მთავარი

ძიება

ვიდეო

ქვიზები

კონტაქტი

ყველა სიახლე

გივი მიქანაძე
1710841534
გივი მიქანაძე: ოპოზიცია პირწმინდად აგებს 2024 წლის საპარლამენტო არჩევნებს

ოპოზიციამ ძალიან კარგად იცის, რომ პირწმინდად აგებს 2024 წლის საპარლამენტო არჩევნებს, - ამის შესახებ საპარლამენტო უმრავლესობის წევრმა გივი მიქანაძემ პარლამენტის პლენარულ სხდომაზე სიტყვით გამოსვლისას განაცხადა. მიქანაძის თმით, 2024 წლის არჩევნები ზოგიერთი ოპოზიციონერისთვის პოლიტიკური კარიერის დასასრული იქნება. „ჩვენ შემოგვაქვს 3/5-ით არჩევის პირველადი პრინციპი, რაც 90 ხმას გულისხმობს. ოპოზიცია აღიარებს, რომ ეს მოცემულობა ვერ იმუშავებს, რადგან მათთვის ნებისმიერი კანდიდატი მიუღებელია, ვისაც მმართველი გუნდი მხარს დაუჭერს, მიუხედავად იმისა, რამდენად პროფესიონალი და მიუკერძოებელიც არ უნდა იყოს. არც ის უნდა დაგვავიწყდეს, რომ ცესკოში, ისევე როგორც საოლქო და საუბნო კომისიებში, მმართველ ძალას მხოლოდ 1 წარმომადგენელი ჰყავს, ხოლო ოპოზიციას 8 წევრი.ამ ყველაფრის იგნორირება ოპოზიციის მიერ მიზანმიმართულად ხდება, რადგან ოპოზიციამ ძალიან კარგად იცის, რომ პირწმინდად აგებს 2024 წლის საპარლამენტო არჩევნებს და ერთადერთი რაც მათ დარჩენიათ, არის წინასწარ მოახდინონ პროცესის დისკრედიტაცია და ჩვენს საზოგადოებას და დასავლელ პარტნიორებს შეუქმნან აღქმები, თითქოს პროცესი მიდის სამართლიანი არჩევნების საპირისპიროდ.მათ იციან, რომ ლეგიტიმური გზით არჩევნებში გამარჯვების არანაირი შანსი არ აქვთ, უფრო მეტიც, კარგად ხვდებიან, რომ ეს არჩევნები ბევრი მათგანისთვის პოლიტიკური კარიერის დასასრული შეიძლება იყოს, ამიტომ ერთადერთ შესაძლებლობად აქციეს დეზინფორმაცია და შეტევა ცესკოსა და მის მარეგულირებელ კანონმდებლობაზე.მსურს გითხრათ, რომ ფუჭია თქვენი ყოველი მცდელობა. ჩვენ გვაკისრია პასუხისმგებლობა ქვეყნის და საზოგადოების წინაშე, ამიტომ გავაკეთებთ ყველაფერს იმისთვის, რომ უმაღლესი სტანდარტით ჩატარდეს თავისუფალი და სამართლიანი არჩევნები.სწორედ ამიტომ, დღეს ჩვენ დავძლევთ ვეტოს და გავაგრძელებთ ევროპის საუკეთესო პრაქტიკის დანერგვას, ჩვენი ქვეყნისა და საზოგადოების ინტერესების სადარაჯოზე“, - აცხადებს გივი მიქანაძე. 

აშშ-ის 45-ე პრეზიდენტი დონალდ ტრამპი
1710841067
ტრამპს ქონების კონფისკაცია ემუქრება

აშშ-ის პრეზიდენტობის კანდიდატის, დონალდ ტრამპის ადვოკატები ამბობენ, რომ პოლიტიკოსი 464 მლნ. აშშ დოლარის ოდენობის გირაოს ვერ გადაიხდის. ამის შესახებ Deutche Welle იუწყება.სასამართლოს გადაწყვეტილებით, ეს თანხა ტრამპს ჯარიმის სახით დაეკისრა ფინანსური მაქინაციებისთვის. ახლა ტრამპს ნიუ-იორკის სასამართლოს მიერ ქონების ნაწილის კონფისკაცია ემუქრება.ტრამპს ვადა 25 მარტამდე აქვს მიცემული. მან არა მარტო ჯარიმა, არამედ პროცენტებიც უნდა გადაიხადოს. თუ პოლიტიკოსი ამას არ გააკეთებს, ნიუ-იორკის გენერალური პროკურორი მისი ქონების დაპატიმრების პროცედურის დაწყებას შეძლებს.გირაოს გადახდა ასევე იმის წინაპირობაა, რომ ტრამპის ადვოკატების სარჩელი ზედა ინსტანციის სასამართლოში იყოს განხილული, ხოლო განაჩენის გამოტანა აპელაციის განხილვამდე  შეჩერდეს.აშშ-ის ყოფილი პრეზიდენტი და მისი შვილები - დონალდი და ერიკი, ოჯახის ფინანსური იმპერიის ფასის ხელოვნურ გაზრდაში სასამართლომ დამნაშავეებად ცნო. გამოძიების ვერსიით, ეს ტრამპის ოჯახს უკეთესი კრედიტების მიღების და უკეთესი დაზღვევის შესაძლებლობას აძლევდა. დონალდ ტრამპს 355 მლნ დოლარის ჯარიმა დაეკისრა, რასაც პროცენტებიც დაემატა, ხოლო მის შვილებს 4 მლნ დოლარის ჯარიმა და პროცენტები ფინანსური მაქინაციების პერიოდისთვის. ასევე მათ ნიუ-იორკის შტატში კომპანიების მართვა სამი წლით აეკრძალათ.

ექსპერტი ნინო ფოჩხუა
1710841058
ნინო ფოჩხუა: ამერიკული დაფინანსება ჩვენთან დემოკრატიის განვითარებას კი არ ხმარდება, არამედ მის რყევას და საკუთარი ინტერესების გატარებას

„ამერიკული დაფინანსება ჩვენთან დემოკრატიის განვითარებას კი არ ხმარდება, არამედ მის რყევას და საკუთარი ინტერესების გატარებას. თუ ეს ასე არ არის, გაასაჯაროოს საელჩომ ვის და რა მიზნით აფინანსებენ, გახადონ გამჭვირვალე ყველა ფინანსური ტრანში, რათა ქართველმა ხალხმა დაინახოს სტრატეგიული პარტნიორის მიზნები საქართველოში, მაგრამ ეს არ მოხდება, აშშ საელჩო ამას არ იზამს, ეს კი გაამყარებს იმ ეჭვს, რაც სიმართლეს შეესაბამება“, - წერს ექსპერტი ნინო ფოჩხუა სოციალურ ქსელში.ფოჩხუას თქმით, ამერიკისთვის საქართველოს ფუნქცია რუსეთის შეკავებაა, ისევე როგორც უკრაინის, რომელმაც სამწუხაროდ მოაწერა ხელი იმ უბედურებას, რაც დღეს უკრაინაში ხდება, საქართველომ კი არა, ამიტომაც არის, რომ გარეშე მტრები შიდა აგენტურის დახმარებით ცდილობენ არიონ ქვეყანა, მღვრიე წყალში ხომ თევზს უკეთ დაიჭერენ. „უფასო ყველი მხოლოდ სათაგურშიაო, ნათქვამია. აშშ-ის საელჩო ხშირად გვახსენებს იმ 6-მილიარდიან (არა და 4,5-მილიარდია) დახმარებას, რაც საქართველომ მიიღო 30 წლის განმავლობაში, მაგრამ არ აკონკრეტებს რას მოხმარდა ეს დაფინანსება. დღეს რატომ გახდა აქტუალური ამ "საჩუქრის" გახსენება, რუსეთთან ომში ჩართვის საპირწონედ ხომ არა? ნუთუ ვერ ხვდებიან ჩვენი სტრატეგიული პარტნიორები, რომ დღევანდელი ხელისუფლება არ წავა ამაზე 500-მილიარდის საფასურადაც კი. ამერიკისთვის ჩვენი ფუნქცია რუსეთის შეკავებაა, ისევე როგორც უკრაინის, რომელმაც სამწუხაროდ მოაწერა ხელი იმ უბედურებას, რაც დღეს უკრაინაში ხდება, საქართველომ არა, ამიტომაც არის რომ გარეშე მტრები შიდა აგენტურის დახმარებით ცდილობენ არიონ ქვეყანა, მღვრიე წყალში ხომ თევზს უკეთ დაიჭერენ. აბა რას უნდა მივაწეროთ გაშმაგებული ბრძოლა საქართველოს სახელმწიფოსა და ეკლესიაზე, აგენტურული ენჯეოების დაფინანსება და ა.შ. ამერიკული დაფინანსება ჩვენთან დემოკრატიის განვითარებას კი არ ხმარდება, არამედ მის რყევას და საკუთარი ინტერესების გატარებას თუ ეს ასე არ არის, გაასაჯაროოს საელჩომ ვის, რა და რა მიზნით აფინანსებენ, გახადონ გამჭვირვალე ყველა ფინანსური ტრანში, რათა ქართველმა ხალხმა დაინახოს სტრატეგიული პარტნიორის მიზნები საქართველოში, მაგრამ ეს არ მოხდება, აშშ საელჩო ამას არ იზამს, ეს კი გაამყარებს იმ ეჭვს, რაც სიმართლეს შეესაბამება“, - წერს ფოჩხუა Facebook-ზე.

პარლამენტის თავმჯდომარე
1710841019
შალვა პაპუაშვილი ლგბტ პროპაგანდის საწინააღმდეგო პროექტზე - დაიმახსოვრეთ ჩემი სიტყვები, რამდენიმე დღეში ნახავთ სინქრონში ალაპარაკებულ კოორდინირებულ კამპანიას, რომელსაც ერთი დირიჟორი ეყოლება

პასუხიდან გაქცევაც ნიშნავს [ლგბტ] პროპაგანდის მხარეს დადგომას. როგორ ჩანს, ეს არის საერთო ტაქტიკა, რომელიც შეთანხმებულია ოპოზიციას, რამდენიმე ენჯეოს და ზოგიერთ დონორს შორის, რომ ამ საკითხთან დაკავშირებით ელოდებიან მითითებებს, როგორც კი ექნებათ მითითებები, რა ხაზით უნდა შეუტიონ ამ საკითხს, ზუსტად ისევე მოიქცევიან, ნახავთ, როგორ სინქრონში ალაპარაკდება ყველა და როგორ ექნებათ ერთნაირი არგუმენტები - განუცხადა ჟურნალისტებს პარლამენტის თავმჯდომარემ, შალვა პაპუაშვილმა.როგორც პაპუაშვილმა აღნიშნა, მას შემდეგ, რაც ეს ინიციატივა გამოითქვა და მმართველმა გუნდმა მოუწოდა პარტიებს, საკუთარი პოზიცია დაეფიქსირებინათ, უკეთეს შემთხვევაში გაექცნენ პასუხს, უარეს შემთხვევაში პროპაგანდის მხარეს დადგნენ.„უპირველეს ყოვლისა, ჩვენ ვნახეთ, რომ ბოლო ორი კვირის განმავლობაში, მას შემდეგ, რაც ეს ინიციატივა იქნა გამოთქმული ჩვენი მხრიდან და მოვუწოდეთ პარტიებს, საკუთარი პოზიცია დაეფიქსირებინათ, უკეთეს შემთხვევაში გაექცნენ პასუხს, უარეს შემთხვევაში დადგნენ ზუსტად პროპაგანდის მხარეს. ასე რომ, საერთო ჯამში, ამ შემთხვევაში პასუხიდან გაქცევაც ნიშნავს პროპაგანდის მხარეს დადგომას. ვნახეთ, რაც იყო ამის მიზეზი, ესეც გამოვლინდა შემდეგ ერთ-ერთი ენჯეოს კორესპონდენციიდან. როგორც ჩანს, ეს არის საერთო ტაქტიკა, რომელიც შეთანხმებულია ოპოზიციას, რამდენიმე ენჯეოს და ზოგიერთ დონორს შორის, რომ ამ საკითხთან დაკავშირებით ელოდებიან მითითებებს, როგორც კი ექნებათ მითითებები, რა ხაზით უნდა შეუტიონ ამ საკითხს, ზუსტად ისევე მოიქცევიან და ნახავთ თქვენ, როგორ სინქრონში ალაპარაკდება ყველა და როგორ სინქრონში ექნებათ ერთნაირი არგუმენტები. დაიმახსოვრეთ ჩემი სიტყვები, რამდენიმე დღეში ნახავთ სინქრონში ალაპარაკებულ კოორდინირებულ კამპანიას, რომელსაც ერთი დირიჟორი ეყოლება“, - განაცხადა შალვა პაპუაშვილმა. რაც შეეხება შინაარსს, პარლამენტის თავმჯდომარის თქმით, ყველა იხილავს მას შემდეგ, რაც ეს ინიციატივა დარეგისტრირდება. „საჭიროებებთან დაკავშირებით იმიტომაც ვერ ლაპარაკობენ ვერაფერს, რომ ფაქტია, ამის საწინააღმდეგო არგუმენტები არ აქვთ. ფაქტია, რომ ის, რასაც ჩვენ ვხედავთ ზოგიერთ ქვეყანაში და მე არაერთხელ მოვიყვანე მაგალითად, იმ დონეზეა მისული ეს ყველაფერი, ბრიტანეთის პრემიერ-მინისტრსაც კი მოუწია თამამი განცხადების ხაზგასმით გაკეთება, რომ ქალი ქალია და კაცი კაცია. ასეთი ტრუიზმების თქმა რომ უწევს პრემიერ-მინისტრს, ხვდებით, რა დონეზეა იქ მისული დისკუსია. ამიტომ, ჩვენი ამოცანაა, არ მივიდეთ აქამდე, რადგან მერე იქიდან გამოსვლა რთულია. როდესაც ვხედავთ, რა მდგომარეობაა სხვა ქვეყნებში, შესაბამისად, ეს ინიციატივა გაჟღერდება“, - განაცხადა შალვა პაპუაშვილმა.

ექსპერტი ზაალ ანჯაფარიძე Pia.ge
1710840968
ზაალ ანჯაფარიძე: დაიხურა საბოლოოდ ე.წ. „ვეტინგის" თემა, რომელმაც ერთი კარგი საქმე ის გააკეთა, რომ სასამართლოში მოკალათებული „ცალ ფეხზე მდგომთა" კლანი გამოაჭენა

„დაიხურა საბოლოოდ ე.წ. „ვეტინგის" თემა, რომელმაც ერთი კარგი საქმე ის გააკეთა, რომ სასამართლოში მოკალათებული „ცალ ფეხზე მდგომთა" კლანი გამოაჭენა, უფრო სწორად თავად გამოიჭენეს თავი, რადგანაც ასეთი ინსტრუქცია მიიღეს“, - ასე ეხმიანება ექსპერტი ზაალ ანჯაფარიძე საქართველოს პრემიერ-მინისტრის, ირაკლი კობახიძის განცხადებას.ცნობისთვის, ირაკლი კობახიძემ აღნიშნა - „ვეტინგის თემა დახურულია ჩვენთვის, ეს არის შეუსაბამო არა მარტო საქართველოს კონსტიტუციასთან, არამედ ზოგადად, კონსტიტუციურ, სამართლებრივ პრინციპებთან". ანჯაფარიძის განცხადებით, აღნიშნული მოსამართლეების სინქრონული და ხმაშეწყობილი გამოხდომა ქვეყნის კონსტიტუციისა და სუვერენიტეტის წინააღმდეგ იყო მიმართული. მისივე თქმით, დაიძლევა პრეზიდენტის ვეტოც, რაც ცესკოს მისცემს შესაძლებლობას, ნორმალურ რეჟიმში განაგრძოს მუშაობა.„დაიხურა საბოლოოდ ე.წ. "ვეტინგის" თემა, რომელმაც ერთი კარგი საქმე ის გააკეთა, რომ სასამართლოში მოკალათებული "ცალ ფეხზე მდგომთა" კლანი გამოაჭენა, უფრო სწორად თავად გამოიჭენეს თავი, რადგანაც ასეთი ინსტრუქცია მიიღეს. სხვას რას უნდა მივაწეროთ ამ "ათეულის" ასეთი სინქრონული და ხმაშეწყობილი გამოხდომა, თან ქვეყნის კონსტიტუციის და სუვერენიტეტის წინააღმდეგ. მე მგონი ამის მერე მათ ტანზე მოსამართლის მანტია უნდა იწვოდეს და საზოგადოებას უნდა ჰქონდეს ამაზე რეაგირება. დაიძლევა ლეგიტიმაცია დაკარგული "პრეზიდენტის" ვეტო და დასრულდება თავსმოხვეული და ევროპაში ანალოგის არმქონე პრაქტიკა ცესკოში, რომელსაც ბოლოს და ბოლოს შეეძლება ნორმალურ რეჟიმში გააგრძელოს მუშაობა“, - წერს ზაალ ანჯაფარიძე სოციალურ ქსელში.

საგარეო ურთიერთობათა კომიტეტი
1710840512
საგარეო ურთიერთობათა კომიტეტმა ევროპის საბჭოს საპარლამენტო ასამბლეაში საქართველოს პარლამენტის მუდმივმოქმედი დელეგაციისა და კომიტეტის 2023 წლის საქმიანობის ანგარიშები მოისმინა

საგარეო ურთიერთობათა კომიტეტის თავმჯდომარე ნიკოლოზ სამხარაძემ სხდომაზე კომიტეტის 2023 წლის საქმიანობის ანგარიში წარადგინა.„საგარეო პოლიტიკური ამოცანების მისაღწევად, საპარლამენტო დიპლომატიამ არანაკლები როლი ითამაშა, ვიდრე აღმასრულებელმა ხელისუფლებამ. 2023 წელი საგარეო პოლიტიკური კუთხით ჩვენი ქვეყნისთვის იყო წარმატებული და აქედან გამომდინარე, კომიტეტის საქმიანობაც შეგვიძლია წარმატებულად შევაფასოთ“, - განაცხადა ნიკოლოზ სამხარაძემ.მისი ინფორმაციით, საანგარიშო პერიოდის განმავლობაში საგარეო ურთიერთობათა კომიტეტი აქტიურად მუშაობდა საკანონმდებლო და საზედამხედველო საქმიანობის განსახორციელებლად და საპარლამენტო კავშირების გაძლიერებისა და ქვეყნის საგარეო პოლიტიკური ამოცანების მიღწევის მიზნით აქტიურად იყენებდა საპარლამენტო დიპლომატიას. საკანონმდებლო საქმიანობის გარდა, კომიტეტის წევრები აქტიურად მონაწილეობდნენ სხვადასხვა შეხვედრაში, როგორც საქართველოში, ასევე საქართველოს ფარგლებს გარეთ. აგრეთვე, წარმატებით ხორციელდებოდა წინა წლებში დანერგილი ინიციატივა, რომელიც გულისხმობს საქართველოში, საზღვარგარეთის ქვეყნების დიპლომატიური წარმომადგენლობების ხელმძღვანელების პერმანენტულ მოსმენებს კომიტეტის სხდომებზე.ნიკოლოზ სამხარაძის თქმით, 2023 წელს განსაკუთრებული ყურადღება დაეთმო საქართველოსთვის ევროკავშირის კანდიდატი ქვეყნის სტატუსის მინიჭების ხელშეწყობას.„ჩვენი შრომა დაფასდა და საქართველომ მნიშვნელოვან წარმატებას მიაღწია ევროპული ინტეგრაციის გზაზე. იმედი მაქვს, რომ კომიტეტის საქმიანობის მომდევნო წლის ანგარიშის წარდგენისას, კომიტეტის თავმჯდომარე ევროკავშირთან უკვე გახსნილ მოლაპარაკებებზე ისაუბრებს“, - განაცხადა ნიკოლოზ სამხარაძემ.საგარეო ურთიერთობათა კომიტეტმა ევროპის საბჭოს საპარლამენტო ასამბლეაში საქართველოს პარლამენტის მუდმივმოქმედი დელეგაციის 2023 წლის საქმიანობის ანგარიში მოისმინა, რომელიც დელეგაციის ხელმძღვანელმა, გივი მიქანაძემ წარადგინა.ანგარიში ევროპის საბჭოს საპარლამენტო ასამბლეაში საქართველოს პარლამენტის მუდმივმოქმედი დელეგაციის მიერ გაწეულ საქმიანობას, მათ შორის ასამბლეის პლენარული სხდომების მიმდინარეობას, საკომიტეტო მუშაობას, განხორციელებულ ვიზიტებსა და შეხვედრებს ასახავს.მომხსენებლის ინფორმაციით, 2023 წლის განმავლობაში ასამბლეის ფარგლებში განხორციელდა დელეგაციის წევრთა 30 გასვლითი ვიზიტი.საანგარიშო პერიოდში, საქართველოს პარლამენტის დელეგაციის ხელმძღვანელი გივი მიქანაძე ადამიანის უფლებათა ევროპული სასამართლოს გადაწყვეტილებათა აღსრულების ქვეკომიტეტის თავმჯდომარედ აირჩიეს.საქართველოს დელეგაციამ მონაწილეობა მიიღო წლის განმავლობაში გამართულ ოთხივე სესიის მუშაობაში, რომელთა უდიდესი ნაწილი მიეძღვნა უკრაინის საკითხებს, ადამიანის უფლებების დარღვევებს.„საქართველომ მხარი დაუჭირა ყველა რეზოლუციას, რომელიც უკრაინასთან მიმართებაში შემუშავდა“, - განაცხადა გივი მიქანაძემ.მისივე ინფორმაციით, დელეგაციის წევრები მნიშვნელოვან ორმხრივ შეხვედრებს მართავდნენ, რათა საქართველოს პოზიციები კიდევ უფრო განმტკიცებულიყო და საქართველოში მიმდინარე რეფორმები აქტიურად აღნიშნულიყო.საანგარიშო პერიოდში საქართველოს ეწვია ევროპის საბჭოს მონიტორინგის მისია, რომელმაც შეხვედრები გამართა საპარლამენტო უმრავლესობის და ოპოზიციის წარმომადგენლებთან.სხდომაზე სარატიფიკაციოდ წარმოდგენილი დოკუმენტები განიხილეს, რომელიც რეგიონული განვითარებისა და ინფრასტრუქტურის მინისტრის მოადგილემ მზია გიორგობიანმა წარადგინა.მისი ინფორმაციით, „2013 წლის 19 დეკემბრის „საქართველოსა და აზიის განვითარების ბანკს შორის სასესხო ხელშეკრულების (სპეციალური ოპერაციები) (ურბანული მომსახურების გაუმჯობესების საინვესტიციო პროგრამა - პროექტი 3)“ N5 ცვლილების“ წერილ-შეთანხმების მიზანია გამოუყენებელი სესხის თანხის სრული მოცულობით გადატანა ფოთში მიმდინარე პროექტის დანაკლისის შესავსებად.სხდომაზე ასევე განიხილეს „2015 წლის 26 ოქტომბრის „საქართველოსა და აზიის განვითარების ბანკს შორის სასესხო ხელშეკრულების (ჩვეულებრივი ოპერაციები) (ურბანული მომსახურების გაუმჯობესების საინვესტიციო პროგრამა - პროექტი 5)“ და „2015 წლის 26 ოქტომბრის „საქართველოსა და აზიის განვითარების ბანკს შორის სასესხო ხელშეკრულების (სპეციალური ოპერაციები) (ურბანული მომსახურების გაუმჯობესების საინვესტიციო პროგრამა - პროექტი 5)“ N5 ცვლილების“ წერილ-შეთანხმება.მომხსენებლის ინფორმაციით, საქართველოს სხვადასხვა ურბანულ დასახლებაში განხორციელებული წყალმომარაგების პროექტებიდან დარჩენილი, გამოუყენებელი თანხები ფოთის წყალარინების სისტემის დასასრულებლად იქნება მიმართული.

დეპუტატი
1710840340
ეკა სეფაშვილი: „ნაცმოძრაობის“ საქმიანობა არის ქვეყნის ღალატის დაუსრულებელი ქრონიკა, ასე რომ, „ხალხის ძალის“ ერთ-ერთი ვალი და ამოცანა იქნება, რომ „ნაცმოძრაობა“ და მისი განშტოებები გასამართლდნენ

„გუშინ დაფუძნდა პოლიტიკური პარტია „ხალხის ძალა“, თუმცა ჩვენი მანდატი იგივე დარჩა. ჩვენ ისევ გავაგრძელებთ მოსახლეობის სიმართლით შეიარაღებას და იმ წითელი ხაზების დაცვას, რაც მნიშვნელოვანია ჩვენი ხალხისა და ქვეყნისათვის“, - ამის შესახებ პოლიტიკური პარტია „ხალხის ძალის“ წევრმა, დეპუტატმა ეკა სეფაშვილმა განაცხადა პარლამენტის პლენარულ სხდომაზე.ეკა სეფაშვილმა აღნიშნა, რომ „ხალხის ძალის“ ერთ-ერთი მისია იქნება „ნაციონალური მოძრაობის“ პოლიტიკურად გასამართლება.„მინდა გამოვეხმაურო „ნაციონალური მოძრაობისა“ და მათი განშტოებების რიტორიკას, რომელიც დღესაც გაჟღერდა და აღვნიშნო, რომ მათი რიტორიკა საუკეთესო შემთხვევაში აგებულია ტყუილზე და როგორც წესი, მიზნად ისახავს ქვეყნის მავნებლობას. მათ საქმიანობას თუ გადავხედავთ, ეს არის ქვეყნის ღალატისკენ მიმართული დაუსრულებელი ქრონიკა. ასე რომ, ჩვენი ერთ-ერთი ვალი და ამოცანა იქნება, რომ „ნაციონალური მოძრაობა“ და მისი ის განშტოებები გასამართლდნენ, რომლებიც თავს ცალკეულ პოლიტიკურ პარტიებად ასაღებენ („ლელო“ იქნება ეს, გახარია, „გირჩი“ თუ ა.შ).ეს ხალხი ცდილობს ქვეყანას ავნოს, ქვეყანაში მშვიდობას, სტაბილურობასა და განვითარებას ხელი შეუშალოს. მათი ნარატივი თავიდან ბოლომდე აგებულია ტყუილზე, ფაქტებით მანიპულაციასა და დემაგოგიაზე. მათი გასამართლება მთელი საზოგადოების ინტერესშია იმიტომ, რომ ის რეჟიმი, რომელმაც სისტემურ დანაშაულებს ჩაუყარა საფუძველი, მავნებლობას დღემდე აგრძელებს და დღემდე ცდილობს ქვეყანას ავნოს იმ ტყუილი განცხადებებით, როგორიცაა, რომ თითქოს ქვეყანაში შავი ხვრელია სანქციებიდან თავის არიდების მცდელობისთვის, მაშინ, როდესაც დიდი ბრიტანეთის, აშშ-ისა და ევროკავშირის მაღალჩინოსნების მიერ ჩატარებული კვლევების შედეგად, აბსოლუტურად და ცალსახად დადგინდა, რომ საქართველო სანქციებს გვერდს არ უვლის და არც სხვას აძლევს ამის საშუალებას.ცდილობენ ფაქტებით მანიპულირებასა და ქვეყნის ომში ჩართვას სხვადასხვა დემაგოგიისა და ტყუილის გავრცელების გზით. ისეთით, როგორიცაა, თუნდაც, ხალხის გაჭირვებაზე აპელირება და ვითომდა მათ გასაჭირზე წუხილი. სინამდვილეში, მათ არც ქვეყნის განვითარება და არც ხალხის გასაჭირი ადარდებთ. ერთადერთი, რაც მათ აინტერესებთ, არის ხელისუფლების ძალისმიერი მეთოდებით შეცვლა იმიტომ, რომ ლეგიტიმურად, არჩევნების გზით მათ არანაირი შანსი არ აქვთ ხელისუფლება შეცვალონ.ასე რომ, ჩვენი პარტიის ერთ-ერთი მნიშვნელოვანი ამოცანა იქნება ამ რეჟიმის გასამართლება. არჩევნებამდე მოხდება ეს თუ არჩევნების შემდეგ, ეს დამოკიდებული იქნება სალომე ზურაბიშვილის ქმედებაზე, შეიწყალებს თუ არა მიხეილ სააკაშვილს, ანუ, დაავალებენ თუ არა მიხეილ სააკაშვილის შეწყალებას. უნდა დამთავრდეს ეს ტყუილი, რომელიც ქვეყნის არევისკენ არის მიმართული და ქვეყანაში უნდა ჩამოყალიბდეს რეალური ოპოზიცია, რომელსაც მართლა აინტერესებს ქვეყნის განვითარება და იმ სოციალურ განვითარებასა და ხარისხის გაუმჯობესებაზე იზრუნებს, რომელსაც „ქართული ოცნების“ პოლიტიკა ჩვენთან ერთად განსაზღვრავს და ახორციელებს.ქვეყანაში რეალური ოპოზიცია უნდა ჩამოყალიბდეს, რომელთანაც არგუმენტირებული, ფაქტებზე დაფუძნებული და საგნობრივი დისკუსია გვექნება, იმის შესახებ, თუ როგორ განვითარდეს ქვეყანა უკეთესად და როგორ შევინარჩუნოთ მშვიდობა, სტაბილურობა და როგორ ავამაღლოთ ქვეყნის კეთილდღეობა“, - განაცხადა ეკა სეფაშვილმა.

დემოკრატიული ცვლილებების ცენტრის ხელმძღვანელი დავით ჩიხელიძე Pia.ge
1710840268
„NATO-მ უნდა დაინახოს და დააფასოს მსხვერპლი, რომელიც საქართველომ მსოფლიო მშვიდობისთვის გაიღო“ - დავით ჩიხელიძე

დემოკრატიული ცვლილებების ცენტრის ხელმძღვანელი დავით ჩიხელიძე NATO-ს გენერალური მდივნის, იენს სტოლტენბერგის საქართველოში ვიზიტს ეხმაურება. მისი თქმით, საქართველოსთვის „ნატოს ღია კარი დაკეტილია“ და პროცესი სიტყვებს ვერ გაცდა.„საქართველოსთვის ნატო-ს გენერალური მდივნის იენს სტოლტენბერგის ვიზიტი და მხარდაჭერა მნიშვნელოვანია, მისმა ვიზიტმა ხაზი გაუსვა საქართველოს როგორც ნატოს სტრატეგიული პარტნიორის როლს და მნიშვნელობას, სტუმრის განცხადებით საქართველო აუცილებლად გახდება ნატოს წევრი და ალიანსი აფასებს საქართველოს კონტრიბუციას, რომელიც ნატოს არაწევრ ქვეყნებს შორის ყველაზე მაღალია. სტოლტენბერგმა ყურადღება რამდენიმე საკითხზე გაამახვილა, მათ შორის რეფორმებზე, საპარლამენტო არჩევნებზე და შავი ზღვის აუზზე, როდესაც ჩვენ 2024 წლის საპარლამენტო არჩევნების გამჭვირვალობაზე და სამართლიან ჩატარებაზე ვსაუბრობთ ნიშნავს, რომ არ ვიცნობთ საქართველოში ჩატარებულ ბოლო არჩევნებს, არ ვიცნობთ მის შეფასებებს და ა.შ. საქართველო დიდი ხანია აღარ არის ავტორიტარული სახელმწიფო, როდესაც არჩევნები ფორმალობა იყო, დღეს არჩევნები თავისუფალ გარემოში ტარდება, აღნიშნულს ადასტურებს საერთაშორისო სადამკვირვებლო ორგანიზაციების ანგარიშები, შესაბამისად შეხსენება რომ არჩევნები სამართლიანად ჩატარდეს არა პარტნიორული და არასაჭიროა.რაც შეეხება შავი ზღვის აუზს, როგორც ვხედავთ, საქართველოსთვის ნატოს ღია კარი დაკეტილია, პროცესი სიტყვებს ვერ გაცდა. შესაბამისად შავი ზღვა არის შესაძლებლობა დაჩქარდეს საქართველოს ნატოში გაწევრიანების პროცესი, რადგან ნატოსთვის და დასავლეთისთვის შავ ზღვაზე გავლენის გაძლიერება სასიცოცხლოდ მნიშვნელოვანია, საქართველო მზად არის ნატოში გაწევრიანებისთვის შემდგომი ნაბიჯები გადადგას. ნატომ უნდა დაინახოს და დააფასოს მსხვერპლი, რომელიც საქართველომ მსოფლიო მშვიდობისთვის გაიღო და დღემდე იღებს“, - წერს ჩიხელიძე Facebook-ზე. 

პარლამენტი
1710840189
პარლამენტის ბიურომ 19-22 მარტის პლენარული სხდომების დღის წესრიგი განსაზღვრა

საქართველოს პარლამენტის ბიურომ 19-22 მარტის პლენარული სხდომების დღის წესრიგი განსაზღვრა.პარლამენტის თავმჯდომარის, შალვა პაპუაშვილის ინფორმაციით, კენჭსაყრელ საკითხებს ადამიანის უფლებათა დაცვისა და სამოქალაქო ინტეგრაციის კომიტეტის თავმჯდომარედ რატი იონათამიშვილის არჩევის საკითხი დაემატა.ფრაქცია „ქართული ოცნების“ ინფორმაციით, ფრაქციის სხდომაზე მიიღეს გადაწყვეტილება ფრაქციის თავმჯდომარის თანამდებობიდან რატი იონათამიშვილის გადადგომის და ფრაქციის თავმჯდომარედ მამუკა მდინარაძის არჩევის შესახებ, რომელიც ასევე შეითავსებს საპარლამენტო უმრავლესობის ლიდერის სტატუსს.ცვლილებებია განსახილველ საკითხებშიც, დღის წესრიგს რამდენიმე სხვა საკითხთან ერთად, „საარჩევნო კოდექსში“ შეტანილ ცვლილებასთან დაკავშირებით პრეზიდენტის მიერ წარმოდგენილი მოტივირებული შენიშვნების განხილვა დაემატა.ბიურომ, ასევე, მიიღო გადაწყვეტილება რამდენიმე კანონპროექტის განხილვის ვადის გაგრძელების შესახებ და დაამტკიცა ხაზინადართა საბჭოს გადაწყვეტილებები.

თურქეთის საგარეო საქმეთა მინისტრი
1710840029
თურქეთის საგარეო საქმეთა სამინისტრო იმედოვნებს, რომ უკრაინაში ომი 2025 წელს დასრულდება

თურქეთი იმედოვნებს, რომ რუსეთის ომი უკრაინის წინააღმდეგ 2025 წელს დასრულდება და ეს წელი კიევისთვის მშვიდობიანი იქნება, - ამის შესახებ თურქეთის საგარეო საქმეთა მინისტრმა ჰაკან ფიდანმა განაცხადა.„ეს წელი რთულია, 2025 წელს მშვიდობის იმედი გვაქვს“, აღნიშნა თურქეთის საგარეო საქმეთა მინისტრმა.მან აღნიშნა, რომ ომი უნდა შეწყდეს.„პირველ რიგში, ჩვენ ვართ ერთ-ერთი ქვეყანა, რომელიც მშვიდობისკენ მოუწოდებს ქვეყნებს. ეს ომი ახლა უნდა შეწყდეს“, - განაცხადა ფიდანმა. მისი თქმით, რუსეთის ომი უკრაინის წინააღმდეგ ომში გადაიზარდა და ორივე მხარე დანაკარგს განიცდის.„ჩვენ შეშფოთებულები ვართ ამ სიტუაციით. არსებობს ომის გავრცელების რისკი მთელ რეგიონში. ევროპა უფრო მეტად უნდა იყოს შეშფოთებული უკრაინაში არსებული სიტუაციით, ვიდრე ჩვენ“, - დასძინა მინისტრმა.

არტირელია
1710839248
ფრონტზე 61 საბრძოლო შეტაკება მოხდა - უკრაინის გენშტაბი

გასულ დღეს ფრონტზე 61 საბრძოლო შეტაკება მოხდა რუსეთის საოკუპაციო ძალებსა და უკრაინის თავდაცვის ძალებს შორის, - იტყობინება უკრაინის გენერალური შტაბი.გენშტაბის ცნობით, კუპიანსკის მიმართულებით მოწინააღმდეგემ 3 წარუმატებელი თავდასხმა განახორციელა თავდაცვის ძალების პოზიციებზე ხარკოვის ოლქის სინკივკას დასახლების მიდამოში. ლიმანის მიმართულებით უკრაინელმა დამცველებმა მოიგერიეს დამპყრობლის 4 თავდასხმა დონეცკის ოლქის დასახლებაში, სადაც ოკუპანტი ცდილობდა გაერღვია უკრაინული ჯარების თავდაცვა.ბახმუტის მიმართულებით უკრაინელმა დამცველებმა მოიგერიეს დამპყრობლის 7 თავდასხმა. კიდევ 9 მოწინააღმდეგის შეტევა მოიგერიეს ავდეევკის მიმართულებით.„ნოვოპავლოვსკის მიმართულებით თავდაცვის ძალები აგრძელებენ მოწინააღმდეგის შეკავებას დონეცკის ოლქის კრასნოგორივკას, გეორგიივკას, ნოვომიხაილოვკას, ვოდიანეს და რაიონებში, სადაც მოწინააღმდეგემ, ავიაციის მხარდაჭერით, 25-ჯერ სცადა თავდაცვის გარღვევა“ - აცხადებენ გენერალურ შტაბში.

პარლამენტის თავმჯდომარე
1710839241
შალვა პაპუაშვილი: ბურთი დიდი ხანია, ნატოს მხარეს არის და ჩვენ ველოდებით, რომ იქნება რეალური მიზნები და გეგმები წარმოდგენილი ისევე, როგორც ეს ხდება ევროკავშირის შემთხვევაში

ნატოს გენერალური მდივნის ვიზიტი საქართველოში და მთლიანად რეგიონში ძალიან მნიშვნელოვანია. სულ ცოტა ხნის წინ საქართველოს პრემიერ-მინისტრი იმყოფებოდა ბრიუსელში, ნატოს შტაბ-ბინაში და, რა თქმა უნდა, ასე მოკლე ხანში საპასუხო ვიზიტი ჩვენი ურთიერთობების განსაკუთრებული ხასიათის მნიშვნელოვანი ხაზგასმაა, – ამის შესახებ პარლამენტის თავმჯდომარემ, შალვა პაპუაშვილმა მედიასთან განაცხადა.პაპუაშვილის თქმით, საქართველოს ნატოსგან შემდგომ ნაბიჯებს ელოდება. „ამავე დროს, ჩვენ ისიც უნდა ვთქვათ, რომ საქართველო, უკვე დიდი ხანია, არის მზად იმისთვის, რომ გადავიდეს გაწევრიანების შემდეგ ეტაპზე, ისევე როგორც ევროკავშირში, ნატომაც აიღოს მაგალითი ევროკავშირისგან და საქართველოს დაუსახოს რეალური გეგმა, რეალური მიზნები, რომლითაც ჩვენ გვეცოდინება, რომ ამ მიზნებს თუ მივაღწევთ, ამ შემთხვევაში იქნება გაწევრიანება. ასე რომ, საქართველო, როგორც დემოკრატიული ინსტიტუტების მშენებლობის მხრივ, მზად არის და შეგახსენებთ, რომ ყველა საერთაშორისო რეიტინგების მიხედვით, ჩვენ საშუალოდ 5-დან 10-მდე ნატოს წევრ ქვეყანას ვუსწრებთ როგორც კორუფციის ნაკლებობის, ისე დემოკრატიული განვითარების, ბიზნესის წარმოების სიმარტივით. რაც შეეხება საქართველოს შეიარაღებული ძალების თავსებადობას, აქაც აბსოლუტურად თავსებადია. ჩვენი შეიარაღებული ძალების დაახლოებით 80%-ს ნატოს ჯარებთან ერთად წვრთნების სხვადასხვა სახის გამოცდილება აქვს, მათ შორის, საბრძოლო ამოცანების შესრულების. აქედან გამომდინარე, არის სრული თავსებადობა. ასე რომ, ბურთი დიდი ხანია, უკვე ნატოს მხარეს არის და ჩვენ ველოდებით, რომ იქნება რეალური მიზნები და გეგმები წარმოდგენილი ისევე, როგორც ეს ხდება მაგალითად ევროკავშირის შემთხვევაში“, – განაცხადა პაპუაშვილმა.

••• იტვირთება