ყველა სპორტის სახეობა“, - განაცხადა ლევან ივანაშვილმა.

1755711325

რუსეთის უშიშროების საბჭოს თავმჯდომარის მოადგილემ დიმიტრი მედვედევმა განაცხადა, რომ მოსკოვი უკრაინაში ნატოს ჯარების განლაგების წინააღმდეგია. ამის შესახებ ის X-ზე წერს. „უტვინო გალური მამალი“ უკრაინაში ჯარისკაცების გაგზავნის იდეას ვერ ეშვება. მკაფიოდ ითქვა: სამშვიდობოებად არავითარი ნატოს ჯარები. რუსეთი ასეთ „უსაფრთხოების გარანტიას“ არ დათანხმდება. თუმცა ხრინწიანი, საცოდავი ფრინველი აგრძელებს ყივილს, რათა დაამტკიცოს, რომ საქათმის მეფეა“, - წერს მედვედევი სოციალურ ქსელში.  The brainless Gallic rooster can't let go of the idea of sending troops to 'Ukraine.' It's been explicitly stated: NO NATO troops as peacekeepers. Russia won't accept such a "security guarantee."But the hoarse, pathetic bird continues to crow to prove it's king of the coop. — Dmitry Medvedev (@MedvedevRussiaE) August 20, 2025

1755710119

[ქვეშეთი-კობის] პროექტი არის ერთ-ერთი ყველაზე მნიშვნელოვანი პროექტი, რომელიც ხორციელდება საქართველოში და ძალიან დიდი მნიშვნელობა ექნება მის დასრულებას როგორც სატრანზიტოდ, ისე ადგილობრივი მოსახლეობისთვის. გამოცდილება, რომელიც ზოგადად დამიგროვდა, დარწმუნებული ვარ, რომ ინფრასტრუქტურული პროექტების და სხვადასხვა სამშენებლო აქტივობებისთვის, რომელიც ჩვენს კუთხეში განხორციელდება, გამომადგება, - ამის შესახებ „ქართული ოცნების“ ყაზბეგის მუნიციპალიტეტის მერობის კანდიდატმა კობა გელაძემ განაცხადა.როგორც გელაძემ აღნიშნა, იგეგმება სხვადასხვა სპორტული მოედნისა და ცენტრის გახსნა, მათ შორის, თანამედროვე სტილის სარაგბო მოედნის მოწყობა. მისივე განცხადებით, მუნიციპალიტეტში, ყველა პროექტი განხორციელდება უშუალოდ მოსახლეობასთან კომუნიკაციით.„მხარეთმცოდნეობის მუზეუმის აღდგენა-რეაბილიტაცია უკვე მიმდინარეობს და დასრულების ფაზაშია, ახლა უკვე მიმდინარეობს შიგნით, მექანიკურ-ელექტრო ნაწილის სამუშაოები. ვგეგმავთ სხვადასხვა სპორტული მოედნისა და ცენტრის გახსნას, ერთ-ერთია ყაზბეგის ცენტრალური მოედანი და სამომავლოდ აქ თანამედროვე სტილის სარაგბო სტადიონის მოწყობას ვგეგმავთ. განსახორციელებელი პროექტების გეგმა იქნება უშუალოდ მოსახლეობასთან კომუნიკაციით, მათთან უშუალო კავშირი გვექნება როგორც პროექტის მომზადების, ისე განხორციელების დროს“, - განაცხადა კობა გელაძემ. 

1755709283

„ვაჟა ფშაველას, ჯანგირაშვილის ქუჩების და ცენტრალური მოედნის სარეაბილიტაციო სამუშაოები მიმდინარეობს. კომპლექსური სამუშაოებია, მოიცავს, როგორც: საფუძვლის ქვედა და ზედა ფენის მოწყობის სამუშაოებს, ასევე ტროტუარებს“, - ამის შესახებ პარტია „ქართული ოცნება - დემოკრატიული საქართველოს“ მერობის კანდიდატმა თიანეთის მუნიციპალიტეტში ლევან წიკლაურმა განაცხადა, რომელსაც ადგილობრივთა მხარდაჭერა მერის პოზიციაზე ერთხელ უკვე ჰქონდა.ლევან წიკლაურის თქმით, მუნიციპალიტეტში მოსახლეობისთვის არსებული პრობლემები ეტაპობრივად გვარდება, მათ შორისაა სასმელ წყალთან დაკავშირებული საკითხი, რომელიც მიმდინარე პროექტია და მალე დასრულდება.„პრიორიტეტული იყო სასმელ წყალთან დაკავშირებული პრობლემის მოგვარება, მიმდინარე პროექტია, დაახლოებით ორთვე-ნახევარში დასრულდება. წლების მანძილზე იყო გადაადგილების კუთხით პრობლემა კონკრეტულ ქუჩაზე როგორც ტრანსპორტის, ისე მოქალაქეებისთვის, ამიტომ მიღებულ იქნა გადაწყვეტილება, ქუჩას სრულად ჩატარებოდა რეაბილიტაცია“, - აცხადებს ლევან წიკლაური.