ანალიტიკა

სალუქვაძე სომხეთ-აზერბაიჯანის დაპირისპირებაზე: გაცილებით მძაფრი დაპირისპირება იქნება ვიდრე იყო წინა შემთხვევაში

ამირან სალუქვაძე -
ექსპერტი სამხედრო
პოლიტიკურ საკითხებში.
1601206316
დაკოპირებულია

ანალიტიკოსი, ექსპერტი ამირან სალუქვაძე ახალი ამბების სააგენტო Pia.ge-სთან სომხეთ-ახერბაიჯანს შორის მიმდინარე მწვავე სამხედრო მოვლენებს აფასებს.

ანალიტიკოსის თქმით, ბოლო ათწლეულის განმავლობაში საერთაშორისო საზოგადოების ჩარევით ხერხდებოდა აზერბაიჯან-სომხეთის დაპირისპირება მასშტაბურ საომარ მოქმედებაში არ გადაზრდილიყო.

ამირან სალუქვაძე ამბობს, რომ ამ ეტაპზე საქმე ბევრად უფრო სერიოზულად არის, ვიდრე წლების წინ.

„ეს არ არის პირველი დაპირისპირება. ბოლო წლების განმავლობაში პერიოდულად იღვიძებს ხოლმე ეს კონფლიქტი, რომელიც თავის დროზე გაყინული არ ყოფილა, რადგან გაყინვა ხდება მაშინ როცა მხარეები გარკვეულ პირობებზე გარკვეული დროით თანხმდებიან.

საერთაშორისო საზოგადოების ჩარევით ათეული წლების განმავლობაში ხერხდებოდა, რომ მასშტაბურ საომარ-მოქმედებებში არ გადაზრდილიყო. ვიხილეთ რამდენიმე დღიანი ომი 2016 წელს, საკმაოდ მწვავე დაპირისპირება იყო. ახლა ვფიქრობ საკმაოდ სერიოზულად არის საქმე. როგორც მინიმუმ მოლოდინი მაქვს იმისი, რომ გაცილებით მძაფრი დაპირისპირება იქნება ვიდრე იყო წინა შემთხვევაში. ყარაბაღის არაღიარებულ რესპუბლიკაში გამოცხადდა საყოველთაო მობილიზაცია და სამხედრო მდგომარეობა გამოაცხადა სომხეთის რესპუბლიკამ, თუ მივადევნებთ თვალს ინფორმაციებს, დაპირისპირება მიდის ფრონტის მთელ ხაზზე“, - განაცხადა სალუქვაძემ.

ექსპერტს არ აქვს მოლოდინი რომ ორ ქვეყანას შორის მიმდინარე კონფლიქტი მალე ამოიწურება. ამირან სალუქვაძის განცხადებით, გარე აქტორების პოზიციებზე ბევრი რამ არის დამოკიდებული.

„არ მაქვს მოლოდინი, რომ მოკლე ვადებში მოხდება ამ კონფლიქტის ჩაცხრობა. ბევრი რამ არის დამოკიდებული გარე აქტორების პოზიციებზე და აქედან ჩვენ შეგვიძლია გარკვეული პროგნოზები გავაკეთოთ. თურქეთის პოზიცია პროგნოზირებადია, აზერბაიჯანს დაუჭერს მხარს. რუსეთის პოზიცია ორივე მხარისადმი არის მოწოდება, რომ შეწყვიტონ სამხედრო მოქმედებები და დაიწყონ დიალოგი. თუმცა ეს განცხადება დიპლომატიური ხასიათისაა და მის უკან რა იმალება არავინ იცის“, - ამბობს სალუქვაძე და აღნიშნავს, რომ კრემლს არ აწყობს აღნიშნული კონფლიქტის დარეგულირება, რადგან ორივე სახელმწიფოზე გავლენის შენარჩუნება სურს.

„კრემლს არ აწყობს ამ კონფლიქტის დარეგულირება, რადგან როგორც კი ერთი მხარის სასარგებლოდ გადაწყდება, რუსეთი დაკარგავს მეორე მხარეს. ეს აქსიომაა, რუსეთს კი აწყობს ორივე სახელმწიფოზე გავლენების შენარჩუნება. ორივე სახელმწიფოზე გავლენის შენარჩუნება შესაძლებელია მხოლოდ მოუგვარებელი ან გაყინული კონფლიქტით.

ბევრი რამ იქნება დამოკიდებული არადიპლომატიურ განცხადებებზე, არამედ კონკრეტულად რა ქმედებებს განახორციელებს რუსეთი. ჩავთვალოთ, რომ კრემლის განცხადება იყო მოწოდება კონფლიქტის შეწყვეტასთან დაკავშირებით, ეს არის ჩვეულებრივი მორიგე განცხადება და არა სერიოზული ძალისხმევა შეწყვეტისკენ. მანამდე გვიხილავს, რომ პუტინს და ლავროვს აზერბაიჯან-სომხეთის ლიდერებთან სატელეფონო საუბრები გაუმართავს კონფლიქტის შეწყვეტასთან დაკავშირებით“, - განაცხადა სალუქვაძემ.

რაც შეეხება საკითხს, თუ როგორ აისახება მიმდინარე პროცესები საქართველოზე, ამირან სალუქვაძე აცხადებს, რომ ზოგადად რეგიონზე აისახება ცუდად.

„სრულმასშტაბიანი საომარი მოქმედებები აისახება ზოგადად რეგიონზე დაწყებული ეკონომიკური აქტივობის შესუსტებით და უსაფრთხოების გარემოს მორღვევით არა, მაგრამ საკმაოდ დიდი რისკების გამომწვევი იქნება. დამოკიდებული იქნება თუ როგორ განვითარდება პროცესები. ჩვენს საზღვრებთან საკმაოდ ახლოს არის. ფართომასშტაბიანი დაპირისპირების შემთხვევაში, თუ ეს მაღალი ინტენსივობით და ხანგრძლივად გაგრძელდა არ არის გამორიცხული ეს გასცდეს ყარაბაღის ფრონტს, საზღვრებს და მოხდეს მთელ პერიმეტრზე, რაც რა თქმა უნდა სერიოზულ რისკებს გამოიწვევს“, - დასძინა ამირან სალუქვაძემ.

ცნობისთვის, 27 სექტემბერს სომხეთისა და აზერბაიჯანის საზღვარზე ვითარება უკიდურესად დაიძაბა და საომარი მოქმედებები კვლავ განახლდა.

სომხეთმა საომარი მოქმედება გამოაცხადა. თავის მხრივ აზერბაიჯანის ხელისუფლება აცხადებს, რომ სომხეთს პასუხის გარეშე არ დატოვებს.

„ქართული ოცნების“
თავმჯდომარე ირაკლი
კობახიძე, „ნაციონალური
მოძრაობის“ ლიდერი ნიკა
მელია Pia.ge

ირაკლი კობახიძე: ნიკა მელია რომ ციხეში ზ...

„ის, რომ დღეს ნიკა მელია ციხეში ზის, ნამდვილად რუსული თამაშია, რომელიც მიხეილ სააკაშვილმა ნიკანორ მელიას თანამონაწილეობით გაითამაშა“, - ამის შესახებ „ქართული ოცნების“ თავმჯდომარემ, ირაკლი კობახიძემ „ქრონიკაში“ განაცხადა.

მსოფლიო მასშტაბით კორონავირუსის დადასტურებულ შემთხვევათა საერთო რაოდენობა 141 მლნ-ს აჭარბებს განახლებულ მონაცემებს worldometer-ი აქვეყნებს.

1618689111

ჩეხეთის რესპუბლიკამ გამოაცხადა, რომ ქვეყნიდან გაძევებს 18 რუს დიპლომატს, რომლებიც ჯაშუშებად იქნენ ცნობილი.

1618686529

„საქართველოს ბანკზე“ თავდასხმისთვის დაკავებულ ნიკა წურწუმიას ბრალი ოფიციალურად წარუდგინეს. დაკავებულ პირს გამოძიება 144-ე მუხლს ედავება, რაც ორი ან მეტი პირის მძევლად აყვანას გულისხმობს.

1618683713

ჩეხეთის რესპუბლიკაში რუსეთის საელჩოს წინ აქტივისტებმა შიშველი პუტინის ფიგურა დასვეს ოქროს უნიტაზზე.

1618682670
უმრავლესობის წევრი
ირაკლი კობახიძე, 2020 წ.

ირაკლი კობახიძე: იმისათვის, რომ სპეკულაციის ყ...

„შარლ მიშელის ეგიდით შექმნილი დოკუმენტის გარშემო კონსულტაციები ორი კვირა მიმდინარეობდა, სწორედ იმ ხანგრძლივი კონსულტაციების შედეგი იყო ის გადაწყვეტილება, რომელიც ჩვენ მივიღეთ,“ - ამის შესახებ „ქართული ოცნების“ თავმჯდომარემ, ირაკლი კობახიძემ „ქრონიკაში“ განაცხადა.

1618673327
ბოლო 24 საათში საქართველოში კოვიდვაქცინი...

დაავადებათა კონტროლისა და საზოგადოებრივი ჯანმრთელობის ეროვნული ცენტრის მონაცემებით, ბოლო 24 საათის განმავლობაში კორონავირუსის საწინააღმდეგო ვაქცინა 1 237-მა ადამიანმა გაიკეთა.

1618671412
30 აპრილიდან 3 მაისის ჩათვლით სააღდგომო...

სააღდგომო არდადეგების გამო, 30 აპრილიდან 3 მაისის ჩათვლით ვაქცინაცია დროებით შეჩერდება.

ამის შესახებ დაავადებათა კონტროლის ეროვნული ცენტრის მიერ გავრცელებულ ინფორმაციაშია ნათქვამი.

დიდი დიღმიდან მეტროსადგურ „სარაჯიშვილის“...

დიდი დიღმის IV მიკრორაიონიდან მეტროსადგურ „სარაჯიშვილის“ მიმართულებით, დღეიდან ახალი, ინტეგრირებული მარშრუტი - N321 ამოქმედდა. BMC მარკის 12-მეტრიანი, თანამედროვე სტანდარტების ავტობუსით დღეს თბილისის საკრებულოს საბურთალოს რაიონის მაჟორიტარმა დეპუტატმა, ავთანდილ ცინცაძემ ადგილობრივ მოსახლეობასთან ერთად იმგზავრა.