ჯანმო: Covid 19-ის ვაქცინების მიწოდება დაბალშემოსავლიანი ქვეყნებისთვის შესაძლოა, თებერვლიდან დაიწყოს
1611389422
ჯანდაცვის მსოფლიო ორგანიზაციამ განაცხადა, რომ მან მიაღწია შეთანხმებას Pfizer / BioNTech–თან და შესაძლებელია თებერვალში დაიწყოს ვაქცინების მიწოდება ღარიბი და დაბალი საშუალო შემოსავლის ქვეყნებში.
„ამ სამყაროში ჩვენ ისეთივე დაცულები ვართ, როგორც ჩვენი მეზობელი, რომელსაც აქვს ვაქცინა”, - თქვა Pfizer– ის აღმასრულებელმა დირექტორმა ალბერტ ბურლამ და ოფიციალურად გამოაცხადა გარიგების შესახებ.
ბურლას თქმით, უფრო მეტი დოზის მიღება შესაძლებელია მომავალში COVAX პროგრამის საშუალებით.
როგორც ორგანიზაციის დირექტორმა, ტედროს ადანომ გებრეისუსმა განაცხადა, ვაქცინების მილიონობით დოზის მიწოდების მიზნით, კონტრაქტი უკვე გაფორმდა „ფაიზერთან“ და „ასტრაზენეკასთან“.
მისივე თქმით, ვაქცინების დისტრიბუცია „კოვაქსის“ინიციტივის ფარგლებში დაიწყება, რომელიც კოვიდ 19-ის საწინააღმდეგო ვაქცინების ყველა ქვეყნისთვის ხელმისაწვდომობის უზრუნველყოფას ისახავს მიზნად.
„დღეს მე მოხარული ვარ გამოვაცხადო, რომ COVAX-ის ინიციატივის ფარგლებში, ხელი მოვაწერეთ „ფაიზერთან“ ხელშეკრულებას, ვაქცინის 40 მილიონი დოზის მიღებასთან დაკავშირებით. დამატებით 150 მილიონ დოზას ველოდებით კომპანია „ასტრაზენეკასგან“. ამ ვაქცინის დარიგება დაიწყება ამ წლის პირველ კვარტალში. ეს ნიშნავს, რომ „კოვაქსის“ ფარგლებში ვაქცინების მიწოდება შეიძლება, თებერვალში დაიწყოს“, – განაცხადა ტედროს ადანომ გებრეისუსმა.
იხილეთ აგრეთვე:
❗ინფიცირება 998, გამოჯანმრთელება 1 892 - ეპიდვითარება საქართველოში
❗მირან გამყრელიძე: პირველ კვარტალში 500 000 დოზა „ასტრაზენეკას“ ვაქცინას ველოდებით
❗თამარ გაბუნია: საქართველოს შეუძლია მიიღოს ნებისმიერი ტემპერატურული მოთხოვნის ვაქცინა
