მთავარი

ძიება

ვიდეო

ქვიზები

კონტაქტი

პაატა იმნაძე: ჩვენც ადამიანები ვართ და ვეწირებით ვირუსთან ბრძოლას

დაავადებათა კონტროლის ცენტრი
1606471283
COVID-19

დაავადებათა კონტროლის ეროვნული ცენტრის ხელმძღვანელის მოადგილის პაატა იმნაძის თქმით, კორონავირუსს უკვე საკმაო რაოდენობის ექიმის სიცოცხლე შეეწირა.

„რას ვიზამთ, ჩვენც ადამიანები ვართ და ვეწირებით ვირუსთან ბრძოლას“, - აღნიშნა პაატა იმნაძემ.

მისი თქმით, დაწესებული შეზღუდვებიდან გამომდინარე ეპიდსიტუაციის დასტაბილურებას ელოდებიან.

„პირველ რიგში ეპიდვითარების დასტაბილურებას ველოდებით. ვიმედოვნებთ, რომ დეკემბრის მეორე ნახევარში მატება აღარ გვექნება, რაც შესაძლებლობას მოგვცემს, დაიწყოს დაავადების შემთხვევების კლება.

ჯერჯერობით ინფიცირებულთა კლებას ნამდვილად არ ველოდებით. 2 კვირის შემდეგ გვექნება პირველადი შედეგები“, - დასძინა პაატა იმნაძემ.

როგორც მან აღნიშნა, დღესაც ბევრია ისეთი ადამიანი, ვისაც კორონავირუსის არსებობის არ სჯერა.

📌 ცნობისთვის, გასული დღე-ღამის განმავლობაში საქართველოში კორონავირუსის 4 780 ახალი შემთხვევა გამოვლინდა, 3 489 კი, გამოჯანმრთელდა.

აგრეთვე, დაგაინტერესებთ:

👉 ეპიდვითარება საქართველოში

👉 ეპიდვითარება საქართველოს რეგიონებში