ეკატერინე ტიკარაძე: ჩინური ვაქცინის შემოტანა კატეგორიულად არ განიხილება
1610526923
„ვაქცინაციის პროცესი იქნება ეტაპობრივი, რაც შეეხება ვაქცინებს, ჩინურ ვაქცინას არ გააჩნია ამ პერიოდისთვის საკმარისი ინფორმაციული მასალა და სანდოობა. შესაბამისად, ჯანდაცვის სამინისტრო კატეგორიულად არ განიხილავს ამ ეტაპისთვის ჩინური ვაქცინის შემოტანას,“- ამის შესახებ ჯანდაცვის მინისტრმა ეკატერინე ტიკარაძემ ბრიფინგზე განაცხადა.
მისი თქმით, როგორც კი გვექნება დასტური იმის შესახებ, თუ რა რაოდენობის ვაქცინის მოწოდებას შეძლებს COVAX პლატფორმა, ჩვენ ამასაც გავასაჯაროვებთ.
„ნებისმიერი პროცესი წარიმართება თანმიმდევრულად და აუცილებლად მიიღებს ჩვენი ყველა მოქალაქე საჭირო ვაქცინის რაოდენობას. მივყვებით იმ მოცემულ პროტოკოლს, რომელიც დღეს გვაქვს მოცემული მსოფლიო ჯანდაცვის ორგანიზაციის მიერ. COVAX პლატფორმიდან მოხდება pfizer-ის ვაქცინის ყიდვა,“ - განაცხადა ეკატერინე ტიკარაძემ.
🔶ინფორმაციისთვის, ჯანდაცვის მინისტრმა მანამდე განაცხადა, რომ საქართველო კორონავირუსის ვაქცინის გარკვეულ დოზას თებერვალში მიიღებს.
იხილეთ აგრეთვე:
„კოვაქს“ პლატფორმა მზად არის მოგვაწოდოს ვაქცინა სამედიცინო პერსონალისთვის“ - ჯანდაცვის მინისტრი
გაბუნია: განვიხილავთ Pfizer-ის, moderna-ს და AstraZeneca-ს ვაქცინების შემოტანის შესაძლებლობას
თენგიზ ცერცვაძე: ოპტიმალური იქნება, რომ pfizer-ის ვაქცინის მცირე რაოდენობა შემოიტანონ
