„თუ არ გაფართოვდა ამცრელ პუნქტთა რაოდენობა, მიზანს ვერ მივაღწევთ“ - ამირან გამყრელიძე
1616661851
დაავადებათა კონტროლის ეროვნული ცენტრის დირექტორი, ამირან გამყრელიძე აღნიშნავს, რომ ქვეყანაში მასობრივი იმუნიზაციისთვის მზადება დაწყებულია.
„კლინიკები თებერვლის დასაწყისში იყვნენ გადამზადებული და ახლა კიდევ ე.წ რეფრეშინგი მიმდინარეობს ამ კლინიკების თანამშრომლების, იმუნიზაციის სააგენტოსა და ალერგიის ცენტრის მიერ“,- განაცხადა ამირან გამყრელიძემ.
მისივე თქმით, აუცილებელია, მეტი კლინიკა ჩაერთოს იმუნიზაციის პროცესში და გაიზარდოს ამცრელ პუნქტთა რაოდენობა, რათა ვაქცინაციის პროცესი იყოს წარმატებული.
„თუ არ გაფართოვდა ამცრელ პუნქტთა რაოდენობა, ამ მიზანს ვერ მივაღწევთ. ამიტომ ეს უწყვეტი მზადება მუდმივი თანამგზავრი იქნება ამ პროცესის. უნდა გაფართოვდეს ამცრელთა წრე, ვინც ცრის. თუმცა, ასეთი წრე საკმაოდ დიდია, დაახლოებით, 350-მდე ადგილია, სადაც ბავშვები იცრებიან, აქ განსაკუთრებული ფილოსოფია არ არის, გამოცდილება საკმაოდ დიდია“,- განმარტა დაავადებათა კონტროლის ეროვნული ცენტრის ხელმძღვანელმა.
