ანალიტიკა

„ივანიშვილს ერთი სული ჰქონდა გაცლოდა პოლიტიკას“ - რამაზ საყვარელიძე

პოლიტოლოგი ექსპერტი
რამაზ საყვარელიძე
1610355329
დაკოპირებულია

ექსპერტი პოლიტიკის საკითხებში რამაზ საყვარელიძე ახალი ამბების სააგენტო Pia.ge-სთან „ქართული ოცნების“ თავმჯდომარის ბიძინა ივანიშვილის წერილსა და პოლიტიკიდან მისი წასვლის შესახებ გაკეთებულ განცხადებას აფასებს. 

პოლიტოლოგის თქმით, ბიძინა ივანიშვილს „ერთი სული ჰქონდა პოლიტიკას გაცლოდა“.

რამაზ საყვარელიძე ამბობს, რომ პოლიტიკის დატოვება ყოველთვის იდგა ივანიშვილისთვის დღის წესრიგში.

„ზოგადი შეფასება ასეთია, ივანიშვილმა გაიხსენა კიდეც ის პერიოდი, როდესაც ხელისუფლებაში მოდიოდა. კონკრეტულად გაიხსენა ის ფრაგმენტი, როდესაც მას უთხრეს, რომ „აჰა ახლა ქვეყანას შენ მოუარე“.

მე თავად ვიყავი ანალოგიური დიალოგების მოწმე, მაშინაც მისი პოზიცია იყო, რომ ძირითად ამოცანად მიიჩნევდა „ნაციონალური მოძრაობის“ ხელისუფლებიდან ჩამოშორებას სააკაშვილის ხელმძღვანელობით, დემოკრატიული მექანიზმების შემუშავებას. ამბობდა კიდეც, 2-3 წელიო და მერე წავალო.

ეს „მერე წასვლა“ ყოველთვის იდგა მისი პოლიტიკაში ყოფნის უკან. ასე ვთქვათ, ერთი სული ჰქონდა გაცლოდა პოლიტიკას. ამბობდა კიდევ, რომ „პოლიტიკა ჩემთვის უფრო რთული სფერო არ არისო“.

ამიტომ, ის ფაქტი, რომ დღეს გამოაქვეყნა ეს წერილი, ჩემთვის გასაკვირი არაფერი მომხდარა. ეს ადამიანი სულ ცდილობდა, რომ გაცლოდა პოლიტიკას და მთელი ის ბრალდება, რომ არიქა ძალაუფლებას არ უშვებს ხელსო, არაადეკვატური ბრალდებაა. მისი ადრინდელიც და ახლანდელიც ნაბიჯი ამის დასტურია.

რაც შეეხება იმას, რომ 3 წელიწადზე მეტ ხანს გაძლო მან ამ პოლიტიკაში, სწორედ იმიტომ რომ, აღმოჩნდა, რომ ის პრობლემები, რომელთა გადაჭრასაც ის ვარაუდობდა, ეს პრობლემები არ იყო სამ წელიწადში მოგვარებადი და ამიტომ მართლაც მოუწია გაცილებით უფრო მეტ ხანს ყოფნა პოლიტიკაში“, - აცხადებს საყვარელიძე.

მისივე თქმით, ივანიშვილს მიაჩნია, რომ ძირითადი საკითხები გადაწყვეტილია, კერძოდ საზოგადოების დამოკიდებულება პოლიტიკის მიმართ.

ხაზს ვუსვამ, რომ მესამე ვადით აირჩია „ოცნება“ საზოგადოებამ. მას მიაჩნია, რომ ძირითადი საკითხები გადაწყვეტილია, კერძოდ საზოგადოების დამოკიდებულება პოლიტიკის მიმართ. მისთვის მისია ძირითადად იყო, რომ საზოგადოების არჩევანი უმრავლეს შემთხვევაში ყოფილიყო ისეთი, რაც დიქტატურას არ შეუწყობდა ხელს.

განვლილმა პერიოდმა აჩვენა, რომ მოსახლეობამ არცერთ არჩევნებზე ხელისუფლებასთან მიახლოების საშუალებაც კი არ მისცა „ნაციონალურ მოძრაობას“.

ივანიშვილმა ჩათვალა, რომ რახან ასე მოხდა, ესე იგი საზოგადოების პოლიტიკური კულტურა უკვე არის იმ დონეზე, რომ მისი აუცილებლობა პოლიტიკაში ყოფნისა, ამოწურულია.

ეს მომენტი გამოიყენა იმის არგუმენტად, რომ ჰქონდეს საშუალება დაუბრუნდეს მისთვის ჩვეულ ცხოვრების წესს და რომელიც 2011 წლამდე ჰქონდა.

კითხვაზე არსებობს თუ არა იმის შესაძლებლობა, რომ ივანიშვილი კვლავ დაბრუნდეს ქართულ პოლიტიკაში რამაზ საყვარელიძე ამბობს, რომ ეს დამოკიდებული იქნება იმაზე, თუ როგორი პოლიტიკური სიტუაცია იქნება ქვეყანაში.

„ამერიკულმა რეალობამ ბაიდენის არჩევნებთან დაკავშირებით რაც დატრიალდა, გვანახა რომ უდიდესი დემოკრატიული ტრადიციების მქონე ქვეყანაც კი შეიძლება აირიოს. ამდენად, იმის იმედად ყოფნა, რომ უკვე შედგა რაღაც ტრადიცია და ამ ტრადიციის ფონზე აღარაფერი შეიცვლება, ამერიკის არჩევნების ფონზე მე მგონი არ არის ზუსტი. დემოკრატია ისეთი ჭირვეული რამ არის, რომ მას ყოველთვის დასჭირდება დახმარება იმისა, რომ საზოგადოება ჩადგეს დემოკრატიული ცნობიერების კალაპოტში.

არ შეიძლება ლაპარაკი იმაზე, რომ დამთავრდა მშენებლობა და საძირკველი ჩაყრილია. ამ საძირკველსაც მოვლა უნდა. ივანიშვილმა ჩათვალა, რომ უკვე შეიქმნა ის ჯგუფები, რომლებიდანაც წარმოიშვება დემოკრატიის მომვლელთა ახალი თაობები.

ამიტომ დიდი აქცენტი აქვს გადატანილი იმაზე, რომ გაჩნდება რაციონალური, ხალხისთვის მისაღები ახალი პოლიტიკური ძალები, რომლებიც ოპოზიციაში გადაიყვანენ „ქართულ ოცნებას“.

ასეთი საფუძვლის შექმნა, რომ იყოს პოლიტიკურ თაობათა მონაცვლეობა, ეს არის მისთვის მიღწევა და არა ის, რომ აშენდა დემოკრატია და დამთავრდა. დემოკრატიის მშენებლობა არასოდეს მთავრდება. ამიტომ თქვენი კითხვა, მობრუნდება თუ არა პოლიტიკაში, გააჩნია ქვეყანაში რა სიტუაცია იქნება.

ამერიკული სურათი გვიჩვენებს, რომ შეიძლება ნებისმიერ ქვეყანას შეიძლება დაუდგეს პერიოდი, როდესაც ამ ქვეყნის ყველა ძალა უნდა იყოს მობილიზებული სტაბილურობის შესანარჩუნებლად, თუკი ასეთ ძალებში აღმოჩნდება ივანიშვილი, ალბათ ყველა ადამიანი იქნება საჭირო, ვისაც შეუძლია ქართულ პოლიტიკაზე გავლენის მოხდენა“, - დასძინა საყვარელიძემ.

ინფორმაციისთვის, მმართველმა გუნდმა დღეს ბიძინა ივანიშვილის ვრცელი წერილი გამოაქვეყნა. ივანიშვილი ამბობს, რომ ის პოლიტიკიდან მიდის.

აგრეთვე დაგაინტერესებთ:

✔️ ბიძინა ივანიშვილი პოლიტიკიდან მიდის

✔️ „ივანიშვილმა მთელი პასუხისმგებლობა საკუთარ პოლიტიკურ გუნდს დააკისრა“ - ხატია დეკანოიძე

პარლამენტის შენობა

პარლამენტში დღეს 49 ოპოზიციონერი დეპუტატ...

პარლამენტის საპროცედურო საკითხთა კომიტეტის სხდომაზე დღეს 49 ოპოზიციონერი დეპუტატისთვის უფლებამოსილების შეწყვეტის საკითხს განიხილავენ. 

„მობილობის შემცირების ტერმინი საზოგადოებას ხშირად არ ესმის ხოლმე. ეს ნიშნავს იმას, რომ ერთი ოჯახისა და ერთი სამსახურის წარმომადგენლები, რომლებსაც ერთმანეთთან მჭიდრო კონტაქტი აქვთ, რაც შეიძლება ნაკლებად უნდა შეხვდნენ სხვა ოჯახისა და სხვა სამსახურების წარმომადგენლებს“, - ამის შესახებ დაავადებათა კონტროლის ეროვნული ცენტრის დირექტორის მოადგილემ პაატა იმნაძემ განაცხადა. 

1611820080

როდესაც დადებითობის მაჩვენებელი გვექნება 4%, 7 დღის განმავლობაში, ჩვენ უფრო თამამად, ფრთხილად, მაგრამ გონივრულად შეგვეძლება ეკონომიკის გახსნა, - ამის შესახებ საქართველოს პრემიერ-მინისტრმა გიორგი გახარიამ, მთავრობის სხდომაზე განაცხადა.

1611820057

მიზანი, რომელსაც ჩვენ ვისახავთ, რომ სახელმწიფო საწარმოების მართვა იყოს კორპორატიული მართვის საუკეთესო პრაქტიკების და მაგალითების დონეზე, ეს არ არის მხოლოდ ჩვენი სურვილი, ეს არის აუცილებლობა, გამოწვეული იმ ეკონომიკური მდგომარეობით, რომელშიც დღეს ქვეყანა იმყოფება და რომელსაც გლობალური ეკონომიკური კრიზისი ჰქვია, - ამის შესახებ საქართველოს პრემიერ-მინისტრმა გიორგი გახარიამ, მთავრობის სხდომაზე განაცხადა.

1611819719

ოკუპირებული აფხაზეთის გაგრის და ოჩამჩირის რაიონებში კვლავ ტყის ხანძარი იყო. სააგენტო „სპუტნიკის“ ცნობით, მისმა ფართობმა 40 ჰექტარი შეადგინა.  

1611819079
პრემიერ-მინისტრი

გიორგი გახარია: გამზადებულია მთავრობის დადგენ...

„კიდევ ერთი საკითხი, რომელზეც ჩვენ დღეს უნდა ვიმსჯელოთ, ეხება საქართველოს მთავრობის სტრუქტურაში გარკვეული ცვლილებების შეტანას. უკვე ყველა ტექნიკური სამუშაო დასრულებულია და გამზადებულია მთავრობის დადგენილება, რომ განათლების სამინისტროდან გამოიყოს კულტურა, სპორტი და ამას დაემატება ახალგაზრდობის მიმართულება“, - ამის შესახებ საქართველოს პრემიერ-მინისტრმა გიორგი გახარიამ მთავრობის სხდომაზე განაცხადა. 

კახა კუჭავა: ევროსაბჭოს საპარლამენტო ასა...

„ევროპის საბჭოს საპარლამენტო ასამბლეაში რუსეთის დელეგაციისთვის უფლებამოსილების ცნობასთან დაკავშირებით ერთი წლის თავზე კვლავ ხდება საკითხის დაყენება.  ჩვენი მეგობარი ქვეყნების წარმომადგენლებთან, დეპუტატების გარკვეულ ჯგუფებთან ერთად, ჩვენ ვაპირებთ კითხვის ნიშნის ქვეშ დავაყენოთ მათი უფლებამოსილების საკითხი.

რაც ყველაზე მთავარია ჩვენ გვაქვს ძალიან ძლიერი არგუმენტები მათ შორის, არა მხოლოდ ოკუპირებული ტერიტორიები არამედ, ადამიანის უფლებათა დარღვევები, რომელსაც ადგილი აქვს, ადამიანის უფლებათა სასამართლოს გადაწყვეტილებების აღსრულება, რომელთა ძვრა ჯერ-ჯერობით არ არის“, - ამის შესახებ ევროპის საბჭოს საპარლამენტო ასამბლეაში ქართული დელეგაციის წარმომადგენელმა, კახა კუჭავამ განაცხადა. 

რუსთავში ყაჩაღობის ფაქტზე 2 პირი დააკავე...

პოლიციამ რუსთავში 1993 წელს დაბადებული, ამჟამად ძარცვისთვის პირობითი მსჯავრის ქვეშ მყოფი მ.გ. და 1980 წელს დაბადებული დ.ხ. ჯგუფურად ჩადენილი ყაჩაღობის ბრალდებით დააკავა.

სუპერმარკეტის თანამშრომლის დაჭრის ფაქტზე...

პოლიციამ სუპერმარკეტ „ნიკორას“ თანამშრომლის დაჭრის ფაქტზე ერთი პირი დააკავა.