სასწავლო პროცესი, სავარაუდოდ, დისტანციურ რეჟიმში განახლდება
1630164194
დაავადებათა კონტროლის ეროვნული ცენტრის ხელმძღვანელის ამირან გამყრელიძის განცხადებით, იმ შემთხვევაში თუ სკოლებში პედაგოგების 80% აცრილი არ იქნება, სასწავლო პროცესის დაწყება უსაფრთხოდ არ ჩაითვლება.
გამყრელიძის თქმით, საერთო ეპიდემიოლოგიური სურათის გასაუმჯობესებლად საჭიროა, ყველა აიცრას.
„ყველა პარამეტრი და ინდიკატორი ძალიან მძიმეა. ახალი შემთხვევების რაოდენობა ანუ ინციდენტობა მაღალია. სკოლებში 80% ადმინისტრაციული პერსონალი პედაგოგ-მასწავლებლები აცრილი თუ არ იქნება, სკოლას უსაფრთხოდ ვერ განვიხილავთ.
ამიტომ სასურველია, რომ მასწავლებლები აიცრან, ადმინისტრაციული პერსონალი აიცრას და საერთო ეპიდსიტუაცია გაუმჯობესდეს“, - აცხადებს გამყრელიძე.
ინფორმაციისთვის, საქართველოში ბოლო 24 საათში კოვიდინფიცირებით 74 ადამიანი გარდაიცვალა, 4247 ახალი შემთხვევა დადასტურდა, ხოლო 3053 პირი გამოჯანმრთელდა.
აგრეთვე დაგაინტერესებთ:
🔴 4247 ინფიცირება, 74 გარდაცვალება, 3053 გამოჯანმრთელება - ეპიდვითარება საქართველოში
